1 KARAENG-KARAENG 8:29 - KITTA' MATANGKASA'

^29-30 Poro allo bangngi Kila'langngi anne ballaka, le'baka Kipile a'jari tampa' passambayangang mae ri Katte. Poro battu ri pammantanganTa ri suruga Kipilangngeri siagang Kipammopporanga' siagang ummatTa, punna battu ikambe ri anne ballaka untu' appala' doang ri Katte.

1 KARAENG-KARAENG 8:29 ပူးပေါင်းရင်းမြစ်များ

1 KARAENG-KARAENG 11:13

Mingka tena nasikontu anjo kakaraenganga laKurampasa' battu ri ia. Lanri atangKu Daud, siagang lanri Yerusalem anjo kotaKu le'baka Kubangung, nia' se're suku laKupatassesa untu' ana' bura'nenu.”

1 KARAENG-KARAENG 11:36

Mingka se're suku laKulappassangi ri ia, sollanna tuli nia' sitau battu ri turunganna atangKu Daud ammarenta untu' iNakke ri Yerusalem, kota le'baka Kupile a'jari tampa' passambayangang mae ri Nakke.

1 KARAENG-KARAENG 14:21

Ri wattunna Rehabeam, ana'na Salomo, a'jari Karaeng Yehuda, umuru'na patampulo asse're taung. Sampuloi antuju taung sallona ammarenta ri Yerusalem. Battu ri sikontu Israel anjo kotaya Napa'jari tangkasa'mi Batara a'jari tampa' passambayangang mae ri Ia. Amma'na Rehabeam iamintu Naama, battu bansa Amon.

1 KARAENG-KARAENG 8:43

poro battu ri pammantanganTa ri suruga Kipilangngeri pappala' doanna siagang Kiturukiangi pappala'na. Lanri kammana anjo nasikontu bansaya ri lino angngassengKi' siagang mannuruki ri Katte sangkamma ummatTa Israel. Lanaassengi ke'nanga angkanaya anne balla' kubangunga iami tampa' untu' assambayang mae ri Katte.

1 KARAENG-KARAENG 8:52

Tapporo iKatte o Karaeng Allata'ala, tuli Kiparhatikangi ummatTa Israel siagang karaenna. Siagang poro Kipilangngeri pappala' doanna ke'nanga kere-kere wattu nakkio' appala' tulung mae ri Katte.

1 KARAENG-KARAENG 9:3

Nakanamo Batara ri ia, “Kulangngere'mi pappala' doannu, siagang kamma-kamma anne Kupaumi angkanaya anne balla' le'baka nubangung Kupa'jarimi tampa' matangkasa' untu' passambayangannu mae ri Nakke satunggu-tungguna.

2 KARAENG-KARAENG 19:16

O Batara, Kiparhatikang laloi apa kajarianga mae ri kambe kamma-kamma anne. Kipilangngeri anjo sikontu kana-kana appakatunana Sanherib mae ri Katte, Allata'ala mattallasaka!

2 KARAENG-KARAENG 21:4

Le'ba'mi Napau Batara angkanaya anjo Yerusalem tampa' kahaderanNa siagang tampa' panynyombang mae ri KalenNa; mingka anjoremmi, iamintu ri Balla'Na Batara le'ba' Manasye ambangung tampa'-tampa' pakkoro'bangngang untu' rewata-rewataya.

2 KARAENG-KARAENG 21:7

Gambara'na Dewi Asyera naboliki lalang ri Balla'Na Batara, padahala' ri passala'na anjo tampaka le'ba'mi Napau Batara mae ri Daud siagang ana'na iamintu Salomo angkana, “Anne BallakKu siagang anne kota Yerusalem, le'ba'mi Kupile battu ri alla'na daera sampuloa anrua suku Israel, iamintu tampa' le'baka Kupattantu a'jari tampa' panynyombang mae ri KalengKu.

2 KARAENG-KARAENG 23:27

Nakana Batara, “Apa le'baka Kugaukang mae ri tu Israel, laKugaukang tongi mae ri tu Yehuda. LaKupelaki tu Yehuda battu ri pa'rasangang le'baka Kupassareang mae ri ke'nanga. LaKutollaki Yerusalem, iamintu kotaKu le'baka Kupilei, kammayatompa anne BallakKu, le'baka Kupau angkanaya la'jari tampa' panynyombangi mae ri KalengKu.”

2 PATTOTTORANG 16:9

Naparhatikangi Batara sikontu linoa untu' ansarei kagassingang tau majarreka tappa'na mae ri Ia. Toloko ri anjo panggaukannu; lanri kammana anjo appakkaramula kamma-kamma anne tuli lanukasiaki pa'bundukanga.”

2 PATTOTTORANG 20:8

Ammantammi anrinni ke'nanga siagang le'ba'mi ambangung se're balla' untu' tampa' anynyomba mae ri Katte. Naassengi ke'nanga

2 PATTOTTORANG 33:4

Napaui Batara angkanaya anjo Yerusalem la'jari tampa' panynyombang mae ri KalenNa sa'genna satunggu-tungguna, mingka anjoreng, ri Balla'Na Batara, ambangummi Manasye tampa'-tampa' pakkoro'bangngang mae ri rewata-rewataya.

2 PATTOTTORANG 33:7

Naboliki patung barhalaya lalang ri Balla'Na Batara, padahala' le'ba'mi angkana Allata'ala mae ri Daud siagang Salomo ana'na, angkanaya, “Anne BallakKu ri Yerusalem, le'baka Kupile, battu ri alla'na sampuloa anrua daera ri Israel, le'ba'mi Kupattantu a'jari tampa' panynyombang mae ri KalengKu sa'genna satunggu-tungguna.

2 PATTOTTORANG 6:20

Dasi-dasi naKijagai allo bangngi anne balla' le'baka Kipile a'jari tampa' panynyombang mae ri Katte. Dasi-dasi nabattu rate ri pammantanganTa ri suruga naKipilangngeria' siagang Kipamopporang dosaku siagang umma' Israel, iamintu ummatTa, punna andallekang ri anne ballaka siagang appala' doang mae ri Katte.

2 PATTOTTORANG 6:40

Kamma-kamma anne, o Allata'alaku, poro Kiparhatikang laloi ikambe siagang Kipilangngeri laloi sikamma pappala' doang nipabattua mae ri Katte battu ri anne tampaka.

NEHEMIA 1:6

Kicinikima' o Batara, siagang Kipilangngeri anne pappala' doang kupanaika ri Katte allo bangngi untu' umma' Israel, anjo atanTa ngaseng. Kumangakui angkana ikambe, umma' Israel, dorakami. Inakke siagang boe-boeku doraka tonga'.

NEHEMIA 1:9

Mingka punna ammotereki pole ikambe mae ri Katte siagang mannuruki ri parentaTa, ikambe le'baka tassa'la'-sa'la' laKipa'rappungi ammotere', manna pole niaki ikambe ri cappa'-cappa'na linoa. Nampa laKipoterang ikambe mange ri tampa' le'baka Kipile untu' a'jari tampa' panynyombang mae ri Katte.

PAMMUJI 138:2

Su'juka' a'dalle' mae ri Balla' matangkasatTa nakupuji arenTa, saba' tamamminrayaKi' siagang tulusu' mangngamaseangKi'. La'bi Kiparalluangangi janjinTa kala panggappa pikkiranna taua mae ri Katte.

PAMMUJI 34:15

Pakabellai kalennu battu ri ja'dalaka, gaukangi bajika, usahakangi passiamakkanga sipikulle-kullenu.

KALAPPASSANG 20:24

Apparekko untu' iNakke se're tampa' pakkoro'bangngang battu ri butta, nampa assare mako anjoreng gimbala' siagang sapi untu' koro'bang tunuang siagang koro'bang untu' passiamakkang. Ri tunggala' tampa' Kupattantua mae ri kau untu' a'jari tampa' ibadanu mae ri Nakke, labattuA' mae ri kau siagang laKubarakkakiko.

DANIEL 6:10

Jari natekemmi Karaeng Darius anjo sura' parentaya.

DANIEL 9:18

Kipilangngeri laloi ikambe, o Allata'ala, Kiciniki siagang Kiparhatikangi kasessanna ikambe kammayatompa kapanrakanna kota nigallaraka situru' arenTa. Appala' doangi ikambe mae ri Katte teai lanri jasa-jasana ikambe, passangalinna lanri lompo pangngamaseanTa.

ZAKHARIA 12:4

Anjo alloa laKupa'jari lingu ngasengi jaranga siagang pabaena Kupa'jari pongoroki; laKujagai pandudu'na Yehuda, mingka Kupa'jari butai sikontu jaranna musunna.

PAOLE 12:11

Nampa lammile Karaeng Allata'alanu se're tampa' untu' lanupake anynyomba mae ri Ia. Anjoreng mako musti a'lampa angngerangi sikontu apa kuparentakanga, iamintu koro'bang nitunua siagang sikamma koro'bang maraengannaya, koro'bang bage sampulona panggappannu siagang koro'bang nupa'janjianga mae ri Batara.

PAOLE 12:14

mingka musti anjorengko ri tampa' Napilea Batara. Anjoreng jako bawang musti ampassareangi koro'bang nitunua siagang anggaukangi anne apa kupassuroanga mae ri kau.

PAOLE 12:5

Ri sikontu daerana suku-suku Israel, ammilei Karaeng Allata'alanu se're tampa' sollanna akkulle bansata battu mange ri dallekanNa siagang anynyomba ri Ia.

PAOLE 16:2

A'lampako mange ri anjo tampa' ibadaya untu' anynyamballe sikayu gimbala'nu yareka sapinu salaku passare Paska untu' ampakala'biriki Karaeng Allata'alanu.

PAOLE 26:2

musti massing nupantamaki bageang uru-uru panggappannu battu ri pakkattoanga ri se'reang baku', nampa nuerang mange ri tampa' ibada le'baka nitantukang.