1 KARAENG-KARAENG 7:51 - KITTA' MATANGKASA'

⁵¹ Le'ba'namo Salomo ambangungi Balla'Na Batara, naboli'mi lalang ri gudang-gudanna anjo ballaka iamintu sikontu peraka, bulaenga, siagang barang-barang maraeng ia le'baka napassareang Daud, manggena, ri Batara.

1 KARAENG-KARAENG 7:51 ပူးပေါင်းရင်းမြစ်များ

1 KARAENG-KARAENG 15:15

Yangaseng bulaeng siagang pera' le'baka napassareang manggena mae ri Batara, naerangi mae ri Balla'Na Batara, kammayatompa bulaeng siagang pera' napassareanga kalenna.

1 KARAENG-KARAENG 6:14

Kammaminne batena Salomo ampakale'baki pambangunanna anjo Balla'Na Batara:

2 KARAENG-KARAENG 25:15

Barang-barang bulaeng, pera', kammaya mangko'-mangko' ca'di siagang panne-panne untu' bara pepe', kalenna Nebuzaradan angngallei.

2 PATTOTTORANG 5:1

Le'baki nabangung Karaeng Salomo anjo Balla'Na Batara, naboli' kabusu'mi lalang ri gudang-gudanna anjo Ballaka sikamma pera', bulaeng, na barang-barang le'baka napassareang Daud manggena mae ri Batara.

2 PATTOTTORANG 8:15

Sikontu pangngatoro' napassareanga Daud mae ri sikamma imanga siagang tu Lewi ri passala'na gudang-gudanga siagang mara'-maraengannaya, naturuki kabusuki siagang baji'.

EZRA 6:15

Le'ba'mi anjo Balla'Na Batara ri tanggala' tallu bulang Adar, ri taung makaannanna pamarentahanna Karaeng Darius.

KALAPPASSANG 40:33

Ri tammulilina anjo Kemaya siagang tampa' pakkoro'bangnganga napatabai Musa layara' siagang nagentungi gordenga ri pakke'bu' lompona paranglakkenga. Jari le'ba' kabusu'mi anjo jama-jamanga.

ZAKHARIA 4:9

Nakana, “Zerubabel le'ba'mi napadongko' batu pundasina BallakKu, siagang ia lampa'le'baki sikontu anjo bangunanga. Punna kajariammo anjo kammaya, lanaassemmi ummakKu angkanaya iNakke assuroi Zakharia battu mae ri ke'nanga.