1 KARAENG-KARAENG 8:64 - KITTA' MATANGKASA'

⁶⁴ Ia memang anjo alloa naresmikang tommi Salomo bageang ri tangngana paranglakkeng niaka ri dallekanna anjo Balla'Na Batara. Nampa ri anjo paranglakkenga assaremi koro'bang nitunu, koro'bang gandung, siagang jannana olo'-oloka untu' koro'bang pappasiamakkang. Yangasenna anjo napassareangi anjoreng lanri ca'di dudui tampa' pakkoro'bangngang tambagaya untu' yangasenna anjo passarea.

1 KARAENG-KARAENG 8:64 ပူးပေါင်းရင်းမြစ်များ

2 PATTOTTORANG 4:1

Assuro pareki Karaeng Salomo se're tampa' pakkoro'bangngang tambaga, la'buna siagang sangkara'na massing-massing 9 metere', siagang tinggina 4,5 metere'.

2 PATTOTTORANG 7:7

Nampa napassareang Salomo mae ri Batara paranglakkeng bageang ri tangngaya niaka ri dallekanna anjo balla' sambayanga. Nampa napassareang anjoreng koro'bang nitunua, koro'bang gandung siagang jannana olo'-olo' untu' koro'bang pappasiamaka. Kabusu'na anjorengi napassareang lanri anjo tampa' pakkoro'bangngang tambaga le'baka napare' tanaalleai untu' sikontu anjo passarea.

KALAPPASSANG 36:7

Alla'bi anjo bahang-bahang le'baka nasumbangkang ke'nanga untu' ampa'le'baki anjo sikontu jama-jamanga.

YEHEZKIEL 45:17

Iami musti ammalli olo'-olo' untu' koro'bang nitunu siagang bahang-bahang untu' koro'bang gandung siagang koro'bang anggoro' untu' sikontu bansa Israel ri allo-allo lompoa, iamintu allo lompo Bulang Beru, allo Pammari-mariang, siagang allo lompo maraengannaya. Musti appasadiai koro'bang untu' pammopporang dosa, koro'bang gandung, koro'bang nitunu, siagang koro'bang passiamakkang untu' appala' popporo' lanri ri dosana bansa Israel.”

KAIMANGNGANG 3:9

Untu' koro'bang passiamakkanga mae ri Batara, musti napassareangi imanga bageang-bageang kammaya anne: jannana anjo gimbalaka, sikontu ingkonna niaka jannana siagang nipolonga ri ampi'na buku dongko'na, jannana anrokokiai bone battanna,