1 KARAENG-KARAENG 6:35 - KITTA' MATANGKASA'

³⁵ Papang-papanna anjo pakke'buka nibelo-beloi ukirang malaeka' akka'nyi', poko'-poko' palem, siagang bunga ta'bakkara'. Yangasenna anjo ukiranga nilapisi siagang bulaeng.

1 KARAENG-KARAENG 6:35 ပူးပေါင်းရင်းမြစ်များ

1 KARAENG-KARAENG 6:18

Sikontu tembo' bageang lalanna anjo ballaka, nilapisi siagang kayu camara Libanon, sa'genna tena sikalimo nakacinikang batu-batu tembo'na. Anjo lapisanga nibelo-beloi siagang ukiri'-ukiri' rappo boyo' siagang bunga-bunga ta'bakkaraka.

1 KARAENG-KARAENG 6:34

Nampa nipare' todong ruallawara' pakke'bu' battu ri kayu camara biasa, massing akkullea nilappa'.

1 KARAENG-KARAENG 6:36

Ri dallekanna anjo Balla'Na Batara, niparekimi paranglakkeng bageang lalang. Anjo paranglakkenga nikulilingi ri tembo' a'lapisi'-lapisika: irateanna tattallung lapisika batu, nia' silapisi' kayu camara Libanon.

1 KARAENG-KARAENG 7:26

Kapala'na anjo bongkia iamintu 75 milimetere'. Birinna sangkammai biring cangkiri' appakko' assulu' sangkamma bunga bakung ta'bakkaraka. Anjo bongkia akkullei angngalle kira-kira 40.000 litere'.

1 KARAENG-KARAENG 7:36

Benteng-benteng pannahanga siagang anjo papang-papanga nibelo-beloi siagang gambara' malaeka' akka'nyi', singa, siagang poko' palem ri kere-kereanga nia' tampa' kosong untu' anjo gambaraka, kammayatompa bunga-bunga ri tammulilina.

PAMMUJI 74:6

Sikontu ukiri' kayua naancuru' ngasengi ke'nanga ammake pangkulu' siagang palu-palu.

YEHEZKIEL 40:16

Ri tembo' ri bokoanga siagang tembo'-tembo' passimbang anjo kamara'-kamaraka nia' jandela-jandela ca'di. Tembo'-tembo' bageang lalang andallekanga mange ri loronga, nibelo-beloi siagang ukirang-ukirang poko' palem.

YEHEZKIEL 40:22

Kammayatompa kamara' lompona, jandela-jandelana, siagang ukirang-ukirang poko' kayu palemna sangkamma kabusuki siagang niaka ri pakke'bu' lompo bageang irayaya. Nia' tuju lonjo'na tuka' mangea ri anjo pakke'bu' lompoa, siagang ri cappa'na nia' kamara' lompo a'dalle' mangea ri paranglakkeng bageang pantaranna Balla'Na Batara.

YEHEZKIEL 41:18

poko' kayu palem siagang gambara' malaeka' akka'nyi', tasse'rei poko' kayu palem ri alla'na ta'ruaya gambara' malaeka' akka'nyi'. Anjo gambara' malaeka' akka'nyika ruai tanja'na,