1 KARAENG-KARAENG 5:12 - KITTA' MATANGKASA'

¹² Narupaimi janjinNa Batara, na Nasaremo Salomo pangngassengang mabaji'. Hiram siagang Salomo bajiki passisambunganna, siagang appare'mi ke'nanga parjanjiang passikko'.

1 KARAENG-KARAENG 5:12 ပူးပေါင်းရင်းမြစ်များ

PA'JARIANG 21:32

Le'baki ke'nanga appare' parjanjiang ri Bersyeba, ammotere'mi Abimelekh siagang Pikhol mange ri pa'rasanganna tu Filistin.

1 KARAENG-KARAENG 15:19

“Umba kippare' passari'battangngang sangkamma le'baka nagaukang tau toata. Nia' kukiring bulaeng siagang pera' salaku hadia, nampa kupala' sollanna kitappu' passisambunganta siagang Baesa karaeng Israel, sollanna napasulu' ammotere' pasukanna battu ri daeraku.”

1 KARAENG-KARAENG 3:12

jari laKuturukiang mako pappala'nu. LaKupa'jariko la'bi cara'dekangngang siagang la'bi bajikangngang pangngassengannu na manna inai-nai, baji' ri jammang allaloa, kammayatompa ri jammang labattua.

1 KARAENG-KARAENG 4:29

Nisaremi pangngassengang mabaji' Salomo ri Allata'ala, siagang pangngassengang la'bi nabiasaya, kammayatompa pammahang lantang sikalia.

1 KARAENG-KARAENG 5:13

Karaeng Salomo napagio'mi 30.000 tau bura'ne battu ri sikontu Israel untu' anjama,

2 PATTOTTORANG 1:12

Lanri kammana anjo laKusareko kacara'dekang baji' siagang pangngassengang. Pantaranganna anjo laKupa'jari coppongi katallassannu, la'bi kalumanynyang siagang la'bi masahoro' na karaeng maraengannaya, baji' karaeng allaloa kammayatompa karaeng labattua.”

PAMMUJI 127:1

Kelong battu ri Salomo. Punna teai Batara ambangung balla', sia-siaji tukang-tukanga anjama. Punna teai Batara anjagaiki', sia-siaji sikamma pangawalaka a'jaga.

PANGNGEBARANG 1:1

Iaminne sikamma pappakainga'na Salomo ana' bura'nena Daud, karaeng Israel.

KATO'BA 12:9

Anjo lapung Tau Assarea Pangngajarang bajiki akkala'na siagang cara'deki. Lanri kammana anjo napangngajarrangi anjo pangngassenganna mae ri rupataua. Jai pangngebarang napappilajari nampa nauji katojenganna.

KELONG MALA'BIRI' 1:1

Kelong Mala'biri' napareka Salomo.

AMOS 1:9

Nakana Batara, “Pandudu'na Tirus a'mole-molei doraka, lanri kammana anjo ma'nassa laKuhukkungi ke'nanga. Le'baki naengka' ke'nanga se'rea bansa mange ri pammelakkanga, nampa napassareang mae ri Edom; nadakkai ke'nanga parjanjiang passari'battanganna.

YAKOBUS 1:5

Punna nia' tau ri kau ngaseng kurang pangngissengang, parallui nupappalakkang battu ri Allata'ala, sollanna nisare pangngissengang battu ri Allata'ala; nasaba' yangasenna taua akkullei Nasare Allata'ala lanri lammoro' pa'mai'Na, kammayatompa lanri pangngamaseanNa.