1 KARAENG-KARAENG 8:48 - KITTA' MATANGKASA'

⁴⁸ Punna anjoreng ri pa'rasanganga attojeng-tojeng situlusu' pa'mai'na ke'nanga ambokoi dosa-dosana, nampa appala' doang mae ri Katte a'dalle' mae anrinni ri anne pa'rasangang Kipassareanga mae ri boe-boena ikambe, a'dalle' mae anrinni ri kota nipileTa siagang anne balla' passambayangang le'baka kubangung untu' iKatte,

1 KARAENG-KARAENG 8:48 ပူးပေါင်းရင်းမြစ်များ

1 KARAENG-KARAENG 8:33

Punna nibeta ummatTa Israel ri musu-musunna lanri dorakana ke'nanga, nampa ammotere' ke'nanga mae ri Katte siagang napakala'birikKi' salaku Batara, nampa battu mae anrinni ri balla' passambayanganga, kammayatompa appala' doang appala' popporo' ri Katte,

1 KARAENG-KARAENG 8:49

poro battu ri pammantanganTa ri suruga Kipilangngeri pappala' doanna ke'nanga siagang Kikamaseangi ke'nanga.

2 KARAENG-KARAENG 23:25

Tena le'bakai nia' karaeng sangkamma Yosia, attojeng-tojenga ri pa'mai'na anynyomba mae ri Batara, siagang napa'nyatami anjo lalang ri carana attallasa' siagang appanggaukang, situru' sikontu hukkung niaka tattulisi' lalang ri kitta'na Musa. Manna ri tenanamo Yosia, tena tommo karaeng sangkammanna.

NEHEMIA 1:9

Mingka punna ammotereki pole ikambe mae ri Katte siagang mannuruki ri parentaTa, ikambe le'baka tassa'la'-sa'la' laKipa'rappungi ammotere', manna pole niaki ikambe ri cappa'-cappa'na linoa. Nampa laKipoterang ikambe mange ri tampa' le'baka Kipile untu' a'jari tampa' panynyombang mae ri Katte.

PAMMUJI 119:10

Lalang sibatu pa'maikku kuusahai angngassengKi', teaKi' lappassangngia' andakkai parentaTa.

PAMMUJI 119:145

Akkioka' mae ri Katte siagang sibatu pa'maikku; Kipiali laloa', o, Batara, erokka' mannuruki ri parentaTa.

PAMMUJI 119:2

Mate'nei tau anturukiai parentaNa, siagang sibatu pa'mai'na usaha angngassengi Batara.

PANGNGEBARANG 23:26

Parhatikangi baji'-baji', siagang contoi tallasa'na, ana'!

YEREMIA 24:7

LaKusarei ke'nanga kaerokang untu' ampahangi angkanaya iNakkemi Batara. Na la'jarimo ke'nanga ummakKu, siagang iNakke a'jari Allata'alana ke'nanga, lanri lammotereki ke'nanga mae ri Nakke lalang sikontu pa'mai'na.

YEREMIA 3:10

Le'baki nagaukang ngaseng sikammaya anjo, ammotere'mi anjo tu Yehuda tamajarreka pa'mai'na mae ri Nakke mingka assara-saraiji, lanri tena natulusu' antama' ri atinna ke'nanga. INakke, Batara, anne a'bicara.”

DANIEL 6:10

Jari natekemmi Karaeng Darius anjo sura' parentaya.

DANIEL 6:11

Nalangngere'na Daniel anjo passalaka, ammotere'mi ri balla'na. Kamara'na niaka ri tingka' iratea nia' jandela-jandelana a'dalle' mangea ri Yerusalem. Na sangkamma biasana, akkulantuki appala' doang mae ri Allata'alana siagang mammuji ri Ia, tappintallu siallo ri dallekanna anjo jandela-jandela tassungkea.

DANIEL 9:13

Sikontu anjo bala niaka tattulisi' lalang ri Hukkung napabattua Musa le'ba'mi Kipitujui ikambe. Mingka manna nakamma mamo, o Karaeng Allata'alana ikambe, tuli teana ija ikambe ampakasannangi atinTa. Tuli tenana naero' ikambe ambokoi dosa-dosana ikambe siagang taerokai ikambe amparhatikangi ajarang-ajaranTa.

DANIEL 9:5

Dorakami ikambe, a'gau' ja'dala'mi ikambe, siagang nagaukammi ikambe kasalanga. Pabali-balimi ikambe siagang nadakkai ikambe parentaTa, kammayatompa ammengkai ikambe battu ri paratorang-paratoranTa.

KAIMANGNGANG 26:40

Mingka lanaakui jari-jarinu dosana ke'nanga siagang dosana boe-boena ke'nanga, ia tamannurukia siagang angngewaya mae ri Nakke,

YUNUS 2:4

Kukana lalang ri atingku: Nabongkama' anne Batara battu ri dallekanNa. Talakucinikami pole Balla' pammantangang matangkasa'Na.

ZAKHARIA 10:9

Manna pole Kupasiara' ke'nanga ri tangnga-tangngana bansa-bansaya, tuli lamangngu'ranginna ke'nanga mae ri Nakke anjoreng. Lasalamaki ke'nanga kammayatompa ana'-ana'na na siagang ngaseng lammotere' mange ri pa'rasanganna.

LAMPA-LAMPANA 8:36

Ri tangngana aganga; anrapi'mi ke'nanga mange ri se'reang tampa' niaka je'ne'na. Nakanamo anjo pagawea, “Ciniki, anjo mae nia' je'ne'! Apapi pole kakuranganna punna erokka' nije'ne'?” [

ROMA 10:10

Nasaba' lanri tappa'na taua lalang atinna, sa'genna nitarimamo ri Allata'ala anjo taua assibajiki siagang Allata'ala. Siagang lanri mangakuna taua siagang bawana, sa'genna nipasalama' ri Allata'ala.

PAOLE 4:29

Nampa lanuboya Karaeng Allata'alanu; siagang punna attojeng-tojengko ri pa'mai'nu amboyai, lanugappai.