1 KARAENG-KARAENG 8:35 - KITTA' MATANGKASA'

³⁵ Punna doraka ummatTa nampa Kihukkung ummatTa iamintu tena naKipaturung bosia, nampa toba' ke'nanga battu ri dosana siagang napakala'birikKi' salaku Batara, nampa andallekang ri Katte ri anne balla' passambayanganga kammayatompa appala' doang mae ri Katte,

1 KARAENG-KARAENG 8:35 ပူးပေါင်းရင်းမြစ်များ

2 SAMUEL 24:10

Mingka ri le'ba'namo nasuro bilang Daud anjo bansaya, naassemmi kalenna sala, nampa nakanamo mae ri Batara, “O, Batara, teai sipato' dorakaku! Kipammopporanga', lanri dongo'na anjo panggaukangku.”

2 SAMUEL 24:13

battumi Gad andallekang nampa napabattuang anjo kananNa Batara nakana, “Kereanga kipilei karaeng: Anne pa'rasanganga nituju ri bala kacipurang tallun taung sallona, yareka niondangki' ri musunta lalang tallum bulang sallona, yareka nitujui anne pa'rasanganga ri garring lalang tallung ngallo? Kitappuki kamma-kamma anne apa musti kupabattu mae ri Batara.”

1 KARAENG-KARAENG 17:1

Nia' sitau na'bi niareng Elia. Assala'na tubattu ri Tisbe, iamintu se'reang kota ri daera Gilead. Ri se'reang allo battui mae ri Karaeng Ahab na nakana, “Lanri Batara, Allata'ala mattallasaka, Ia nasombaya tu Israel siagang Ia kulayania, kupabattuangki' angkanaya lalang ruampulo yareka tallumpulo taung labattua anne latena saliu' yareka bosi manna sike'de', pantaranganna punna kukanangi.”

1 KARAENG-KARAENG 8:33

Punna nibeta ummatTa Israel ri musu-musunna lanri dorakana ke'nanga, nampa ammotere' ke'nanga mae ri Katte siagang napakala'birikKi' salaku Batara, nampa battu mae anrinni ri balla' passambayanganga, kammayatompa appala' doang appala' popporo' ri Katte,

1 KARAENG-KARAENG 8:34

poro Kipilangngeri laloi ke'nanga ri suruga. Poro Kipammopporangi dosana anne ummatTa, siagang Kierangi ammotere' mange ri pa'rasangang le'baka Kipassareang ri boe-boena ke'nanga.

2 PATTOTTORANG 6:24

Punna nibeta ummatTa Israel ri musu-musunna lanri dorakana ke'nanga, nampa assesse' lalang siagang napakala'birikKi' ammotere' salaku Batara, nampa battu mae ri anne BallatTa kammayatompa appala' doang appala' popporo' mae ri Katte,

2 PATTOTTORANG 6:26

Punna doraka ummatTa mae ri Katte nampa Kihukkung ke'nanga iamintu tena Kippaturung bosi, nampa toba' ke'nanga battu ri dosana siagang ammotereki ke'nanga ampakala'birikKi' salaku Batara, nampa andallekang mae ri anne BallatTa, siagang appala' doang ri Katte,

AYUB 12:15

Natahangi je'neka, nakalotoro' siagang roso' sikamma niaka; Nalappassangi assolong, nabattumo a'baya!

YESAYA 5:6

LaKubalang parekangi natimboi ruku'-ruku' liara'. Tena nalaKuparakai poko' anggoro'na, siagang tena nalaKusangkoi. Ba'lalo Kubalang parekangi nitongko' ri ruku' siagang rompo' akkatinting, ba'lalo Kupisangkai rammanga ampitu'guri bosi.”

YESAYA 9:13

Lanri kammana anjo lalang sialloji bawang Nahukkung Batara sikamma pamimpinna siagang ra'ya'na Israel. Napolongi ulunna nampa Napela' ulunna siagang ingkonna.

YEHEZKIEL 14:13

punna nia' se're pa'rasangang doraka siagang tena namajarre' pa'mai'na mae ri Nakke, laKuhukkungi anjo pa'rasanganga. LaKuancuruki parsadiaang kanrena, lappabattuA' bala kacipurang siagang laKubunoi baji' rupataua kammayatompa olo'-oloka ri anjo pa'rasanganga.

HOSEA 14:1

Samaria musti nihukkungi lanri angngewana ri Nakke. Lamatei ra'ya'na lalang pa'bundukanga; ana'-ana' lolona lanilissaraki, siagang bai'-baine tiananga lanipuei battanna.”

KAIMANGNGANG 26:19

Teai sipato' tamponu, mingka laKupatundu' ngasengko. Tena nalabattu bosia, sa'genna a'jari kalotoro' siagang kassa' kamma bassi buttanu.

HAGAI 1:10

Iaminjo saba'na natena naturung bosia sa'genna tena lamung-lamung akkulle attimbo.

ZAKHARIA 14:17

Punna nia' bansa taeroka a'lampa mange ri Yerusalem untu' anynyomba ri Karaeng, Batara Kaminang Koasaya, talanatujuai bosi pa'rasanganna.

MALEAKHI 3:10

Erang ngasengi bage sampulona panggappannu mange ri BallakKu sollanna nia' kanre alla'bi-la'bi anjoreng. So'riMa', nalanucini' angkanaya Kusungkei sikamma pakke'bu'na surugaya siagang Kupila'juiko kabajikang.

LUKAS 4:25

Mingka pilangngerimi anne: ri jammang nia'na Na'bi Elia, ri wattu tenana naturung bosia tallun taung sitangnga, naallemi cipuru' sikontu bonena pa'rasanganga. Na anjo wattua jai janda ri Israel.

ROMA 10:9

Nasaba' punna mangakuko siagang bawanu angkanaya, “Batara anjo Isa,” siagang tappakko lalang ri atinnu angkanaya le'ba'mi Napattallasa' poleang ammotere' Allata'ala anjo Isa battu ri kamateanga, ma'nassa lasalama' mako.

ROMA 15:9

Napa'jari tommi Isa bansa-bansa maraenga appakala'biri' mae ri Allata'ala, lanri baji' pa'mai'Na Allata'ala mae ri ke'nanga. Nia' tattulisi' lalang ri Kittaka, angkanaya, “Lanri kammanami anjo nakulamammuji-muji mae ri Katte ri tangnga-tangngana bansa-bansaya, lamakkelonga' mammuji-muji mae ri arenTa.”

PAOLE 11:16

Teako erokki nipakabella battu ri Batara untu' anynyomba siagang ampare' atai kalennu mae ri rewata-rewata maraenga.

PAOLE 11:17

Punna nudakkai anjo parentaNa, lalarroi Batara mae ri kau. Tena Nalappaturung bosi; la'jari kalotoro' taba sikali buttanu sa'genna tenamo wassele'na lamung-lamunnu. Jari tasalloami numate ri butta coppong Napassareanga Batara mae ri kau.

PAOLE 28:12

Lappaturungi bosi Batara punna narapi' wattunna battu ri pammolikang alla'biNa ri langika. LaNabarakkaki sikontu usahanu, sa'genna akkulleko assarei angnginrang jaia bansa, mingka tena nuparallu angnginrang manna pole battu ri nai.

PAPPICINI' 11:6

Nia' kakoasanna ke'nanga untu' antongkoki langika sollanna tena naturung bosia ri wattu napa'la'banna ke'nanga biritta battua ri Allata'ala. Nia' todong kakoasanna ke'nanga mae ri sikontu timbuseng je'neka, untu' ampinrai je'neka a'jari cera'. Siagang nia' todong kakoasanna untu' antunrungi buttaya siagang a'rupa-rupa bala, kere-kere wattu punna ero' ke'nanga anggaukangi.