1 KARAENG-KARAENG 5:1 - KITTA' MATANGKASA'

¹ Hiram, karaeng Tirus, tuli agangi siagang Karaeng Salomo. Nalangngere'na Hiram angkanaya a'jari karaemmi Salomo ansambeangi Daud manggena, akkirimmi tunisuro mange ri Salomo.

1 KARAENG-KARAENG 5:1 ပူးပေါင်းရင်းမြစ်များ

PA'JARIANG 15:18

Anjo wattua memang, appare'mi Batara parjanjiang siagang Abram. Nakana Batara, “A'janjiA' angkanaya laKusarei turungannu sikontu anne buttaya, appakkaramula battu ri pa'baeng-baenna pa'rasangang Mesir sa'genna mange ri Binanga Efrat,

2 SAMUEL 5:11

Karaeng Hiram battu ri pa'rasangang Tirus akkiringi wakkele' mae ri Daud. Kammayatompa kayu camara Libanon siagang tukang-tukang kayu na tukang-tukang batu untu' ambangung balla' kakaraengang.

2 SAMUEL 8:10

Jari nakirimmi ana' bura'nena niarenga Yoram untu' ampabattui sallanna mae ri Karaeng Daud siagang appabattu salama' lanri anjo pammetanna; lanri anjo Karaeng Hadadezer masarroi a'bundu' siagang Tou. Battui Yoram mange ri Daud siagang angngerangi hadia ga'ga iamintu bulaeng, pera' siagang tambaga.

1 KARAENG-KARAENG 10:25

Massing battui ke'nanga angngerang hadia untu' Salomo. Massing assarei ke'nanga barang-barang pera', bulaeng, pakeang, sanjata, rampa-rampa, jarang siagang keledai. Kammaminjo taung-taung.

1 KARAENG-KARAENG 5:10

Jari nisaremi Salomo ri Hiram sikontu kayu camara Libanon siagang camara biasaya ia naparalluanga.

1 KARAENG-KARAENG 5:13

Karaeng Salomo napagio'mi 30.000 tau bura'ne battu ri sikontu Israel untu' anjama,

1 PATTOTTORANG 14:1

Karaeng Hiram battu ri pa'rasangang Tirus, akkiringi siapa are tunisuro battu mange ri Daud. Kammayatompa akkiringi kayu camara battu ri Libanon siagang tukang-tukang kayu, tukang-tukang batu, untu' ambangung balla' napammantangia karaeng.

2 PATTOTTORANG 17:11

Battu ri Filistin annarimai passare jai pera' siagang passare maraengannaya, siagang battu ri tu Arab annarimai passare 7.700 gimbala' siagang 7.700 bembe.

2 PATTOTTORANG 2:3

Akkiringi Salomo kabara' kammaya anne mae ri Hiram karaeng Tirus, “Maeki' nakiassambungang a'danggang sangkamma siagang manggeku Daud. Le'bakki' a'balu' ri ia kayu camara Libanon untu' ambangungi balla' kakaraenganna.

2 PATTOTTORANG 9:26

Koasai mae ri sikontu karaeng niaka ri daera luara' appakkaramula battu ri Binanga Efrat sa'genna mange ri pa'rasangang Filistin siagang pa'baeng-baenna Mesir.

EZRA 4:20

Le'baki nia' siapa are karaeng barani ammarenta anjoreng siagang nakoasai sikontu daera propinsi bageang ilau', nampa appajappa paja' siagang passare mae ri karaenga.

PAMMUJI 45:12

Kaga'gannu angkontaki karaenga, ia karaennu, tundu' mako mae ri ia.

PAMMUJI 72:8

Lapila' a'bakkaki luara'na kakaraenganna battu ri tamparang se'rea mae ri tamparang maraenga, a'la'bang battu iraya sa'genna kalau'.

PAMMUJI 80:12

Tangke ca'dina a'la'baki sa'genna mange ri Tamparang Tangngaya, pucu'-pucu'na narapiki Binanga Efrat.

KALAPPASSANG 34:24

Punna le'ba'mo Kubongka sikamma bansa-bansaya battu ri dallekannu siagang Kupakaluara' daeranu, tena manna sitau barani langngallei pa'rasangannu ri wattunnu a'lampa untu' ampakalompoi Allo Lompo Passua'-suarrang Roti Tenaya Nammake Pa'gambang, Allo Lompo Pakkattoang, siagang Allo Lompo Pa'ballakang Leko'-leko' Kayua.

YESAYA 23:1

Iaminne pappasang ri passala'na Tirus. He, sikamma pakappalaka ri Tarsis ansombaliai tamparang lompoa, appiraung mako! Ri wattunnu assombala' ammotere' battu ri Siprus, lanipauang mako angkanaya ancuru'mi Tirus. Pa'labuannu siagang sikamma balla'nu a'jari rumbangang ngasemmi.

YEHEZKIEL 19:11

Kassa' tangkenna, tagampangai nitepo' siratangi nipare' takkang karaeng. Coppo'na tinggi nai' narapiki rammanga. Nikangngalikangi ri sikontu taua lanri tinggina siagang copponna leko'na.

AMOS 1:9

Nakana Batara, “Pandudu'na Tirus a'mole-molei doraka, lanri kammana anjo ma'nassa laKuhukkungi ke'nanga. Le'baki naengka' ke'nanga se'rea bansa mange ri pammelakkanga, nampa napassareang mae ri Edom; nadakkai ke'nanga parjanjiang passari'battanganna.

PAMMILANGNGANG 24:7

Anggappai je'ne' bosi alla'bi-la'bi, anggappai jai je'ne' bine lamunganna. Lamala'biriki karaenna, la'biangang na Karaeng Agag, na lanipakala'biri' kakaraenganna.

LUKAS 7:5

nasaba' sanna' nakarimangnginna bansata siagang le'ba' maki' napambangungang balla' sambayang.”

PAOLE 20:11

Punna nasungkei sikamma pakke'bu' lompona ke'nanga nampa manyara, anjo ke'nanga musti a'jari atannu ngasengi siagang nusuroi anggaukangi jama-jamang passaya.

1 SAMUEL 10:27

Mingka nia'mo siapa are tau ja'dala' angkana, “Kemae lakkulle a'matu-matu anne taua mae ri katte?” Nacini' rawami ke'nanga anjo Saul siagang taerokai ke'nanga assarei hadia. Mingka assara-sarai Saul tanaassenga anjo kammaya.