1 KARAENG-KARAENG 8:32 - KITTA' MATANGKASA'

³² o Batara, poro Kipilangngeri ri suruga siagang Kitappuki parkarana anne ata-atanTa ngaseng. Hukkungi tau salaya situru' panggaukanna, siagang Kilappassangi tau tenaya nasala.

1 KARAENG-KARAENG 8:32 ပူးပေါင်းရင်းမြစ်များ

2 SAMUEL 22:21

Nabalasaki Batara gau' katojengangku; Nabarakkakia' lanri tenana kusala.

1 KARAENG-KARAENG 2:32

Lanihukkungi ri Batara lanri pammunoang le'baka nagaukang nampa tanaassenga manggeku. Abner, perwira tantarana Israel, siagang Amasa perwira tantarana Yehuda, rua-rua tena salana. Bajikangngangi ke'nanga na kalenna Yoab, mingka nabunoi ke'nanga.

1 KARAENG-KARAENG 2:33

Hukkungang lanri kamateanna anjo ruaya perwira lanatanggongi Yoab siagang turunganna sa'genna satunggu-tungguna. Mingka sikontu turunganna manggeku a'jari karaenga, tuli lanibarakkaki ri Batara – laupaki ke'nanga.”

ESTER 9:25

Mingka andallekangi Ester ri karaenga, nampa appasulu'mo sura' parenta, sa'genna a'jarimo anjo rancana ja'dalaka Haman nataba kalenna. Sa'genna iami siagang sikamma ana' bura'nena nigentung ri pa'gentunganga.

PAMMUJI 18:25

Na Nabalasa'mo Batara panggaukang tojengku saba' Naassengi angkana tena kusala.

PAMMUJI 7:9

IKatte angngadeli umma' rupataua; Kisarea' kaadelang, o Batara, saba' tena kusala.

KALAPPASSANG 23:7

Pakabellai tuduhang takontutojenga, siagang teako pa'biangngi nihukkung mate tau tenaya nasala, lanri tena Kupattojengi tau a'gau' ja'dala' kammaya anjo.

KALAPPASSANG 34:7

Tuli mangngamaseangKu mae ri assa'bu-sa'bu lapisi'na turunang siagang Kupammopporangi kasalanga siagang dosaya; mingka sikamma tau salaya tena sikali nakkulle ta'lappasa' battu ri hukkungangKu, ba'lalo manna ana' cucunna sa'genna lapisi' makatallua siagang makaappaka anjo tau dorakaya takkulleai ta'lappasa' battu ri hukkungangKu.”

PANGNGEBARANG 1:31

Lanri kammana, lanukasia' ngasengi sallang kale'bakkanna sikamma panggaukang-panggaukannu siagang rancana-rancana kodinu.

PANGNGEBARANG 17:15

Nakabirisi Batara tau ampattojengai tau dorakaya, siagang nabilang sala tau tenaya nasala.

YESAYA 45:25

Mingka turunganna Yakub lanipasalamaki, na lamammuji ke'nanga ri Nakke, Bataraya.

YEHEZKIEL 18:13

Punna assarei angnginrang appalaki bunga. Apaka anjo tau kammaya lattallasaki? Tena! Nagaukammi sikontu panggaukang appakaringi'-ringika anjo, siagang lamatei. Anjo namate lanri panggaukanna tonji.

YEHEZKIEL 18:20

Inai tau doraka iami lamate. Anjo anaka tena namusti natanggongi dosana manggena; kabalekanna, manggena tena todong namusti natanggongi dosa-dosana ana'na. Tau bajika langgappai pahala baji' lanri panggaukang baji'na. Na tau ja'dalaka lanakasiaki sessaya lanri panggaukang ja'dala'na.

YEHEZKIEL 18:30

Nakana Batara Kaminang Tinggia, “He tu Israel, laKuadeli tunggala' taua situru' massing panggaukanna. Toba' mako battu ri dosa-dosanu. Teako lappassangi dosanu angngancuruki kalennu.

YEHEZKIEL 9:10

Tena nalaKukamaseang ke'nanga. LaKugaukangi mae ri ke'nanga apa le'baka nagaukang ke'nanga mae ri tau maraenga.”

PAMMILANGNGANG 5:27

Ebara' angkana le'baki a'gau' bawang anjo bainea, anjo je'neka langngerangi kapa'risang sannaka mae ri anjo bainea; akkambangi battanna siagang akkapurruki poko' bongganna. Arenna la'jarimi sumpa pattunra ri tangnga-tangngana bansana.

ROMA 2:13

Nasaba' teai lanri naassennamo taua hukkung agamana tu Yahudia nampa akkulle assibajiki ammotere' siagang Allata'ala; passangalinna lanri nagaukannamo anjo apa-apa tattulisika lalang ri anjo hukkung-hukkunga.

ROMA 7:9

Riolo tena nakuassengi anjo hukkung-hukkung agamaya ilalang tallasakku. Mingka ri wattunna ammumbamo anjo hukkung-hukkung agamaya, appakkaramulami attallasa' dosaya, nakumatemo inakke.

PAOLE 25:1

Ebara' angkana nia' rua tu Israel a'lampa mange ri pangadelang untu' angngerang parkara, nampa nia' kalase'renna nikana tena nasala, siagang se'reanga sala.

1 SAMUEL 2:25

Punna kasalang taua mae ri rupataua, akkullei nialleang ri Allata'ala. Mingka punna doraka taua mae ri Batara, inai akkulle antulungi?” Mingka tajampangiai ke'nanga anjo pappakainga'na Eli, manggena ke'nanga, nasaba' le'ba'mi Napattantu Batara untu' ambunoi ke'nanga.