1 KARAENG-KARAENG 6:36 - KITTA' MATANGKASA'

³⁶ Ri dallekanna anjo Balla'Na Batara, niparekimi paranglakkeng bageang lalang. Anjo paranglakkenga nikulilingi ri tembo' a'lapisi'-lapisika: irateanna tattallung lapisika batu, nia' silapisi' kayu camara Libanon.

1 KARAENG-KARAENG 6:36 ပူးပေါင်းရင်းမြစ်များ

1 KARAENG-KARAENG 6:35

Papang-papanna anjo pakke'buka nibelo-beloi ukirang malaeka' akka'nyi', poko'-poko' palem, siagang bunga ta'bakkara'. Yangasenna anjo ukiranga nilapisi siagang bulaeng.

1 KARAENG-KARAENG 7:12

Tembo' parang lakkenna balla' kakaraenganga siagang tembo' parang lakkenna Balla'Na Batara kammayatompa kamara' lompo ri bageang dallekanna Balla'Na Batara, massing-massingi battu ri silapisi' kayu camara Libanon siagang irateang tallung lapisi' batu.

2 PATTOTTORANG 4:9

Appare' tongi Salomo se're paranglakkeng bageang lalang untu' sikamma imanga, siagang se're paranglakkeng bageang pantarang. Sikamma pakke'bu' lompoa ri alla'na anjo ruaya paranglakkeng nilapisi kabusuki tambaga.

2 PATTOTTORANG 7:7

Nampa napassareang Salomo mae ri Batara paranglakkeng bageang ri tangngaya niaka ri dallekanna anjo balla' sambayanga. Nampa napassareang anjoreng koro'bang nitunua, koro'bang gandung siagang jannana olo'-olo' untu' koro'bang pappasiamaka. Kabusu'na anjorengi napassareang lanri anjo tampa' pakkoro'bangngang tambaga le'baka napare' tanaalleai untu' sikontu anjo passarea.

EZRA 6:4

Rinrinna musti kamma anne pare'na: bageang irate tallu lapisi' batu musti nilapisiki silapisi' kayu. Ongkoso'na natanggongi yareka niallei battu ri doe' kakaraenga.

YEREMIA 36:10

Nampa nabaca Barukh battu ri kitta' nigulunga sikontu apa-apa le'baka kupau, nampa appilangngeri ngaseng taua. Anjo kittaka nibacai lalang ri Balla'Na Batara ri kantoro'na Gemarya, ana'na Safan, jurutulisi'na pamarentaya. Anjo kantoroka niaki ri bageang rateang parang lakkenga, rampi'na oloang antamaya ri Pakke'bu' Lompo Beruna Balla'Na Batara.

YEHEZKIEL 40:28

Nampa anjo tu bura'nea naeranga' allalo ri pakke'bu' lompo bageang timboro' antama' ri paranglakkeng bageang lalang. Naukkuruki anjo pakke'bu' lompo bageang timboroka, nampa ukkuranna sangkammai siagang sikamma pakke'bu' lompo bageang pantaraka.

PAPPICINI' 11:2

Mingka teako ukkuruki paranglakkeng pantaranganna anjo Balla'Na Allata'ala, nasaba' anjo bageanga le'ba'mi nipassareang mae ri tau tenaya natappa' mae ri Batara. Lanaonjo'-onjokangi ke'nanga anjo kota matangkasaka patampulo anrua bulang sallona.