1 KARAENG-KARAENG 8:7 - KITTA' MATANGKASA'

⁷ Takka'rangi ka'nyi'na anjo patung-patung malaeka' akka'nyika antongkoki anjo pattia siagang kayu-kayu pa'bulekanna.

1 KARAENG-KARAENG 8:7 ပူးပေါင်းရင်းမြစ်များ

1 KARAENG-KARAENG 6:27

Anjo ruaya patung niboliki a'remba lalang ri anjo Kamara' Kaminang Matangkasaka, siali ka'nyi'na anjo massing patunga naberoi rinringa, nampa massing ka'nyi'na sialia assiberoi ri tangnga-tangngana anjo kamaraka.

1 KARAENG-KARAENG 8:6

Le'baki anjo naerammi sikamma imanga anjo Patti Parjanjianga antama' ri Balla'Na Batara nampa naboli' irawanganna patung-patung malaeka' akka'nyika lalang ri Kamara' Kaminang Matangkasaka.

1 KARAENG-KARAENG 8:8

Anjo kayu pa'bulekanga sanna' la'buna, sa'genna niciniki battu ri dallekanna Kamara' Kaminang Matangkasaka sikamma cappa'na. (Sa'genna kamma-kamma anne tuli nia'na anjoreng anjo kayu-kayua.)

KALAPPASSANG 25:20

siagang musti nipasidallekangi na takka'rang ka'nyi'na irateanna anjo pattia.

YESAYA 6:2

Ri tammuliliNa nia' malaeka' ammenteng kamma pepe' a'rinraya, massing ta'annang ka'nyi'na. Rua ka'nyi'na antongkoki rupanna, rua antongkoki kalenna, na rua ka'nyi'na maraenga untu' anri'ba'.

PAMMILANGNGANG 4:6

Le'baki anjo, musti narangkaki pole ke'nanga anjo Pattia siagang silawara' kaeng kukkulu' alusu', nampa nalapara' silawara' kaeng gau' irateanganna, siagang napataba kayu pa'bule'na anjo Pattia.

IBRANI 9:5

Irateanganna anjo Pattia nia' rua patong malaeka' akka'nyika, a'jaria pangngebarang ri kahaderanNa Allata'ala. Anjo ruaya ka'nyi'na patung malaekaka tassungkei irateanganna anjo pattongko' Pattia, iamintu tampa' pammopporanna dosa-dosaya. Mingka takkullea ngasengi anjo sikammaya nipakasingara' apa battuanna sa'genna a'jari singara' tojeng-tojeng.