1 KARAENG-KARAENG 7:23 - KITTA' MATANGKASA'

²³ Nampa appare' Huram se're bongki tambaga a'bundala', ia ukkuranna iamintu: lantanna 2,2 metere', la'buna garisi' tangngana 4,4 metere', siagang kalu'na 13,2 metere'.

1 KARAENG-KARAENG 7:23 ပူးပေါင်းရင်းမြစ်များ

2 KARAENG-KARAENG 16:15

Le'baki anjo nakanamo ri Uria, “Pakei anne tampa' pakkoro'bangngang lompoku untu' attunu koro'bang bari'basa' siagang koro'bang bangngi iamintu napassareanga karaenga siagang ra'yaka, siagang patiriki anjoreng koro'bang anggoro' battua ri ra'yaka. Patiri' tongi nai' ri anjo tampa' pakkoro'bangnganga sikontu cera' battua ri olo'-olo' nipassareanga. Siagang anjo tampa' pakkoro'bangngang nipareka battu ri tambaga, iamintu tampa' pakkoro'bangngang salloa, lappassammi nakupake untu' appala' pangngunju' battu ri roh-roh akkullea nipappalakki pangngunju'.”

2 KARAENG-KARAENG 16:17

Nampa nabongkara' Ahas kareta-kareta nipareka battu ri tambaga, iamintu kareta-kareta nipake lalang ri Balla'Na Batara, nampa nalakka' sikamma katoang niaka ri anjo kareta-karetaya. Anjo guci lompoa iamintu nipareka battu ri tambaga, ia niaka ri dongko'na anjo sampulo anrua patung sapi tambaga naalle tongi siagang napadongkoki ri dapara' batua.

2 KARAENG-KARAENG 25:13

Sikamma benteng tambaga siagang kareta-kareta niaka ri Balla'Na Batara kammayatompa guci tambagaya nireppe'-reppeki ri tu Babel, nampa naerang kabusu' anjo tambagaya mange ri pa'rasanganna ke'nanga.

1 PATTOTTORANG 18:8

Pantaranganna anjo angngalle tommi Daud jai sikali parunggu battu ri Tibhat siagang Kun, iamintu kota-kota nakoasaia Hadadezer riolo. (Ri bokoangallo napare'mi Salomo anjo parunggu-parunggua untu' guci-guci, benteng-benteng siagang pakkakasa' sambayanga lalang ri Balla'Na Batara.)

2 PATTOTTORANG 4:2

Appare' tongi se're gumbang tambaga a'bundalaka, nampa ukkuranna kammai anne: lantanna 2,2 metere', garisi' tangngana 4,4 metere', siagang bundala'na 13,2 metere'.

KALAPPASSANG 30:17

Nakana Batara ri Musa,

KALAPPASSANG 38:8

Appareki Bezaleel ba' tambaga; pa'lapa'na irawa tambaga nipare'. Anjo tambagaya battu ri carammenna ngaseng sikamma bai'-baine allayania ri pakke'bu' KemaNa Batara.

YEREMIA 27:19

Nasaba' iNakke, Batara Kaminang Koasaya, Allata'alana Israel, le'ba'mi Kutappuki angkanaya sikontu anjo barang-baranga laniengkaki mange ri Babel, siagang tuli lania'na anjoreng sa'genna Kuparhatikang ammotere'. Anjo wattua nampami laKuerang ammotere' mae anrinni ri tampaka. INakke, Batara anne akkana.” Barang-barang niaka ija ri Balla'Na Batara iamintu: benteng-benteng, bongki tambaga, kareta-kareta, siagang siapa are barang maraenna Balla'Na Batara. Anjo barang-baranga tena natappinawang nierang mange ri Babel, ri wattunna Yoyakhin ana' bura'nena Yoyakim karaeng Yehuda siagang pamimping-pamimpinna tu Yehuda siagang Yerusalem niengkaki mange ri Babel ri Karaeng Nebukadnezar.

YEREMIA 52:17

Benteng-benteng tambaga siagang kareta-kareta ri Balla'Na Batara siagang ba' je'ne' tambagaya nireppeki ri tu Babel, nampa sikontu tambagana niengkaki mange ri pa'rasanganna ke'nanga.

YEREMIA 52:20

Barang-barang tambaga napareka Salomo untu' Balla'Na Batara, iamintu rua benteng, kareta-kareta, ba' je'ne' siagang sampulo anrua dato' sapi antahangi anjo ba' je'neka, yangasenna sanna' battala'na, sa'genna tena nakkulle nitimbang.