1 KARAENG-KARAENG 6:38 - KITTA' MATANGKASA'

³⁸ Na lalang bulang Bul, iamintu bulang makasagantuju, lalang taung makasampulo asse're ri pamarentahanna Salomo, le'ba'mi nabangung Salomo anjo Balla'Na Batara, coco' sikali siagang apa le'baka nirancana. Tuju taungi wattu nipake untu' ambangungi anjo ballaka.

1 KARAENG-KARAENG 6:38 ပူးပေါင်းရင်းမြစ်များ

1 KARAENG-KARAENG 6:1

Napakaramulai Salomo ambangungi Balla'Na Batara ri bulang Ziw, iamintu bulang makarua, lalang taung makaappa'na ammarenta, yareka 480 taung le'ba'na bansa Israel ambokoi Mesir.

1 KARAENG-KARAENG 6:14

Kammaminne batena Salomo ampakale'baki pambangunanna anjo Balla'Na Batara:

1 KARAENG-KARAENG 6:37

Bulang Ziw nanipasangi pondasina anjo Balla'Na Batara, iamintu bulang makarua, lalang taung makaappa'na pamarentahanna Salomo.

1 KARAENG-KARAENG 7:1

Ambangung tommi Salomo balla' kakaraengang untu' kalenna. Anjo balla' kakaraenganga sampulo antallu taung wattu nipake untu' ambangungi.

1 KARAENG-KARAENG 9:10

Ruampulo taungi wattu napake Salomo ambangungi Balla'Na Batara siagang balla' kakaraenganga.

1 PATTOTTORANG 28:19

Nampa nakana Karaeng Daud, “Yangasenna anjo niaki taccata' lalang ri rancana nitulisika situru' pitunju' Napassareanga KalenNa Batara mae ri nakke untu' nigaukang.”

1 PATTOTTORANG 28:20

Le'baki anjo nakanamo pole Karaeng Daud ri Salomo ana'na, “Musti matappakko na nubarani. Pakaramulaimi anjo jamanga siagang teako malla'-mallakki manna pole ri apa-apa mamo. Ia Karaeng Allata'ala kusombaya lantulungko. Tena nalaNabokoiko. Ia lanrurungangko sa'genna le'ba' anjo jama-jamanga.

2 PATTOTTORANG 8:1

Niaki 20 taung sallona nabangung Karaeng Salomo Balla'Na Batara siagang balla' karaenga.

2 PATTOTTORANG 8:16

Na le'ba'mo anjo pambangunang narancanakanga Salomo. Sikontu anjo jamanga, appakkaramula battu ri nipadongko'na batu pundasia sa'genna le'ba' anjo Balla'Na Batara, le'ba' kabusu'mi nijama siagang baji'.

EZRA 5:11

Appialimi ke'nanga angkana, ‘Ikambe anne atannaki' Allata'ala makoasaya ri sikontu linoa. Nabangungi ikambe ammotere' Balla'Na Batara le'baka nibangung siagang nipa'langka' appulo-pulo taung allaloa ri sitaua karaeng Israel malompo.

KALAPPASSANG 39:32

Kala'busanna le'ba' ngasemmi anjo jama-jamang appareka KemaNa Batara. Le'ba'mi nagaukang tu Israel sikamma apa Naparentakanga Batara mae ri Musa.

KALAPPASSANG 39:42

Le'ba'mi nagaukang tu Israel sikontu jama-jamanga anjo, situru' parentaNa Batara mae ri Musa.

KALAPPASSANG 39:43

Naparessami Musa yangasenna anjo jama-jamanga na nacini'mo angkanaya le'ba' ngasemmi napa'le'ba' ke'nanga anjo jama-jamanga situru' apa Naparentakanga Batara. Nampa nabarakkakimo Musa anjo ke'nanga.

ZAKHARIA 4:9

Nakana, “Zerubabel le'ba'mi napadongko' batu pundasina BallakKu, siagang ia lampa'le'baki sikontu anjo bangunanga. Punna kajariammo anjo kammaya, lanaassemmi ummakKu angkanaya iNakke assuroi Zakharia battu mae ri ke'nanga.

YOHANES 2:20

Nakanamo ke'nanga, “Patampuloi angngannang taung sallona nipake untu' ambangungi anne Ballaka. Nampa erokKo iKau ambangung poleangi lalanna tallungalloa?”