1 KARAENG-KARAENG 8:11 - KITTA' MATANGKASA'

¹¹ Anjo saliuka accillaki napakamma kalompoang kahaderanNa Batara, sa'genna takkulleamo ammotere' antama' sikamma imanga untu' anjamai jama-jamanna ke'nanga.

1 KARAENG-KARAENG 8:11 ပူးပေါင်းရင်းမြစ်များ

1 KARAENG-KARAENG 8:10

Ri wattunna assulu' sikamma imanga battu ri anjo Balla'Na Batara, ti'ring rassimi saliu' anjo ballaka.

1 KARAENG-KARAENG 8:12

Jari appala' doammi Salomo, angkana, “IKattemi amboliki mataalloa ri langi', o Batara. Mingka erokangngangKi' ammantang lalang ri sassanna saliuka.

PAMMUJI 90:16

Kipicinikiangi ikambe ata-atanTa sikamma bate paretTa, siagang koasa accayaTa mae ri turunganna ikambe.

KALAPPASSANG 29:43

AnjorengA' lasibuntulu' siagang bansa Israel, na cayana kahaderangKu lampa'jari matangkasaki anjo tampaka.

KALAPPASSANG 40:34

Nampa naummo rammanga antongkoki KemaNa Batara, siagang rassimi anjo Kemaya siagang caya kahaderanNa Batara.

KALAPPASSANG 40:35

Lanri kammana anjo takkulleami antama' Musa ri anjo Kemaya.

YESAYA 6:1

Ri taung kamateanna Karaeng Uzia, kuciniki Batara. Ammempoi rate ri empoang kala'biranNa, irate tampa' tinggia siagang mala'birika. JubaNa natongkoki sikontu Balla'Na Batara ri Yerusalem.

YEHEZKIEL 10:4

Caya accilla', iamintu pammatei kahaderanNa Batara, tassioroki battu ri anjo sikamma malaeka' akka'nyika siagang a'letteki mange ri pakke'bu' antamaya ri Balla'Na Batara, sa'genna a'jari singara' sikali paranglakkenna.

YEHEZKIEL 43:2

siagang anjoremmi nia' kucini' caya accilla' battu raya, iamintu tanra kahaderanNa Allata'alana Israel. Kalangngerammi sa'ranNa Allata'ala sangkamma gamarrunna bombanga ri tamparang, siagang accilla'-cillaki buttaya lanri singara' kahaderanNa Allata'ala.

YEHEZKIEL 44:4

Nampa anjo tu bura'nea naeranga' mange ri pakke'bu' lompo bageang wara', assidallekanga siagang Balla'Na Batara. Kuparhatikangi, siagang kucini'mi anjo Balla'Na Batara nitongko' ri caya accilla' tanra kahaderanNa Batara. Nampa anra'bama' naung nakusu'ju',

KAIMANGNGANG 9:23

Nampa antama' Musa siagang Harun ri KemaNa Batara. Le'baki anjo assulu'mi ke'nanga nampa nabarakkaki ummaka. Nampa nacini' sikontu umma' Israel caya kahaderanNa Batara.

KAIMANGNGANG 9:6

Nampa nakanamo Musa, “Nasuro ngasengko Batara anggaukangi anne kammaya sollanna akkulle nucini' caya kahaderanNa Batara.”

HAGAI 2:7

Sikontu bansaya laKupata'bangkai siagang pa'barang-baranganna ke'nanga lanierangi mae, sa'genna larassi BallakKu battu ri kakalumanynyangnganna ke'nanga.

YOHANES 1:14

Ma'rupataumi anjo Kanaya, ammantangi ri tangnga-tangngata, na nicini'mo kala'biranNa. Natarimai anjo kala'biranga salaku Ana' sitau-tauNa Manggea. Tete ri KalenNami nanicini' Allata'ala, siagang pangngamaseanNa mae ri katte.

LAMPA-LAMPANA 7:55

Mingka anjo Stefanus nikoasaimi ri RohNa Allata'ala, naccongamo nai' ri langika. Nacini'mi kala'biranNa Allata'ala, siagang nia'mi nacini' Isa ammenteng ri tampa' kakoasanNa, iamintu ri sa'ri kananNa Allata'ala.

ROMA 9:4

Ike'nammi umma' nipilea siagang nipa'jaria ana'-ana' KalenNa ri Allata'ala, kammayatompa le'baka angkasiaki kakoasanNa Allata'ala. A'janjimi Allata'ala mae ri ke'nanga, siagang nisaremi ke'nanga hukkung-hukkung agama. Nipauammi ri Allata'ala ke'nanga angkanaya antekamma batena ke'nanga musti anynyomba ri Allata'ala; kammayatompa natarimami ke'nanga janji-janjinNa Allata'ala.

2 KORINTUS 3:18

Kamma-kamma anne tenamo nanitongkoki bongong rupanta. Sanrapang maki' tau angngeranga caya malompoNa Batara Isa. Na lanri kammana minjo nakituli pila' nipinramo a'jari sangkamma KalenNa; pila' sallo pila' accaya maki'. Anjo caya malompoa, caya battu ri RohNa Batara.

2 KORINTUS 4:6

Nakana Allata'ala, “Nikellai ammumba singaraka battu lalang ri sassanga,” na KalenNa tommi Allata'ala ampamumbai anjo singaraka lalang ri atinta, sollanna a'jari singara' pikkiranta, nakkulle nipahang caya malompoNa Allata'ala niaka accaya ri rupanNa Almasi.

PAPPICINI' 21:11

siagang suara'na kammayatompa kala'biranNa Allata'ala. Accillaki anjo kotaya sangkamma batu paramata, sangkamma batu baiduri moncongbulo sannaka ci'nonna kamma kaca.

PAPPICINI' 21:23

Tena naparallu nasiori mataallo yareka bulang anjo kotaya, lanri nisiorimi ri kala'biranNa Allata'ala, siagang Iaminjo Ana' Gimbalaka a'jari lampunna.