1 KARAENG-KARAENG 5:7 - KITTA' MATANGKASA'

⁷ Sannang sikali nyawana Hiram nalangngere'na anjo kabaraka. Nakanamo, “Nipujimi Batara anne alloa, lanri Nasarena Daud sitau ana' bura'ne sannaka baji'na pangngassenganna untu' a'jari karaeng mae ri anjo bansa lompoa.”

1 KARAENG-KARAENG 5:7 ပူးပေါင်းရင်းမြစ်များ

PA'JARIANG 33:5

Ri wattunna nacini' Esau sikamma anjo bainea siagang ana'-ana'na, akkuta'nammi angkana, “Inai anjo ke'nanga niaka nuagang?” Appialimi Yakub angkana, “Anakku ngaseng ke'nanga. Nasarema' ana' Allata'ala.”

1 KARAENG-KARAENG 1:48

appala' doang angkana, ‘Nipujiki', o Batara, Allata'ala nasombaya umma' Israel. Anne alloa kalase'renna turungangku le'ba'mi Kiangka' a'jari karaeng untu' ansambeanga'. Siagang iKattemi ansarea' kasampatang attallasa' untu' ansa'bi!’ ”

1 KARAENG-KARAENG 10:9

Nipujimi Batara, Allata'alata! Lalang Naangkatta a'jari karaeng Israel, Napappicinikammi Batara antekamma mangngaiNa mae ri katte. Tena le'ba'-le'ba'na Nakamaseang bansa Israel; Iaminjo saba'na na Naangkakki' a'jari karaenna ke'nanga, sollanna akkulle kipaenteng hukkunga siagang kaadelanga.”

1 KARAENG-KARAENG 3:9

Lanri kammana anjo Batara, poro Kisare laloa' pangngassengang mabaji', ia kuparalluanga untu' ammarenta ri anne ummatTa siagang adele', siagang untu' akkulle angngassengi angkanaya kerea baji' siagang kerea kodi. Punna tena nakamma, antekamma olona akkulle kuparenta anne ummatTa lompo kammaya?”

1 KARAENG-KARAENG 4:7

Salomo angngangkaki sampulo anrua bupati ri sikontu pa'rasangang Israel. Ia tugasa'na ke'nanga iamintu appa'rappung battu ri daerana ke'nanga apa-apa lanakanrea karaenga siagang sikontu bonena balla' karaenga. Sikontu bupatia a'le'basaki tanggong jawa' ri anjo passalaka lalanna sibulang tassitaung.

1 KARAENG-KARAENG 5:6

Naassemmi Karaeng Allata'ala angkanaya ri tangnga-tangngana ra'yakku tena tau cara'de' anna'bang poko' kayu sangkamma ra'yatta. Lanri kammana anjo, kupalaki ri katte poro akkullei kisuro ra'yatta ampa'na'bangnganga' poko'-poko' camara ri Libanon. Lakusuroji ra'yakku ambantui ke'nanga, siagang manna siapa gaji kipattantua untu' ke'nanga anjo taunta, lakubayaraki.”

1 KARAENG-KARAENG 5:8

Nampa akkirimmo Hiram pappiali mae ri Salomo angkana, “Le'ba'mi kutarima anjo kabara' pappalatta, siagang sadiama' untu' anturukiangki' pappalatta. Lappasadia' kayu camara Libanon, siagang kayu camara biasaya situru' pappalatta.

PAMMUJI 137:6

Boli'ma' kamma takkulleamo akkelong punna lakukaluppaiko siagang tena nakupa'jariko karannuangku!

PANGNGEBARANG 10:1

Iaminne sikamma pappakainga'na Salomo: Ana' cara'deka iami nakalompoang pa'maika manggena; ana' toloa napakasusai pa'mai'na amma'na.

PANGNGEBARANG 13:1

Ana' cara'deka naparhatikangi punna nipakainga' ri manggena; tau borroa taerokai annarima pappasaile.

PANGNGEBARANG 15:20

Ana' cara'deka, napakasannangi pa'mai'na manggena; ana' toloa tanapakala'birai amma'na.

PANGNGEBARANG 23:24

Se'rea mangge larannui punna baji' akkala'na ana'na; lalompoi pa'mai'na punna cara'de' ana'na.

YESAYA 8:18

Annemi inakke siagang ana'-ana' Napassareanga Batara mae ri nakke. Batara Kaminang Makoasaya ammarenta ri Bulu' Sion, ansuroi ikambe battu a'jari pammatei mae ri umma' Israel.

YESAYA 9:6

Ammarentai salaku turunganna Daud, kakoasanNa tamaka lompona. Tuli laamangi na salewangang pa'rasanganNa; pamarentahanNa ta'dongkoki rate ri hukkung siagang kaadelang anne kamma siagang satunggu-tungguna. Batara Kaminang Makoasaya, mattantu laNarupaina.