1 KARAENG-KARAENG 8:15 - KITTA' MATANGKASA'

^15-16 Nakana, “Riolo le'ba' maKi' a'janji Batara, mae ri manggeku Daud angkanaya, ‘Baku' Kueranna ummakKu assulu' battu ri Mesir, ri sikontu pa'rasangang Israel tena manna se're kota Kupile a'jari tampa' untu' musti nibangungi balla' untu' a'jari tampa' passambayangang mae ri Nakke. Mingka ikau Daud, Kupileko untu' ammarenta ri ummakKu.’ Nipujimi Karaeng Allata'alana Israel, Ia le'baka anrupai anjo janjinNa!”

1 KARAENG-KARAENG 8:15 ပူးပေါင်းရင်းမြစ်များ

2 SAMUEL 6:18

Nampa Nabarakkaki sikontu ra'ya' Israel lalang arenNa Batara Kaminang Koasaya.

2 SAMUEL 7:25

Na kamma-kamma anne, o Karaeng Allata'ala, poro mangngellaiKi' ampakajarreki janjinTa le'baka Kipau untu' satunggu-tungguna ri passala'na kalengku siagang jari-jariku. Poro mangngellaiKi' naKipa'rupa anjo apa le'baka Kipa'janjiang.

2 SAMUEL 7:5

“A'lampako siagang pabattui mae ri atangKu Daud anne pasangKu angkanaya, ‘Angngapa naikau ambangung balla' untu' iNakke.

1 PATTOTTORANG 16:36

Puji Batara, Allata'alana Israel, anne kamma na satunggu-tungguna! Nampa akkanamo umma' Israel, “Aming”. Le'baki anjo mammuji-mujimi ke'nanga mae ri Batara.

1 PATTOTTORANG 22:10

Iaminjo ana' bura'nenu lambangung balla' untu' iNakke. Ia la'jari anakKu siagang iNakke la'jari manggena. Empoang kakaraenganna Israel latuli niaki ri turunganna sa'genna satunggu-tungguna.’ ”

1 PATTOTTORANG 29:10

Ri dallekanna anjo tujaia mammujimi Daud ri Batara. Nakana, “O Karaeng Allata'ala nasombaya Yakub boe-boena ikambe, nipujimaKi' sa'genna satunggu-tungguna!

1 PATTOTTORANG 29:20

Le'baki appala' doang kamma, nakanamo Daud mae ri tau jai niaka a'rappungang anjoreng, “Mammujiko ri Karaeng Allata'alanu!” Jari yangasenna anjo taua mammuji-mujimi mae ri Batara, Allata'ala nasombaya boe-boena ke'nanga. Nampa su'ju' ke'nanga untu' ampakalompoi Batara siagang Karaeng Daud.

2 PATTOTTORANG 20:26

Ri allo makaappa'na a'rappung kabusu'mi ke'nanga ri Ka'bung Lappara' Pammuji. Nampa mammujimo ke'nanga ri Batara lanri sikontu anjo apa le'baka Nagaukang. Lanri kammanami anjo naniaremmo anjo lapparaka “Pammuji.”

2 PATTOTTORANG 6:4

Nakana, “Riolo le'baki a'janji Batara mae ri manggeku Daud, angkana, ‘Baku'na Kuerang assulu' ummakKu battu ri Mesir sa'genna anne alloa, tena manna se're kota ri Israel le'ba' Kupile untu' a'jari tampa'na nibangung balla' panynyombang mae ri KalengKu, siagang tena manna sitau Kupile untu' ampimpingi ummakKu Israel. Mingka kamma-kamma anne Kupilei Yerusalem untu' a'jari tampa' panynyombang mae ri KalengKu. Na ikau Daud, Kupileko untu' ammarenta mae ri ummakKu.’ Nipujimi arenNa Karaeng Allata'alana Israel le'baka anrupai anjo janjinNa!”

NEHEMIA 9:5

Passambayanganga anjo alloa napakaramulai tu Lewi, iamintu: Yesua, Kadmiel, Bani, Hasabneya, Serebya, Hodia, Sebanya, siagang Petahya. Nakana ke'nanga, “Ammentengko nampa nipuji Karaeng Allata'alata! Mammujiko mae ri Ia sa'genna satunggu-tungguna! Nipujimi arenNa sukkuka ri kala'birang, hebaki arenNa, la'biangngangi nasikontu pammujia!”

PAMMUJI 115:18

Mingka ikatte attallasaka appala' sukkurukki' mae ri Ia, anne kamma siagang satunggu-tungguna. Pujimi Batara!

PAMMUJI 138:2

Su'juka' a'dalle' mae ri Balla' matangkasatTa nakupuji arenTa, saba' tamamminrayaKi' siagang tulusu' mangngamaseangKi'. La'bi Kiparalluangangi janjinTa kala panggappa pikkiranna taua mae ri Katte.

PAMMUJI 41:13

Kitulunga' lanri kalambusangku, siagang Kipa'jaria' attallasa' siagang iKatte sa'genna satunggu-tungguna.

YESAYA 1:20

Mingka punna angngewako ri Nakke, lamateko lalang bundu'. INakke, Batara, anne a'bicara mae ri kau ngaseng.”

MATIUS 24:35

Lalanynyaki langika siagang linoa, mingka tuli lania'na kana-kanangKu satunggu-tungguna.”

LUKAS 1:68

“Umba kimammuji ri Batara, Allata'alana bansa Israel! Battumi antulungi umma'Na na Nalappassang ke'nanga.

LUKAS 1:70

Battu ri riolo duduji na Napabattumo na'bi-na'bi nipilea, angkana le'ba'mi assare janji Batara

LUKAS 1:72

Lanri ero'Na napappicinikang baji' atinNa ri tu riolota, na laNapa'rupa anjo janji matangkasa'Na.

EFESUS 1:3

Nipujimi Allata'ala, ManggeNa Batarata Isa Almasi. Iami ambarakkakiki' siagang sikontu barakka' rohani lalang ri suruga, lanri a'jari se'reta siagang Almasi.

YOSUA 21:45

Narupai sikamma janjinNa Batara mae ri umma' Israel; tena manna se're taNarupai.

1 PETRUS 1:3

Maeko nakiappala' sukkuru' mae ri Allata'ala, ManggeNa Batarata Isa Almasi! Sanna' mangngamaseanNa mae ri katte; lanri kammanami anjo naNasare maki' katallassang beru. Carana iamintu, Napattallasa' poleangi ammotere' Isa Almasi battu ri kamateanga. Iaminne assareki' panrannuang attantua.

1 SAMUEL 25:32

Nakanamo Daud ri ia, “Nipujimi Batara, Allata'alana Israel ia assuroako battu ambuntulia' anne alloa.