1 KARAENG-KARAENG 7:1 - KITTA' MATANGKASA'

¹ Ambangung tommi Salomo balla' kakaraengang untu' kalenna. Anjo balla' kakaraenganga sampulo antallu taung wattu nipake untu' ambangungi.

1 KARAENG-KARAENG 7:1 ပူးပေါင်းရင်းမြစ်များ

1 KARAENG-KARAENG 3:1

Karaeng Salomo napa'jari agammi kalenna siagang Mesir na nabuntingi ana' tulolonna karaeng Mesir. Naerammi Salomo anjo bainea mange ri Kota Daud untu' ammantang anjoreng sa'genna le'ba' balla' karaenga siagang Balla'Na Batara kammayatompa tembo' pattahangngang akkuliling kota Yerusalem nibangungi.

1 KARAENG-KARAENG 6:38

Na lalang bulang Bul, iamintu bulang makasagantuju, lalang taung makasampulo asse're ri pamarentahanna Salomo, le'ba'mi nabangung Salomo anjo Balla'Na Batara, coco' sikali siagang apa le'baka nirancana. Tuju taungi wattu nipake untu' ambangungi anjo ballaka.

1 KARAENG-KARAENG 9:1

Le'baki nabangung Salomo Balla'Na Batara siagang balla' kakaraenganga kammayatompa sikontu apa le'baka narancana,

1 KARAENG-KARAENG 9:10

Ruampulo taungi wattu napake Salomo ambangungi Balla'Na Batara siagang balla' kakaraenganga.

2 PATTOTTORANG 8:1

Niaki 20 taung sallona nabangung Karaeng Salomo Balla'Na Batara siagang balla' karaenga.

MATIUS 6:33

Jari, boyami la'bi riolo antekamma nasollanna Allata'ala ammarenta lalang ri katallassannu, siagang nanugaukang ero'Na. Na sikontu anjo kaparalluannu maraenganga laNasare tonjako Allata'ala.