1 KARAENG-KARAENG 8:65 - KITTA' MATANGKASA'

⁶⁵ Ri Balla'Na Batara anjo, Salomo siagang sikontu umma' Israel appare'mi passua'-suarrang untu' ampakalompoi Allo Lompona Pa'ballakang Leko'-lekoka, lalang tuju allo sallona. Teai sipato' jaina anjo tau a'rappunganga anjoreng. Battui ke'nanga ri daera agang mangea ri Hamat bellana ri bageang wara', sa'genna mange ri pa'baeng-baenna Mesir bageang timboro'.

1 KARAENG-KARAENG 8:65 ပူးပေါင်းရင်းမြစ်များ

PA'JARIANG 15:18

Anjo wattua memang, appare'mi Batara parjanjiang siagang Abram. Nakana Batara, “A'janjiA' angkanaya laKusarei turungannu sikontu anne buttaya, appakkaramula battu ri pa'baeng-baenna pa'rasangang Mesir sa'genna mange ri Binanga Efrat,

1 KARAENG-KARAENG 3:15

Ambangunnamo Salomo, nasadarimi angkanaya le'baki a'bicara Allata'ala mae ri ia lalang so'na. Jari ammotere'mi mange ri Yerusalem nampa ammenteng ri dallekanna Patti ParjanjianNa Batara, siagang assaremi koro'bang nitunu kammayatompa koro'bang pappasiamakkang. Nampa appare'mo passua'-suarrang untu' sikontu pagawena.

1 KARAENG-KARAENG 4:21

Massing-massing kaluarga para nia' koko anggoro'na siagang koko arana. Lalang sikontu tallasa'na Salomo ra'yaka ri sikontu Yehuda siagang Israel, appakkaramula battu ri Dan sa'genna Bersyeba, amangi siagang sannangi tallasa'na. Nasaba', sikontu karaenga ilaukanna Efrat tundu' ngasengi mae ri ia, siagang sikontu bansa battua ri pa'rasangang-pa'rasangang niaka ri tammulilina kakaraenganna agang ngasengi siagang ia. Butta niaka ri laukanna Binanga Efrat battu ri Tifsah ri birinna Binanga Efrat tulusu' kalau' ri kota Gaza ri Filistin sa'genna ri pa'baeng-baenna Mesir, yangasenna nikoasai ri Salomo. Sikamma bansa niaka anjoreng tundu' ngasengi mae ri ia siagang a'bayaraki passare mae ri ia. Apa-apa nikanre naparalluanga Salomo allo-allona nia' 5.000 litere' labu' halusu', 10.000 litere' labu' kasara', sampulo kayunna sapi nibaraya, ruampulo sapi ri paranga, siagang sibilangngang kayunna gimbala'. Pantaranganna anjo, iamintu pole jonga, kijang, siagang olo'-olo' akka'nyika.

1 KARAENG-KARAENG 8:2

Jari battu ngasemmi ke'nanga ri Allo Lompo Pa'ballakang Leko'-leloka, lalang ri bulang Etanim.

1 KARAENG-KARAENG 8:66

Ri allo makasagantujuna, nasuromi Salomo taua ammotere'. Yangasenna ke'nanga mammujimi ri ia, nampa ammotere' mange ri balla'na ke'nanga siagang rannu pa'mai', lanri yangasenna anjo barakka' Napassareanga Batara mae ri atanNa Daud siagang mae ri umma'Na bansa Israel.

2 KARAENG-KARAENG 14:25

Iaminne Yerobeam II angngalle kabusuki ammotere' sikontu daerana Israel, appakkaramula battu ri oloang mangea ri Hamat bageang wara' sa'genna mange ri Tamparang Matea ri bageang timboro'. Anjo sikammaya situruki siagang janjinNa Batara, Allata'alana Israel, tete ri atanNa, iamintu Na'bi Yunus ana'na Amitai tu Gat-Hefer.

2 KARAENG-KARAENG 17:24

Salaku sambenna tu Israel le'bakamo niengka' mange ri anjo butta pammelakkanga, natampakkangi karaeng Asyur tau battua ri Babel, Kuta, Awa, Hamat, siagang Sefarwaim, anjoreng ri kota-kotana Samaria. Ammantang kabusu'mi anjo taua ri anjo kota-kotaya.

2 KARAENG-KARAENG 23:33

Kala'busangi Yoahas ammarenta ri wattunna nijakkala' ri Nekho karaeng Mesir ri Ribla daera Hamat, siagang nipassai tu Yehuda a'bayara' 3.400 kilo pera' siagang 34 kilo bulaeng.

1 PATTOTTORANG 1:16

Arwadi, Semari, siagang Hamati.

1 PATTOTTORANG 13:5

Jari napa'rappungammi Daud sikontu ra'ya' niaka ri sikontu pa'rasangang, appakkaramula ri pa'baeng-baenna Mesir bageang timboro' sa'genna ri Agang Hamat ri bageang wara', untu' mange angngallei anjo Patti Parjanjianga battu ri Kiryat-Yearim nampa naerang mange ri Yerusalem.

2 PATTOTTORANG 30:13

Ri bulang ruana jaimi ra'ya' asse're ri Yerusalem untu' ansuarri Allo Lompo Roti Tenaya Nammake Pa'gambang.

2 PATTOTTORANG 30:23

natappukimi ke'nanga untu' ansambungi pole anjo passua'-suarranga 7 allo pole sallona. Jari natambaimi pole nagaukang ke'nanga anjo passua'-suarranga, narannu ngaseng nyawana.

KALAPPASSANG 23:31

Sikamma pa'baeng-baenna pa'rasangannu laKupattantui battu ri Tamparang Akaba sa'genna mae ri Binanga Efrat, kammayatompa battu ri Tamparang Tangngaya sa'genna mae ri parang lompoa. LaKusareko koasa mae ri pandudu'na anjo pa'rasanganga, sa'genna akkulle nubongka ke'nanga ri wattunnu maju untu' angngallei anjo buttaya.

YESAYA 27:12

Anjo wattua laNaparappungangi Batara bansaNa tasse're-se're battu ri Binanga Efrat sa'genna ri pa'baeng-baenna Mesir. LaNapasisa'laki ke'nanga rapang tau appasisa'laka lisere' gandung battu ri awanna.

YEHEZKIEL 47:19

Pa'baeng-baeng bageang timboro' a'lampa kalau', battu ri Tamar mange ri timbuseng je'ne' Kades-Meriba, nampa kalau' ri pa'baeng-baenna Mesir sa'genna Tamparang Tangngaya.

AMOS 6:14

KalenNa Batara Kaminang Tinggia siagang Kaminang Koasaya angkana, “He umma' Israel, lakkiringA' tantara battu ri se'reang bansa maraeng untu' ambunduki pa'rasangannu. Lanajallakkang ngasengko appakkaramula battu ri agang mangea ri Hamat wara' sa'genna Ka'bung Araba timboro'.”

AMOS 6:2

Mae mako ciniki ri Kalne, siagang a'jappa tulusu' mako mange ri anjo kota Hamat lompoa, nampa mange ri kota Gat ri Filistin. Nukapangi angkanaya anjo kota-kotaya la'bi bajiki nakakaraengang Yehuda siagang Israel. Maka la'bi lompoangangi daerana ke'nanga nadaeranu?

PAMMILANGNGANG 34:5

Anjoreng a'lekkoi mange ri Ka'bung ri pa'baeng-baenna Mesir na kala'busang ri Tamparang Tangngaya.

PAMMILANGNGANG 34:8

nampa battu anjoreng mange ri Oloang Hamat, nampa tulusu' mange ri Zedad

YOSUA 13:3

kammayatompa sikontu daera Awi a'lampa timboro'. (Daera battu ri Binanga Sikhor ri pa'baeng-baenna Mesir sa'genna mange ri pa'baeng-baenna Ekron ri bageang wara', yangasenna anjo antamaki daerana bansa Kanaan; siagang karaeng-karaenna tu Filistin ammantangi ri Gaza, Asdod, Askelon, Gat siagang Ekron.)

YOSUA 13:5

nampa daera bansa Gebal, siagang sikontu daera Libanon a'lampa anrai', battu ri Baal-Gat ri bageang timboranna Moncong Hermon, tulusu' mange ri oloang mangea ri Hamat.

YOSUA 15:1

Kaluarga-kaluarga battua ri suku Yehuda annarimai pambageang butta kammaya anne pa'baeng-baenna: Ri bageang timboro', anjo daeraya a'la'bui sa'genna mange ri kaminang cappa' timboro'na daera parang lompo Zin ri pa'baeng-baenna Edom;

YOSUA 15:4

Battu anjorengi tulusuki pole mange ri Azmon, nampa a'biring ri pangka binangaya ri pa'baeng-baenna Mesir, nampa kala'busang ri Tamparang Tangngaya. Kammaminjo garisi' pa'baeng-baenna ri bageang timboro'na untu' daerana suku Yehuda. Nampa anjo garisika a'jari tommi garisi' pa'baeng-baeng bageang timboro'na sikontu pa'rasangang Israel.

YOSUA 19:35

Kota-kota nikalli' temboka iamintu: Zidim, Zer, Hamat, Rakat, Kineret,

HAKING-HAKING 3:3

Ia bansa-bansa niaka ija ammantang ilalang ri limaya kotana Filistin, sikontu bansa Kanaan, bansa Sidon siagang bansa Hewi ammantanga ri moncong-monconna Libanon appakkaramula battu ri Moncong Baal-Hermon sa'genna mange ri agang a'lampa mangea ri Hamat.