1 KARAENG-KARAENG 8:58 - KITTA' MATANGKASA'

⁵⁸ Poro Napa'jariki' tau tamamminra ri Ia sollanta tuli attallasa' situru' ero'Na siagang mannuruki ri sikontu hukkunNa siagang parentaNa ia le'baka Napassareang mae ri boe-boeta.

1 KARAENG-KARAENG 8:58 ပူးပေါင်းရင်းမြစ်များ

1 KARAENG-KARAENG 8:59

Poro Batara, Allata'alata, tuli Nau'rangi pappala' doanta le'baka nipabattu mae ri Ia. Poro tuli Napappicinikangi kalammoranNa mae ri umma' Israel siagang karaenna, na Nasare ke'nanga apa naparalluanga ke'nanga allo-allo.

PAMMUJI 110:3

Ri allo battunu siagang koasa, ri bulu' matangkasa' ra'ya'nu maju siagang pa'mai' rella. Sanrapang saliu' ri bari'basaka, sikamma tau rungkaya battu mae ri kau.

PAMMUJI 119:36

Kisarea' kacinnang untu' mannuruki ri paratoranTa, la'biangngang na cinnaya a'jari kalumanynyang.

KELONG MALA'BIRI' 1:4

Umba linta', o, karaengku, eranga' antama' ri kamara'nu. Lanri ikau nama'reja-reja ngaseng ikambe, mammuji ri pangngainu la'bia na anggoro'; siratang memangi tuloloa ero' ri kau!

YEREMIA 31:33

Iaminne parjanjiang beru laKupareka siagang umma' Israel: Hukkung-hukkungKu laKuboliki ri ati mailalanna ke'nanga, Kutulisiki ri pa'mai'na ke'nanga. INakke la'jari Allata'alana ke'nanga, siagang ke'nanga la'jari ummakKu.

PAOLE 4:1

Nampa nakana Musa mae ri anjo bansaya, “Turuki sikontu hukkung kupangngajarranga mae ri kau ngaseng, sollannu attallasa' sa'genna nupammantangngi anjo butta laNapassareanga Batara, Allata'alana boe-boenu, mae ri kau.

PAOLE 4:45

Anjo kammaya nagaukangi ri assulu'namo ke'nanga battu ri butta Mesir siagang ri nia'na ke'nanga ri ka'bung rayanganna Binanga Yordan, assidallekang siagang kota Bet-Peor. Anjo daeraya le'ba' daerana Sihon, karaenna tu Amori, le'baka ammarenta riolo ri kota Hesybon. Nibetai ri Musa siagang bansa Israel ri wattunna assulu' ke'nanga battu ri butta Mesir.

PAOLE 6:1

“Nasuroa' Karaeng Allata'alanu ampangngajarrangi sikontu anne hukkunga mae ri kau ngaseng, sollanna nugaukangi sallang ri pa'rasangang tenayamo nasallo nanupammantangngi.

FILIPI 2:13

nasaba' KalenNa Allata'ala anjama lalang ri kalennu, sa'gennu ero' siagang akkulle ampakarannui pa'mai'Na Allata'ala.

IBRANI 13:21

Poro Allata'ala, iamintu kabattuanna barakka' kasalewanganga ampassukku' ngasengko siagang sikontu apa-apa baji', nuparalluanga untu' anggaukangi ero'Na. Poro tete ri Isa Almasi, naNagaukang Allata'ala lalang ri kalenta apa Nakaerokia. Poro tuli nipuji-puji Almasi sa'genna satunggu-tungguna! Aming.

YOSUA 24:23

Angkanami Yosua, “Punna kamma paleng, pakabella ngasemmi rewata-rewatana bansa maraenga, ia niaka ri kau, siagang a'janji mako angkanaya talamamminrayai pa'mai'nu mae ri Batara, Allata'alana Israel.”