1 KARAENG-KARAENG 8:37 - KITTA' MATANGKASA'

³⁷ Punna natuju anne pa'rasanganga bala yareka garring, yareka panraki lamung-lamunga lanri anging bambanga, olo', yareka anango, yareka punna nibundu' ummatTa ri musua, yareka nitaba ri garring,

1 KARAENG-KARAENG 8:37 ပူးပေါင်းရင်းမြစ်များ

1 KARAENG-KARAENG 8:38

poro Kipilangngeri pappala' doanna ke'nanga. Punna battu ri ummatTa Israel nia' si'na appala' doang ri Katte nanapatara limanna mae ri anne balla' passambayanganga,

1 PATTOTTORANG 21:12

Natujui anne pa'rasanganga bala kacipurang tallun taung sallona, yareka pitilari-lariki' niondang ri musua ri kere-keremae tallum bulang sallona, yareka sikontu anne pa'rasanganga tallungalloi nitujui ri pa'danNa Batara iamintu nibattui ri garring ri kere-keremae, kammayatompa battui malaeka'Na angngerang kamateang ri kere-keremae. Kitappukimi ri kamma-kammaya anne apa musti kupabattu mae ri Batara.”

2 PATTOTTORANG 20:9

angkanaya punna nihukkungi ke'nanga lanri dosa-dosana ke'nanga, siagang punna nituju ke'nanga ri pa'bundukang, garring, yareka kacipurang, akkullei battu ke'nanga mae ri Katte siagang ammenteng ri dallekanna anne balla' panynyombanga. Punna lalang kasukkarang ke'nanga, akkullei ke'nanga appala' doang mae ri Katte, siagang laKipilangngeri na Kitulung ke'nanga.

PAMMUJI 78:46

Appabattui olo' siagang katimbang, ampaccappuki kattoanna siagang wassele' kokonna ke'nanga.

PAMMUJI 91:3

LaNalappassangko battu ri bahaya taccokkoa, siagang battu ri garring angngeranga kamateang.

YEREMIA 32:2

Anjo wattua tantarana karaeng Babel nabunduki Yerusalem. Nitahanga' ri parang lakkenna balla' karaenga

YEHEZKIEL 14:21

Nakana Batara Kaminang Tinggia, “LaKupabattui appaka hukkungang kaminang hebaka mae ri Yerusalem untu' angngancuruki baji' narupataua kammayatompa olo'-oloka. Anjo appaka hukkungang iamintu: bundu', kacipurang, olo'-olo' sekke' siagang garring.

KAIMANGNGANG 26:16

laKuhukkungko. LappabattuA' bala mae ri kau, garring siagang rammusu' tenaya nakkulle niballei sa'gennu a'jari buta siagang ta'ronang-ronang tallasa'nu. La'lamung-lamungko mingka tena nanugappai wassele'na, nasaba' labattui musu-musunnu ambetako siagang ampaccappuki sikamma apa-apa nulamunga.

HAGAI 2:17

AppaturungA' anging bambang siagang bosi batu untu' angngancuruki sikontu wassele' kokonnu, mingka tena tongijapa nuero' ammotere' mae ri Nakke.

PAOLE 28:25

Punna tena numannuruki mae ri Karaeng Allata'alanu, laNalappassangko nibeta ri musu-musunnu. Lanuatoro' bajiki batenu a'bundu', mingka lalariko tassimbung-simbung. Sikontu bansa-bansaya lamalla'-malla' ngasengi anciniki cilaka antujuako.