1 KARAENG-KARAENG 8:1 - KITTA' MATANGKASA'

¹ Le'baki anjo nasuromi Karaeng Salomo sikontu pamimping sukua siagang pa'rappungang bijaya battu ri bansa Israel battu mae ri ia ri Yerusalem, untu' ampaletteki Patti ParjanjianNa Batara battu ri Sion, Kota Daud, mange ri Balla'Na Batara.

1 KARAENG-KARAENG 8:1 ပူးပေါင်းရင်းမြစ်များ

2 SAMUEL 6:6

Ri wattunna battu ke'nanga mange ri panggilingang gandunna Nakhon, tatto'roi anjo sapi-sapi ambesokai anjo bendia; na napajonjomo limanna Uza siagang nata'gala' anjo Patti Parjanjianga sollanna tena natu'guru'.

1 KARAENG-KARAENG 2:10

Nampa matemo Daud, na nitarawang ri Kota Daud.

1 KARAENG-KARAENG 3:15

Ambangunnamo Salomo, nasadarimi angkanaya le'baki a'bicara Allata'ala mae ri ia lalang so'na. Jari ammotere'mi mange ri Yerusalem nampa ammenteng ri dallekanna Patti ParjanjianNa Batara, siagang assaremi koro'bang nitunu kammayatompa koro'bang pappasiamakkang. Nampa appare'mo passua'-suarrang untu' sikontu pagawena.

1 PATTOTTORANG 15:25

A'lampami Karaeng Daud siagang sikamma pamimpinna Israel kammayatompa sikamma perwira-perwiraya mange ri balla'na Obed-Edom untu' angngallei Patti Parjanjianga anjo, nanisuarri lompo.

1 PATTOTTORANG 15:29

Ri wattunna nierang anjo Pattia antama' ri kotaya, attoaki Mikhal ana' tulolonna Saul battu ri jandelaya, na nacini' Karaeng Daud a'joge'-joge' siagang a'rannu-rannu. Na sanna'mo ballisi'na Mikhal anciniki Daud.

1 PATTOTTORANG 15:3

Jari nakio'mi Daud sikontu tu Israelka battu mae ri Yerusalem untu' ampaletteki Patti ParjanjianNa Batara mae ri tampa' le'bakamo napasadia.

1 PATTOTTORANG 28:1

Naparentakangi Daud sollanna a'rappungang ngaseng sikontu pamimping Israel ri Yerusalem. Jari sikamma kapala sukua, pajaba' ri urusang pamarentahanga, kapala-kapala pa'rappungang bijaya, sikamma pajagana barang-baranna siagang olo'-olo'na siagang ana'-ana' bura'nena karaenga – bodona kana sikamma tumalompoa ri balla'na karaenga, komandang tantaraya siagang tunipakalompoa, yangasenna a'rappungangi ri Yerusalem.

2 PATTOTTORANG 30:1

Anjo wattua tenapa nisuarri Allo Lompo Paskaya punna narapi' wattunna ri bulang se're, lanri sike'de' duduiji imang le'baka antangkasi kalenna siagang tenapa najai tau asse're ri Yerusalem. Lanri kammana anjo situjumi Karaeng Hizkia siagang pagawe-pagawena kammayatompa panduduka ri Yerusalem untu' ansuarri anjo Allo Lompo Paskaya ri bulang ruana. Sannang kabusuki pa'mai'na ke'nanga mae ri anjo rancanaya. Nampa akkirimmi sura' karaenga mae ri sikontu tu Israel siagang tu Yehuda, kammayatompa mae ri tu Efraim siagang tu Manasye. Sikontu bansa Israel battua ri daera suku Dan bageang wara' sa'genna mange ri Bersyeba ri bageang timboro', niundang kabusu' tongi mange ri Balla'Na Batara untu' ansuarri Allo Lompo Paskaya siagang untu' ampakala'biriki Karaeng Allata'alana Israel, situru' apa le'baka nipattantu lalang ri hukkung-hukkung le'baka napassareang Musa. Tena le'bakapi nisuarri kamma anjo Allo Lompo Paskaya.

EZRA 3:1

Ri bulang tuju, nia'mi tu Israel massing ammantang ri kota-kotana. Ri tanggala' se're anjo bulanga a'rappungammi ke'nanga ri Yerusalem.

PAMMUJI 102:21

untu' ampilangngeri kunrarenna tunitahanga na Napakabebasa' tau nihukkung matea.

PAMMUJI 9:11

Tau mangngassenga ri Katte manrannuangi ri Katte, o Batara, tu manynyombaya ri Katte tena naKibokoi.

YESAYA 28:16

Lanri kammana anjo, kammaminne kananNa Batara Kaminang Tinggia, “LappadongkoKa' batu pa'dongkokang majarre' siagang makassa' ri Sion; se're batu pundasi ia ka'jalaka ballinna, niaka tulisanna angkana: ‘Inai-inai jarre' tappa'na, tena nalanibeta.’

YESAYA 46:13

LaKupa'reppeseki allo kalappassanga, talanipammonokami wattu kasalamakkang laKupassareanga. LaKupasalamaki Yerusalem, siagang Kusare Israel kalompoang.”

PAMMILANGNGANG 1:4

Battu ri tunggala' sukua, appalakko sitau pamimping golongang kaluargana ke'nanga untu' ambantuko sipa'rua.”

YOSUA 23:2

Jari nakio'mi sikontu anjo umma' Israel, sikamma tau toa-toaya, sikontu hakinga, sikamma pamimpinga, siagang sikamma perwira tantaraya nampa nakana mae ri ke'nanga, “Kamma-kamma anne toama'.

YOSUA 24:1

Napasse'rei Yosua suku-suku bansa Israel ri Sikhem, nampa nasuro sikamma tau toa-toaya, sikamma pamimpinga, sikamma hakinga siagang sikamma perwira tantaraya battu andallekang. Jari battu ngasemmi ke'nanga andallekang ri Allata'ala.

1 PETRUS 2:6

Nasaba' nia' tattulisi' lalang ri Kittaka angkanaya, “Le'ba'mi Kupile batu lompoa anggaranna, Kupadongkoka a'jari batu majarre' ri kota Sion; na inai tappa' ri Ia talamala'bayai pa'mai'na.”