1 KARAENG-KARAENG 6:7 - KITTA' MATANGKASA'

^7-10 Untu' anjo balo'-baloka, kayu camara Libanon nipake. Pakke'bu' mangea ri kamara'-kamara' pannambai ri lonjo' rawaya niaki ri bageang timborang. Untu' lonjo' makaruaya nia' tallu tuka'. Nampa nasarei Salomo palapong anjo ballaka. Papang cenrana battu ri Libanon napake. Siapa sallona nibangung anjo Balla'Na Batara, tena le'bakai nia' kalangngerang sa'ra palu-palu, pangkulu', yareka pakkakasa' bassi, nasaba' anjo batu-batu eroka nipake untu' ambangungi anjo ballaka le'ba' nipasadia memammi la'bi riolo ri wattunna nia' ija ri papparekanna. Kammaminjo batena Salomo ambangungi anjo Balla'Na Batara sa'genna le'ba'.

1 KARAENG-KARAENG 6:7 ပူးပေါင်းရင်းမြစ်များ

1 KARAENG-KARAENG 6:6

Ri lonjo' makase'rea, sangkara'na massing kamaraka 2,2 metere', ri lonjo' makaruaya 2,7 metere', na ri lonjo' makatallua 3,1 metere'. Tembo'na lonjo' la'bi rawangnganga la'bi kapallangngangi natembo'na lonjo' rateanga, sa'genna balo'-balo'na anjo kamara' pannambaia akkullei nipasisambung siagang tembo' Balla'Na Batara, manna tena niso'boloki anjo temboka.

KALAPPASSANG 20:25

Punna apparekko se're tampa' pakkoro'bangngang batu untu' iNakke, teako parekki battu ri batu nipaka, saba' punna ammakeko pa' untu' ampuei batua, takkulleami anjo tampa' pakkoro'bangnganga nipake untu' iNakke.

PANGNGEBARANG 24:27

Teako ambangungi pakkalabiniang punna tenapa nupasadiai kokonnu siagang nia'mo pa'boya-boyannu.

YESAYA 42:2

Tena nalammarrang yareka akkio' lompo, tena nalakalangngerang sa'ranna ri aganga.

LAMPA-LAMPANA 9:31

A'jari sannammi sikontu jama'aka ri Yudea, Galilea, siagang Samaria. Na lanri malla'na ri Batara siagang pannulunNa RohNa Allata'ala, pila' jarre'mi siagang pila' katambammi jaina ke'nanga.

ROMA 9:23

Mingka ero' tongi ampappicinikangi mae ri katte kate'neang masukkuka, ia Napassareanga mae ri katte tau Nakamaseanga. Kamma-kamma anne Napasadia maki' untu' antarimai anjo kate'neanga.

2 KORINTUS 5:5

NaKalenNa Allata'ala ampasadiaki', siagang Iami assareki' RohNa a'jari pammatei pannanggonginNa ri katte.

KOLOSE 1:12

kammayatompa appala' sukkuru' mae ri Manggea. Nasaba' iaminjo Manggea ampa'jari siratangko antarimai apa le'baka Napasadia Allata'ala untu' umma'Na lalang ri kakaraengang singaraka.

YAKOBUS 1:20

Inai-nai larro takkulleai nagaukang apa-apa bajika, ia nakarannuanga atinNa Allata'ala.

1 PETRUS 2:5

Ikau sanrapang ngasengko batu-batu mattallasaka. Lanri kammana paralluko ampassareangi kalennu untu' nipake ambangung Balla' rohaniNa Allata'ala. Lalang kammana anjo a'jari mako imang-imang mae ri Allata'ala lalang ri katallassannu; siagang tete ri Isa Almasi angngerang mako koro'bang rohani mae ri Allata'ala, iamintu koro'bang nitarima bajika ri atinNa Allata'ala.