1 KARAENG-KARAENG 6:5 - KITTA' MATANGKASA'

⁵ Ri tammulili bageang ri bokona anjo ballaka, ri tembo' bageang pantara'na nibangungi kamara'-kamara' a'lonjoka. Nia' tallung lonjo', massing-massing tinggina 2,2 metere'.

1 KARAENG-KARAENG 6:5 ပူးပေါင်းရင်းမြစ်များ

1 KARAENG-KARAENG 6:16

Ilalang ri anjo ballaka, nipareki kamara' bageang ri bokona iamintu nisarei rinring passimbang battu ri kayu camara, appakkaramula battu ri dapara'na sa'genna ri palaponna. Anjo kamaraka niarengi Kamara' Kaminang Matangkasa'; la'buna salapang metere'.

1 KARAENG-KARAENG 6:31

Ri pakke'bu' antamaya ri anjo Kamara' Kaminang Matangkasaka, nibonei ruallawara' pakke'bu' battu ri kayu zaitun. Bageang ratena anjo pakke'buka appakkoki na cidu' ri tangnga-tangngana.

1 KARAENG-KARAENG 6:6

Ri lonjo' makase'rea, sangkara'na massing kamaraka 2,2 metere', ri lonjo' makaruaya 2,7 metere', na ri lonjo' makatallua 3,1 metere'. Tembo'na lonjo' la'bi rawangnganga la'bi kapallangngangi natembo'na lonjo' rateanga, sa'genna balo'-balo'na anjo kamara' pannambaia akkullei nipasisambung siagang tembo' Balla'Na Batara, manna tena niso'boloki anjo temboka.

1 PATTOTTORANG 23:28

Musti nabantui imang-imang turunganna Harun lalang anggaukangi pa'gaukang sambayanga lalang ri Balla'Na Batara, amparakai parang lakkenna siagang sikamma kamaraka lalang ri anjo Balla'Na Batara, siagang sollanna yangasenna apa-apa le'bakamo nipa'jari tangkasa' untu' Batara tena na'jari ra'masa'.

1 PATTOTTORANG 28:11

Le'baki anjo napassareammi Daud mae ri Salomo rancana bangunanna anjo Balla'Na Batara, gudang-gudanna, sikontu kamara'na, siagang Kamara' Kaminang Matangkasa'na, iamintu tampa' nipammopporanna dosaya.

1 PATTOTTORANG 9:26

Mingka anjo appaka kapala pajaga tuli tugasa'na. Iami ke'nanga tanggong jawa' untu' sikamma kamara'na Balla'Na Batara siagang sikamma barang-barang nibolika lalang.

2 PATTOTTORANG 31:11

Lanri parentana karaenga, appasadiami ke'nanga gudang-gudang ri sa'ri Balla'Na Batara,

2 PATTOTTORANG 5:7

Le'baki anjo nipantama'mi anjo Patti Parjanjianga ri sikamma imanga ri Balla'Na Batara nampa nipadongko' irawanganna patung malaeka' akka'nyika lalang ri Kamara' Kaminang Matangkasaka.

2 PATTOTTORANG 5:9

Anjo kayu pa'buleka sanna' la'buna, sa'genna kacinikangi cappa'na ngaseng battu ri dallekanna anjo Kamara' Kaminang Matangkasaka, mingka tena nakacinikang battu pantarang. (Sa'genna anne alloa tuli nia'na anjo kayu-kayua anjoreng.)

NEHEMIA 10:37

Lanaerangi ikambe mae ri imanga ri Balla'Na Batara ri Yerusalem gandung nileoka, ia uru niallea taung-taung, kammayatompa apa-apa nipassareang maraengannaya kammayami anggoro', minynya' zaitun siagang sikamma rappo-rappoanga. Passare bage sampuloa battu ri wassele' kokonna ikambe, lanaerangi ikambe mange ri tu Lewi, ia ampasse'reai anjo passare bage sampuloa ri kota-kotana pamarria.

NEHEMIA 12:44

Anjo wattua nia' siapa are tau nisare tugasa' anjannangngi kamara'-kamara' tampa' parsadiaanga untu' amboliki sikamma sumbangang untu' Balla'Na Batara ri Yerusalem, kammayatompa passare bage sampulona siagang wassele' bungasa'na taua taung-taung. Sikamma anjo pajannanga musti napa'rappungi anjo sumbangang-sumbanganga battu ri sikamma koko niaka ri tammulilina kota-kotaya. Anjo sumbangang-sumbanganga nipassareangi mae ri sikamma imanga siagang tu Lewia, situru' paratoranna Hukkunga. Sikamma tu Yehudaya nahargai sikamma anjo imanga siagang tu Lewia,

PAMMUJI 28:2

Pilangngeri pappalakku punna akkioka' appala' tulung, Kiangkaki limangku mae ri Balla' matangkasatTa.

KALAPPASSANG 25:22

AnjorengA' ri tampaka lasibuntulu' siagang ikau; siagang battu rate ri pattongko'na, ri alla'na anjo ruaya malaeka' akka'nyi', laKusareko hukkung-hukkungKu untu' bansa Israel.”

KELONG MALA'BIRI' 1:4

Umba linta', o, karaengku, eranga' antama' ri kamara'nu. Lanri ikau nama'reja-reja ngaseng ikambe, mammuji ri pangngainu la'bia na anggoro'; siratang memangi tuloloa ero' ri kau!

YEREMIA 35:2

“A'lampako mange a'bicara siagang sikamma tau battua ri lokoanna Rekhab. Erangi ke'nanga mange ri kalase'renna kamaraka ri BallakKu, siagang patalangi anggoro' ke'nanga.”

YEREMIA 35:4

Kuerangi ke'nanga mange ri Balla'Na Batara, antama' ri kamara'na ana'-ana' gurunna Na'bi Hanan ana'na Yigdalya. Anjo kamaraka tampa'na irateannai kamara'na Imang Maaseya ana'na Salum, ri ampi'na kamara'na pagawe-pagawe maraenga. Maaseya iami pagawe tinggi anjannangngi sikamma pakke'bu'na Balla'Na Batara.

YEHEZKIEL 40:17

Nampa naeranga' anjo tu bura'nea allalo ri pakke'bu' lompoa mange ri paranglakkeng bageang pantaranna Balla'Na Batara. Ri sa'ri tembo' bageang pantaranna ri tammulilina anjo Balla'Na Batara nia' nibangung kamara' 30 jaina. Ri dallekanna anjo sikamma kamaraka nia' dapara' batu,

YEHEZKIEL 40:44

Nampa anjo tu bura'nea naeranga' mange ri paranglakkeng bageang lalanga. Anjoreng nia' rua sangkamma los; ia se'rea ri sa'rinnai pakke'bu' lompo bageang waraka, siagang a'dalle' timboroki, nampa se'reanga pole ri sa'rinnai pakke'bu' bageang timboroka siagang a'dalle' waraki.

YEHEZKIEL 41:4

Nampa naukkuru' tongi anjo kamaraka: tanja'na appaki pasagi, la'buna siagang sangkara'na massing 10 metere'. Nampa nakana ri nakke, “Iaminne Tampa' Kaminang Matangkasaka.”

KAIMANGNGANG 16:2

“Pabattuangi sari'battannu Harun, angkanaya ri wattu le'bakaji bawang nipattantu nakkulle antama' ri Kamara' Kaminang Matangkasaka, iamintu kamara' nisimbanga siagang gordeng, lanri anjoremMa' ampappicinikangi KalengKu lalang ri rammanga irateanna pa'rangka'na Patti Parjanjianga. Punna nadakkai Harun anjo paratoranga, tena tamatena.

PAMMILANGNGANG 7:89

Sampang antamaki Musa ri KemaNa Batara untu' a'bicara siagang Batara, nalangngere'mi sa'ranNa Batara a'bicara mae ri ia battu rate ri pa'rangka'na Patti Parjanjianga ri alla'na anjo ruaya patung malaeka' akka'nyi'.