1 KARAENG-KARAENG 7:48 - KITTA' MATANGKASA'

^48-50 Assuro pare' tommi Salomo pakkakasa'-pakkakasa' maraengang battu ri bulaeng untu' Balla'Na Batara. Iaminne anjo pakkakasa'-pakkakasa' nasuro pareka: Tampa' pakkoro'bangngang, Mejang untu' roti nipassareanga ri Allata'ala, Sampulo bangkeng kanjoli nibolika ri dallekanna Kamara' Kaminang Matangkasaka, iamintu lima ri bageang timborang siagang lima ri bageang warakkang, Bunga-bunga, Kanjoli-kanjoli, Passipi'-passipi', Cangkiri'-cangkiri', Pakkakasa' untu' ammuno kanjoli, Mangko'-mangko', Piring-piring untu' dupa, Piring-piring untu' bara pepe' Engsele'-engsele' untu' pakke'bu'na Kamara' Kaminang Matangkasaka siagang pakke'bu'-pakke'bu' pantaranna Balla'Na Batara.

1 KARAENG-KARAENG 7:48 ပူးပေါင်းရင်းမြစ်များ

2 KARAENG-KARAENG 12:13

Mingka anjo doeka tena nipakei manna sike'de' untu' appare' cangkiri'-cangkiri' pera', mangko', tarompe', pakkakasa' kanjoli yareka pakkakasa' maraengannaya battua ri bulaeng yareka pera'.

2 KARAENG-KARAENG 24:13

Sikontu pakkakasa' bulaeng napareka Karaeng Salomo untu' Balla'Na Batara, nipanraki ri Nebukadnezar. Nampa sikontu barang-barang niaka anggaranna lalang ri anjo Balla'Na Batara siagang ri balla' karaenga naengkaki mange ri Babel. Sikontu anjo passalaka kajariangi situru' apa le'baka Napau riolo Batara.

2 KARAENG-KARAENG 25:15

Barang-barang bulaeng, pera', kammaya mangko'-mangko' ca'di siagang panne-panne untu' bara pepe', kalenna Nebuzaradan angngallei.

2 PATTOTTORANG 4:19

Assuro pare' tongi Karaeng Salomo pakkakasa'-pakkakasa' bulaeng ti'no' maraengannaya untu' Balla'Na Batara. Iaminne areng-arenna anjo pakkakasa'-pakkakasa' napareka: Tampa' pakkoro'bangngang Meja untu' roti nipatala Sikontu pa'dongkokang kanjoli bulaeng siagang kanjoli bulaenna untu' niparinra ri dallekanna Kamara' Kaminang Matangkasaka, situru' nirancanakanga Belo-belo sangkammaya bunga Kanjoli-kanjoli Pangngepe'-pangngepe' Pakkakasa' untu' antangkasi sumbu kanjolia Mangko'-mangko' Panne-panne untu' dupa Panne-panne untu' bara pepe' Sikontu pakke'bu' antamaya ri Balla'Na Batara siagang pakke'bu' Kamara' Kaminang Matangkasaka nilapisi' ngasengi bulaeng.

AYUB 28:1

“Nia' pangngekeang kemae nibuntulu' peraka; nia' tampa' kemae nipici'nongi bulaenga.

KALAPPASSANG 39:36

mejang siagang sikontu pakkakasa'na siagang roti nipatalaya,

KALAPPASSANG 39:38

tampa' pakkoro'bangngang battu ri bulaeng, minynya' upacara, dupa bau', gordeng pakke'bu' Kema,

KALAPPASSANG 40:26

Napadongkoki tampa' pattunuang dupa bulaenga lalang ri Kemaya, ri dallekanna kaenga,

YEHEZKIEL 40:39

Ri anjo kamara' lompoa, nia' appa' mejang, ta'ruai ri sa'rinna. Irate ri anjo mejanga nipolong olo'-olo' koro'bang nitunua, yareka koro'bang pannangkasi dosaya yareka koro'bang untu' sambe karugiang.

YEHEZKIEL 40:42

Appaka mejang ri kamara' pannambaia, iamintu nipakea untu' appasadia koro'bang nitunu, batu nipa' nipare'. Anjo mejanga sitangnga metere' tinggina, nampa bageang ratena appasagi appaki; la'buna siagang sangkara'na massing tallumparapa' metere'. Irate ri anjo mejang-mejanga niboli' pakkakasa' untu' nipake ammolong olo'-olo' koro'bang.

YEHEZKIEL 41:22

Tinggina 1,5 metere' na sangkara'na 1 metere'. Sikamma panyingkulu'na, pa'lapa'na siagang rinrinna battu ri kayu nipare'. Anjo tu bura'nea nakana ri nakke, “Iaminne mejang niaka ri dallekang kahaderanNa Batara.”

YEHEZKIEL 44:16

Ke'nangaji bawang akkulle antama ri BallakKu, allayaniA' ri tampa' pakkorobangngangKu, siagang ampimpingi ibadaya ri BallakKu.

MALEAKHI 1:12

Mingka ikau ngaseng nuhina-hinA' lanri nubilang tenana anggaranna tampa' pakkoro'bangngangKu, siagang nupassareangi anjoreng kanre nusorong bokoa.

MATIUS 12:4

Antamaki ri Balla'Na Allata'ala, nanakanre roti le'baka nipassareang ri dallekanNa Allata'ala. Padahala', manuru' ri pangatorang agamata takkulleai ke'nanga angkanrei anjo rotia – nasaba' imang-imangaji bawang akkulle angkanrei.

1 KORINTUS 10:21

Takkulleako angnginung battu ri pangnginungang anggoro'Na Batara, nampa angnginung tongko battu ri pangnginungang anggoro'na setanga. Takkulleako angnganre ri mejanNa Batara, nampa angnganre tongko ri mejanna setanga.