1 KARAENG-KARAENG 4:34 - KITTA' MATANGKASA'

³⁴ Sikamma karaenga ri sikontu linoa nalangngere'mi kabara'na passala'na anjo kacara'dekanna Salomo, sa'genna akkirimmo tau ke'nanga untu' mange ampilangngeri.

1 KARAENG-KARAENG 4:34 ပူးပေါင်းရင်းမြစ်များ

1 KARAENG-KARAENG 10:1

Nalangngereki karaeng bainena pa'rasangang Syeba ri passala' kacara'dekanna Salomo. Jari battumi mange ri Yerusalem untu' anso'ri Salomo siagang pakkuta'nang sukkara'-sukkaraka.

1 KARAENG-KARAENG 4:33

Akkullei a'bicara ri sesena poko'-pokoka siagang lamung-lamunga – battu ri poko' camaraya ri Libanon sa'genna ruku'-ruku' lu'mu' attimboa ri rinring-rinring batua. A'bicara tongi ri sesena olo'-oloka, sangkamma ebara'na olo'-olo' akka'nyika, olo'-olo' allosonga siagang jukuka.

2 PATTOTTORANG 9:1

Nalangngereki Ratu Syeba ri passala' masahoro'na arenna Karaeng Salomo. Jari battumi mange ri Yerusalem ero' anso'ri kacara'dekanna na nasare pakkuta'nang-pakkuta'nang sukkara'. Battui nirurungang ri siapa are jaina paeranna siagang unta battalaka eranganna angngerang rampa-rampa, batu paramata, siagang teai sipato' jaina bulaeng. Ri wattunna assigappa siagang Salomo, akkuta'nammi anjo ratua a'rupa-rupa pakkuta'nang niaka ri pikkiranna.

2 PATTOTTORANG 9:23

Sikontu karaenga nausahai assicini' siagang Salomo untu' ampilangngeri pangngajarang kacara'dekanna Napassareanga Allata'ala mae ri ia.

YESAYA 2:2

Ri allo-allo labattua bulu' tampa' Balla'Na Batara ammenteng tinggi nai' siagang ammenteng kassaki irate moncong-moncong siagang sikamma buluka. Sikontu bansaya a'balulungi mange anjoreng,

ZAKHARIA 8:23

Ri anjo allo-allo kammaya, sampulo tau bansa maraeng labattu mange ri se're tu Yahudi na nakana, ‘Ero' tongi ikambe upa' sangkamma ikau ngaseng; nasaba' nalangngereki ikambe angkanaya Nabarakkaki ngasengko Allata'ala.’ ” Kammaminjo kana le'baka Napau Batara Kaminang Koasaya.