1 KARAENG-KARAENG 8:47 - KITTA' MATANGKASA'

⁴⁷ poro Kipilangngeri pappala' doanna ke'nanga. Punna anjoreng ri pa'rasanganga nabokoi dosa-dosana ke'nanga, nappala' doang mae ri Katte namangaku angkana dorakami siagang a'gau' ja'dala'mi ke'nanga, Kipilangngerimi pappala' doanna ke'nanga, o Batara.

1 KARAENG-KARAENG 8:47 ပူးပေါင်းရင်းမြစ်များ

1 KARAENG-KARAENG 8:33

Punna nibeta ummatTa Israel ri musu-musunna lanri dorakana ke'nanga, nampa ammotere' ke'nanga mae ri Katte siagang napakala'birikKi' salaku Batara, nampa battu mae anrinni ri balla' passambayanganga, kammayatompa appala' doang appala' popporo' ri Katte,

2 PATTOTTORANG 6:37

dasi-dasi naKipilangngeri pappala' doanna ke'nanga. Punna anjoreng ri pa'rasanganga nabokoi ke'nanga dosa-dosana, nampa appala' doang mae ri Katte siagang namangakui angkanaya dorakami siagang a'gau' ja'dalaki ke'nanga, o Batara, Kipilangngeri laloi pappala' doanna ke'nanga.

PAMMUJI 106:6

Dorakami ikambe sangkamma boe-boena ikambe; a'gau' ja'dala'mi siagang dorakami ikambe.

YEHEZKIEL 16:61

Lanuu'rangi sikamma panggaukannu siagang lasiri'-siriki nusa'ring ri wattunna Kupoterang ammotere' sikamma sari'battannu mae ri kau. LaKupa'jari ke'nanga rapang ana'-ana'nu, manna pole naanjo kammaya tantamakkai ri parjanjiangKu siagang ikau.

YEHEZKIEL 16:63

LaKupammopporangi kasalannu, mingka takkulleako angkaluppai siagang lasiri'-siriki nusa'ring akkanaya. INakke, Batara Kaminang Tinggia, anne akkana.”

YEHEZKIEL 18:28

Nasadarimi sikontu panggaukanna nampa ammari anggaukangi dosaya. Lalang kammana anjo tenamo nalamate, passangalinna tuli lattallasaki.

HAGAI 1:7

Tena nusadara' ri kalennu angkanaya angngapai nakajariang anjo kammaya?

ZAKHARIA 10:9

Manna pole Kupasiara' ke'nanga ri tangnga-tangngana bansa-bansaya, tuli lamangngu'ranginna ke'nanga mae ri Nakke anjoreng. Lasalamaki ke'nanga kammayatompa ana'-ana'na na siagang ngaseng lammotere' mange ri pa'rasanganna.

ZAKHARIA 12:10

Nampa jari-jarina Daud siagang pandudu'na Yerusalem laKupa'jari tunangai mangngamaseang pa'mai'na siagang nangai appala' doanga. Lanaciniki ke'nanga anjo tau le'baka nacoka ke'nanga, nampa nakarruki rapang tau angkarruki ana' sitau-tauna matea. Langngarruki ke'nanga pacce pa'mai'na, rapang tau ammoteranga ana' bungasa'na.

1 SAMUEL 7:6

A'rappungang ngasemmi ke'nanga ri Mizpa. Anynye'ro'mi ke'nanga je'ne' nampa napatiri' salaku passare mae ri Batara, nampa appuasa ke'nanga siallo kabusu', anjo alloa. Nakanamo ke'nanga, “Dorakami ikambe mae ri Batara.” (Anjoremmi ri anjo Mizpa napakaramulai Samuel ampakabajiki sikamma parkara passisala-pasalanga ri tu Israel.)