1 KARAENG-KARAENG 7:8 - KITTA' MATANGKASA'

⁸ Ia pammantanganna Salomo nipare' kamma tongi bangunang maraeng siagang niaki ri paranglakkeng ri bokona Kamara' Lompo Pangadelanga. Untu' bainenna, iamintu ana' bainena karaeng Mesir ambangung tommi balla' kammaya anjo tanja'na.

1 KARAENG-KARAENG 7:8 ပူးပေါင်းရင်းမြစ်များ

1 KARAENG-KARAENG 3:1

Karaeng Salomo napa'jari agammi kalenna siagang Mesir na nabuntingi ana' tulolonna karaeng Mesir. Naerammi Salomo anjo bainea mange ri Kota Daud untu' ammantang anjoreng sa'genna le'ba' balla' karaenga siagang Balla'Na Batara kammayatompa tembo' pattahangngang akkuliling kota Yerusalem nibangungi.

1 KARAENG-KARAENG 7:9

Yangasenna tembo'na sangnging batu ka'jala' ballinna nipare', situruka ukkuranna siagang batu le'baka nipa'a' battu lalang siagang battu pantara', battu ri pundasina sa'genna nai', kammayatompa battu ri tembo' bageang pantara' sa'genna tembo' paranglakkeng lompoa.

1 KARAENG-KARAENG 9:16

Kota Gezer iamintu kota le'baka riolo nibunduki siagang nibeta ri karaeng Mesir, nampa nabuno pandudu'na na natunu kotana. Nampa ri boko anjo kotaya napassareangi karaeng Mesir mae ri ana' bainena salaku hadia ri allo pa'nikanna siagang Salomo.

1 KARAENG-KARAENG 9:24

Butta niaka ri bageang timboranna Balla'Na Batara nasuro tambungi Salomo ri wattunna a'lette'mo bainenna, iamintu ana' bainena karaeng Mesir, battu ri Kota Daud mange ri balla' kakaraengang nabangunga Salomo untu' ia.

2 KARAENG-KARAENG 20:4

A'lampami Yesaya ambokoi Hizkia, mingka tenanapa nassulu' battu ri paranglakkeng tangngana balla' karaenga, nisuroi ri Batara

2 PATTOTTORANG 8:11

Napaletteki bainenna Salomo, iamintu ana' bainena karaeng Mesir, battu ri Kota Daud mange ri balla' le'baka nabangungangi. Nasaba' nakana pikkiranna Salomo, “Tena nakkulle ammantang bainengku ri balla' kakaraenganna Daud, karaeng Israel, lanri sikontu tampa' le'baka napammantangngi Patti Parjanjianga matangkasa' kabusuki.”