1 KARAENG-KARAENG 7:40 - KITTA' MATANGKASA'

^40-45 Appare' tongi Huram pamaja'-pamaja', sikopang-sikopang, siagang mangko'-mangko'. Le'baki anjo, le'ba' ngasemmi anjo apa nasuro jamaya Karaeng Salomo untu' Balla'Na Batara. Iaminne sikamma pakkakasa' le'baka napare': Rua benteng lompo, Rua ulu benteng sangkammaya mangko' niaka rateanna anjo ruaya benteng, Rante nianyang ri massing-massing ulu bentenga, Patambilangngang delima tambaga ia nisusunga lalang ruang barrisi' ri tammulilina anjo rante nianyang ri massing ulu bentenga, Sampulo kareta, Sampulo katoang lompo, Bongki tambaga, Sampulo anrua sapi tambaga ansompoai anjo bongkia, Pamaja'-pamaja', sikopang-sikopang, siagang mangko'-mangko'. Yangasenna anjo pakkakasa' untu' Balla'Na Batara, napareka Huram untu' Karaeng Salomo, tambaga ngaseng nipare', na nikeso' sa'genna accilla'.

1 KARAENG-KARAENG 7:40 ပူးပေါင်းရင်းမြစ်များ

1 KARAENG-KARAENG 7:28

Anjo karetaya battu ri papang-papang appaka pasagi, na nipasang lalang les.

1 KARAENG-KARAENG 7:39

Naboliki Huram lima kareta ri timboranna Balla'Na Batara, siagang lima ri bageang warakkanna. Bongki tambagaya naboliki rayangngang timborang, ri panyingkuluka.

1 PATTOTTORANG 18:8

Pantaranganna anjo angngalle tommi Daud jai sikali parunggu battu ri Tibhat siagang Kun, iamintu kota-kota nakoasaia Hadadezer riolo. (Ri bokoangallo napare'mi Salomo anjo parunggu-parunggua untu' guci-guci, benteng-benteng siagang pakkakasa' sambayanga lalang ri Balla'Na Batara.)

2 PATTOTTORANG 4:6

Appare' tongi Karaeng Salomo 10 katoang lompo, lima untu' niboli' ri timboranna Balla'Na Batara, siagang lima untu' ri warakkanna. Ia matu-matunna anjo katoanga iamintu ambissai kere'-kere'na olo'-olo' eroka nitunu a'jari koro'bang. Je'ne' niaka ilalang ri anjo gumbang lompoa nipasadiakangi sikamma imanga untu' antangkasi kalenna.

KALAPPASSANG 24:6

Sipa'gang battu ri cera'na anjo sapia naallei Musa nampa napatiri' antama ri siapa are katoang. Na sipa'gang maraenga napatiriki rate ri tampa' pakkoro'bangnganga.

KALAPPASSANG 27:3

Apparekko siapa are pamaja', sikopang, mangko'-mangko', garpu-garpu siagang tampa' pepe'. Sikontu anjo pakkakasaka musti tambaga nipare'.