1 KARAENG-KARAENG 8:63 - KITTA' MATANGKASA'

⁶³ Untu' koro'bang pappasiamakkang assaremi Salomo 22.000 sapi siagang 120.000 gimbala'. Kammaminjo karaenga siagang sikontu ra'yaka appare'mi pa'gaukang untu' angresmikangi Balla'Na Batara.

1 KARAENG-KARAENG 8:63 ပူးပေါင်းရင်းမြစ်များ

1 PATTOTTORANG 29:21

Ammukona ammolommi ke'nanga olo'-olo' untu' a'jari koro'bang passare mae ri Batara, nampa nibage-bage mae ri sikontu ra'yaka. Pantaranganna anjo nia' 1.000 sapi laki, 1.000 gimbala' laki, 1.000 gimbala' laki rungkaya nipolong siagang nitunu akkayu irate ri tampa' pakkoro'bangnganga. Assare tommi ke'nanga anggoro' ia nitantukanga untu' massing-massing anjo sikamma koro'banga.

2 PATTOTTORANG 15:11

Anjo alloa assarei ke'nanga ri Batara 700 sapi siagang 7.000 gimbala', wassele' narampasaka siagang naeranga ke'nanga ammotere'na battu a'bundu'.

2 PATTOTTORANG 2:4

Kamma-kamma anne erokka' ambangung se're balla' sambayang untu' ampakala'biriki Karaeng Allata'alaku. Anjo ballaka lakupakei siagang ra'yakku untu' anynyomba ri Ia, attunu dupa bauka rasanna, kammayatompa assare roti nipatala mae ri Ia untu' satunggu-tungguna. Lanjoreng tomma' lassare koro'bang nitunu untu' bari'basa' karueng, punna allo Pammari-mariang, punna allo lompo Bulang Beru, siagang allo-allo maraengannaya nipakatangkasaka untu' ampakala'biriki Karaeng Allata'alana ikambe. Nasaba' le'ba'mi Naparentakang sollanna nagaukang tu Israel anjo kammaya sa'genna satunggu-tungguna.

2 PATTOTTORANG 30:24

Anynyumbammi Karaeng Hizkia 1.000 sapi laki siagang 7.000 gimbala'. Pagawe-pagawena Hizkia assare todong sumbangang 1.000 sapi laki siagang 10.000 gimbala'. Sikontu anjo olo'-oloka nipassareangi mae ri ra'yaka untu' nipolong nampa nikanre. Sanna' jaina imang antangkasi kalenna.

2 PATTOTTORANG 7:4

Le'baki anjo, assaremi koro'bang Karaeng Salomo siagang sikontu tau niaka a'rappung anjoreng mae ri Batara.

2 PATTOTTORANG 7:5

Untu' koro'bang pappasiamakkang assarei Salomo 22.000 sapi siagang 120.000 gimbala'. Kammami anjo batena karaenga siagang sikontu ra'yaka anggaukangi anjo upacara napassareanna anjo balla' panynyombanga mae ri Batara.

EZRA 6:15

Le'ba'mi anjo Balla'Na Batara ri tanggala' tallu bulang Adar, ri taung makaannanna pamarentahanna Karaeng Darius.

NEHEMIA 12:27

Ri wattunna niresmikang tembo' kalli'na kota Yerusalem, nikio' ngasengi sikamma tu Lewia battu ri sikamma tampa' pammantanganna ke'nanga, sollanna akkulle ke'nanga amminawang ampakasuaraki anjo kajarianga siagang kelong-kelong appala' sukkuru', siagang gambusu' na kacapi.

PAMMUJI 30:1

Pammujina Daud. Kelong-kelong ri wattunna niresmikang Balla'Na Batara ri Yerusalem.

YEHEZKIEL 36:38

Kota-kota ancuruka kamma-kamma anne, larassi bonena sallang sangkamma Yerusalem ri allo-allo passua'-suarrang ri allo allaloa, rassi siagang gimbala' eroka nipassareang. Jari nuassemmi angkanaya iNakke Batara.”

YEHEZKIEL 45:17

Iami musti ammalli olo'-olo' untu' koro'bang nitunu siagang bahang-bahang untu' koro'bang gandung siagang koro'bang anggoro' untu' sikontu bansa Israel ri allo-allo lompoa, iamintu allo lompo Bulang Beru, allo Pammari-mariang, siagang allo lompo maraengannaya. Musti appasadiai koro'bang untu' pammopporang dosa, koro'bang gandung, koro'bang nitunu, siagang koro'bang passiamakkang untu' appala' popporo' lanri ri dosana bansa Israel.”

MIKHA 6:7

Apaka lasannangi Batara punna angngerangki' mae ri Ia assa'bu-sa'bu gimbala' yareka alla'bi-la'bi minynya' zaitun? Mustika nipassareangi mae ri Ia ana' bungasatta salaku pannangkasi mae ri dosa-dosata?

YOHANES 10:22

Assua'-suaraki taua ri Yerusalem ansua'-suarri Allo Lompo Appakkaramula nipakena Balla'Na Batara. Anjo wattua dingingi.