1 KARAENG-KARAENG 7:29 - KITTA' MATANGKASA'

²⁹ Anjo papang-papanga nibelo-beloi siagang ukirang singa, sapi, siagang malaeka' akka'nyi'. Ri anjo les-lesna – irateanganna siagang irawanganna gambara' singaya siagang sapia – nia' ta'gentung ukirang bunga-bunga.

1 KARAENG-KARAENG 7:29 ပူးပေါင်းရင်းမြစ်များ

PA'JARIANG 3:24

Nampa irayanganna anjo kokoa, ri dallekanna pakke'bu antamaya, nia'mo sipa'rappungang malaeka' pajaga, siagang nia'mo se're pa'dang a'rinraya pepe'na, amminroa ri kere-keremae, anjagai agang mangea ri anjo poko' assarea katallassang. Jari tenamo manna sitau akkulle antama' siagang a'reppese' anjoreng ri anjo pokoka.

1 KARAENG-KARAENG 6:27

Anjo ruaya patung niboliki a'remba lalang ri anjo Kamara' Kaminang Matangkasaka, siali ka'nyi'na anjo massing patunga naberoi rinringa, nampa massing ka'nyi'na sialia assiberoi ri tangnga-tangngana anjo kamaraka.

1 KARAENG-KARAENG 7:25

Anjo bongkia nipadongkoki irate ri dongko'na sampuloa anrua sapi tambaga a'dalle' wara' tallu, a'dalle' timboro' tallu, a'dalle kalau' tallu, na'dalle' anrai' tallu.

1 KARAENG-KARAENG 7:28

Anjo karetaya battu ri papang-papang appaka pasagi, na nipasang lalang les.

1 KARAENG-KARAENG 7:30

Massing-massing anjo karetaya ammakei appa' roda tambaga nampa papputarranna tambaga todong. Ri appa' panyingkulu'na anjo karetaya nia' benteng pannahang katoang tambaga nibelo-beloia siagang ukirang bunga-bunga pantaranganna.

KALAPPASSANG 25:18

Apparekko rua malaeka' akka'nyi' battu ri bulaeng de'de',

KALAPPASSANG 37:7

Appare' tongi rua malaeka' akka'nyi', iamintu gambara' malaeka' akka'nyi' battu ri bulaeng ti'no' nide'de',

YEHEZKIEL 1:10

Tunggala' anjo apa attallasaka appa' ngaseng rupanna, mingka simmara'-maraengi anjo appaka rupanna; rupanna ri dallekanga attanja' taui, rupanna ri sa'ri kanang attanja' singai, rupanna ri kairia attanja' sapi liaraki, siagang rupanna ri bokoanga attanja' rajawali.

YEHEZKIEL 10:14

Tunggala' anjo malaeka' akka'nyika massing appa' rupanna, tenaya nasangkamma-kamma rupanna. Rupanna uru-urua iamintu attanja' kammai sapi liara', makaruaya attanja' sangkammai tau, makatallua attanja' sangkammai singa, siagang makaappaka attanja' sangkammai jangang-jangang rajawali.

HOSEA 5:14

Rapang singa a'bakkaya, kammami anjo bateKu lambakkai tu Israel siagang tu Yehuda. KalengKu langkae-kaei ke'nanga, nampa Kubokoi. Punna Kure'resang ke'nanga a'lampa, tena manna sitau akkulle allappassangi ke'nanga.

IBRANI 9:5

Irateanganna anjo Pattia nia' rua patong malaeka' akka'nyika, a'jaria pangngebarang ri kahaderanNa Allata'ala. Anjo ruaya ka'nyi'na patung malaekaka tassungkei irateanganna anjo pattongko' Pattia, iamintu tampa' pammopporanna dosa-dosaya. Mingka takkullea ngasengi anjo sikammaya nipakasingara' apa battuanna sa'genna a'jari singara' tojeng-tojeng.

1 PETRUS 2:5

Ikau sanrapang ngasengko batu-batu mattallasaka. Lanri kammana paralluko ampassareangi kalennu untu' nipake ambangung Balla' rohaniNa Allata'ala. Lalang kammana anjo a'jari mako imang-imang mae ri Allata'ala lalang ri katallassannu; siagang tete ri Isa Almasi angngerang mako koro'bang rohani mae ri Allata'ala, iamintu koro'bang nitarima bajika ri atinNa Allata'ala.

PAPPICINI' 5:5

Nampa nakanamo kalase'renna anjo pamimpinga mae ri nakke, “Teako angngarruki! Ciniki! Ammetami anjo singa battua ri suku Yehuda, sossorang lompona Daud. Akkullei Nareppe' anjo segeleka siagang Nasungke anjo kittaka.”