1 KARAENG-KARAENG 7:38 - KITTA' MATANGKASA'

³⁸ Appare' tongi Huram sampulo katoang lompo, tasse'rei untu' massing-massing kareta. Massing-massing katoanga anjo 1,8 metere' garisi' tangngana, siagang akkullei angngalle 800 litere' je'ne'.

1 KARAENG-KARAENG 7:38 ပူးပေါင်းရင်းမြစ်များ

1 KARAENG-KARAENG 7:27

Appare' tommi Huram sampulo kareta tambaga, massing-massing la'buna 1,8 metere', sangkara'na 1,8 metere', tinggina 1,3 metere'.

1 KARAENG-KARAENG 7:39

Naboliki Huram lima kareta ri timboranna Balla'Na Batara, siagang lima ri bageang warakkanna. Bongki tambagaya naboliki rayangngang timborang, ri panyingkuluka.

KALAPPASSANG 30:28

tampa' pakkoro'bangngang untu' koro'bang nitunua siagang sikontu pakkakasa'na, siagang ba' je'neka na dapara'na.

KALAPPASSANG 38:8

Appareki Bezaleel ba' tambaga; pa'lapa'na irawa tambaga nipare'. Anjo tambagaya battu ri carammenna ngaseng sikamma bai'-baine allayania ri pakke'bu' KemaNa Batara.

ZAKHARIA 13:1

Nakana Batara Kaminang Koasaya, “Ri anjo alloa lappasolongA' se're timbuseng je'ne' untu' ampakatangkasaki jari-jarina Daud siagang pandudu'na Yerusalem battu ri dosana siagang ri gau' panynyombanna ke'nanga ri barhalaya.

IBRANI 10:22

Lanri kammana, mae mako nakia'reppese' ri Allata'ala siagang tulusu' pa'mai' kammayatompa tappa' majarre'; siagang pa'mai' le'baka nitangkasi battu ri kasalanga, kammayatompa tubu le'baka nitangkasi je'ne' maci'nong.

IBRANI 9:10

Nasaba' anjo upacara-upacaraya poro mange bawang ri passala' kanre-kanreang, inung-inungang, siagang a'rupa-rupa upacara pannangkasi. Yangasenna anjo poro paratorang-paratorang nacinikaji bawang mata, akkullea tappake sa'genna bawang ri wattunna Naberui ngaseng Allata'ala sikontu apa-apa niaka.

1 YOHANES 1:7

Mingka punna attallasakki' lalang ri singaraka, sangkamma Allata'ala niaki lalang ri singaraka, assiama' maki' massing para ikatte lalang ri katallassanta; kammayatompa nitangkasimi sikontu dosa-dosata lalang ri cera'Na Isa, Ana'Na Allata'ala.

PAPPICINI' 7:14

Appialima' angkana, “Takuassengai Karaeng. KalenTaji antu angngassengi.” Jari nakanamo pole mae ri nakke, “Yangasemmi anne tau le'baka nipasalama' battu lalang ri passessa sannaka heba'na. Le'ba'mi nasassa jubana ke'nanga siagang cera'Na anjo Ana' Gimbalaka sa'genna a'jari kebo'.