1 KARAENG-KARAENG 8:61 - KITTA' MATANGKASA'

⁶¹ Paralluko ikau, umma'Na, tuli tamamminraya mae ri Batara, Allata'alata siagang mannuruki ri hukkung-hukkunNa siagang parenta-parentaNa, sangkamma nugaukanga ngaseng anne alloa.”

1 KARAENG-KARAENG 8:61 ပူးပေါင်းရင်းမြစ်များ

PA'JARIANG 17:1

Ri wattunna salapampulo assalapang taung umuru'na Abram, Napappicinikammi KalenNa Batara mae ri ia na Nakana, “INakkemi Allata'ala Kaminang Koasaya. Turuki laloA' siagang tuli gaukangi erokKu.

1 KARAENG-KARAENG 11:4

sa'genna ri wattu toana akkullemi ninyonyo' ri ke'nanga anynyomba ri rewata-rewata maraenga. Daud, manggena Salomo, majarreki mae ri Batara, Allata'alana. Mingka Salomo tena nasangkamma manggena.

1 KARAENG-KARAENG 15:14

Manna natenapa naancuru' ngasengi Asa sikontu tampa' panynyombanna barhalaya, mingka tuli majarreki mae ri Batara lalang tallasa'na.

1 KARAENG-KARAENG 15:3

Sangkamma manggena, Abiam jai dosa nagaukang. Tena natulusu' majarre' pa'mai'na mae ri Karaeng Allata'alana, tasangkammayai siagang Daud, boe-boena.

1 KARAENG-KARAENG 3:3

Salomo mangngamaseangi ri Batara siagang mannuruki ri pitunju'-pitunju' battua ri manggena. Mingka tuli anynyamballe iji siagang assare iji koro'bang olo'-olo' ri tampa' a'rupa-rupaya.

2 KARAENG-KARAENG 20:3

“O Batara, Kiu'rangi laloi angkanaya le'ba'mi kupare' ata kalengku mae ri Katte, majarreka' siagang tulusuki pa'maikku mae ri Katte. Tuli kuusahai anggaukangi apa Kikaerokia.” Nampa angngarru' Hizkia sanna' si'nana nasa'ring nyawana.

1 PATTOTTORANG 28:9

Nampa nakana Daud mae ri Salomo, “Anakku, parallui nuakui Allata'ala nasombaya manggenu, salaku Allata'alanu. Musti anynyombako mae ri Ia situlusu'na atinnu. Nasaba' Naasseng ngasengi sikontu pikkiranta siagang apa nakaerokia atinta. Punna nuboyai, lanubuntuluki, mingka punna nubokoi, laNasorongbokoko sa'genna satunggu-tungguna.

1 PATTOTTORANG 29:9

Ra'yaka rella tommi atinna assare ri Batara siagang rannumi pa'mai'na ke'nanga lanri jaina apa akkulle napassareang ke'nanga. Sanna' tommi rannuna pa'mai'na Karaeng Daud.

AYUB 1:1

Ri butta Us, nia' sitau bura'ne ammantang, niareng Ayub. Anynyombai siagang majarreki tappa'na mae ri Allata'ala. Baji' akkalaki siagang tena na'gau' kodi manna sike'de'.

AYUB 1:8

Nakanamo Batara, “Apaka nuparhatikangi atangKu Ayub? Ri sikontu linoa, tena tau sangkammanna baji' pa'mai' siagang majarre'na tappa'na. Anynyombai mae ri Nakke, siagang tena sikali na'gau' kodi.”

PAMMUJI 37:37

Parhatikangi tau bajika siagang tau lambusu' pa'maika; tau nangaia assiama' bajiki allo ri bokona.

2 KORINTUS 7:1

Sikamma sari'battangku kukarimangngia! Sikontu anjo janjia untu' ikatte ngaseng. Lanri kammana, parallui nitangkasi kalenta battu ri sikamma apa-apa akkullea anra'massi tubuta siagang nyawata. Paralluki' malla' mae ri Allata'ala. Sollanta akkulle attallasa' baji' siagang matangkasa' untu' Allata'ala.

PAOLE 18:13

Jari paralluko ampa'jari atai kalennu mae ri Karaeng Allata'alanu siagang sikontu pa'mai'nu.”