1 KARAENG-KARAENG 7:21 - KITTA' MATANGKASA'

^21-22 nipasang anjo sikamma ulu benteng sangkammaya bunga bakung mae ri sikammaya anjo bentenga. Sikamma anjo bentenga anjorengi ri dallekanna pakke'bu' antamaya ri Balla'Na Batara nitannang – se're bageang timborang, se're bageang warakkang. Ia bageang timboranga niarengi Yakhin, na ia bageang warakkanga niarengi Boas. Kammaminjo napa'le'ba' napare' Huram sikamma anjo bentenga.

1 KARAENG-KARAENG 7:21 ပူးပေါင်းရင်းမြစ်များ

2 SAMUEL 7:12

Sallang, punna narapi' a'jala'nu, na nunitarawang ri jera'na boe-boenu, nia' sitau battu ri ana' bura'nenu laKuangka' a'jari karaeng. Iami lambangungA' balla'. LaKupakajarreki kakaraenganna siagang nia' sitau jari-jarina lammarenta satunggu-tungguna salaku karaeng.

1 KARAENG-KARAENG 6:3

Ri bageang dallekanna anjo Balla'Na Batara nia' kamara' luara', iamintu la'buna 4,5 metere' na sangkara'na 9 metere', sangkammai sangkara'na anjo ballaka.

1 KARAENG-KARAENG 7:12

Tembo' parang lakkenna balla' kakaraenganga siagang tembo' parang lakkenna Balla'Na Batara kammayatompa kamara' lompo ri bageang dallekanna Balla'Na Batara, massing-massingi battu ri silapisi' kayu camara Libanon siagang irateang tallung lapisi' batu.

2 PATTOTTORANG 3:17

Anjo ruaya benteng nipaentengi ri sa'ri kairinna siagang sa'ri kananna pakke'bu' antamaya ri Balla'Na Batara; bageang timboranga niarengi Yakhin, na ri bageang warakkanga niarengi Boas.

YESAYA 45:24

Lanakana ngaseng taua, ‘Bataraji bawang nakabattui kaadelanga siagang kagassinganga!’ Sikontu tau birisika mae ri Nakke labattui mae ri Nakke na'jari siri'-siri'.

YESAYA 9:7

Napabattumi Batara hukkunganga mae ri kakaraenganna Israel.

MATIUS 16:18

Lanri kammana, siratangi nuasseng angkanaya, ikau mintu Petrus, batu makassaka. Iratemi ri tompo'na anne batu pa'dongkokanga laKupaenteng garejaKu, tenaya lambetai, manna pole kamateanga.

GALATIA 2:9

Anjo Yakobus, Petrus, siagang Yohanes a'jari pamimpinga mae ri jama'ah-jama'aka; namangakui ke'nanga angkana ma'nassa Allata'ala assarea' anne jama-jamang matangkasaka. Jari assijamakkimi ke'nanga siagang Barnabas, na inakkemi a'jari pammateina anjo passari'battanganga. Nampa assamaturu' ngasemmo ke'nanga siagang ikambe angkanaya ikambemi lanjama ri tangnga-tangngana bansa-bansa maraenga, na ke'nanga lanjama ri tangnga-tangngana bansa Yahudia.

PAPPICINI' 3:12

Ia ammetaya laKupa'jari sanrapang benteng lalanga ri Balla' Matangkasa'Na Allata'alaKu, siagang lammantammi ri anjo tampaka sa'genna satunggu-tungguna. LaKutulisiki ri kalenna anjo taua arenNa Allata'alaKu, siagang areng kotaNa Allata'alaKu – iamintu Yerusalem berua, iamintu niaka naung battu ri suruga, battu ri Allata'alaKu. Kammayatompa, laKutulisi' tongi areng beruKu mae ri kalenna ke'nanga.

RUT 2:19

Nakanamo Naomi mae ri ia, “Kemae nugappa ngaseng anne sikammaya jaina? Ri kokonnako inai anjama anne alloa? Tapporo nibarakkaki ri Allata'ala anjo tau a'gau' bajika mae ri kau!” Jari nacarita ngasemmi Rut mae ri Naomi angkanaya anjo koko napattampakkia anrappung gandung iamintu kokonna sitau bura'ne niarenga Boas.