1 KARAENG-KARAENG 4:31 - KITTA' MATANGKASA'

³¹ Ia tojeng-tojemmi kaminang cara'de' battu ri sikontu taua. La'biangngangi na Etan anjo tu Ezrahi, Heman, Kalkol siagang Darda ana'-ana'na Mahol. Alla'bangi niasseng ri kere-keremae ri sikontu pa'rasangang niaka ri tammulilina kakaraenganna.

1 KARAENG-KARAENG 4:31 ပူးပေါင်းရင်းမြစ်များ

1 KARAENG-KARAENG 10:1

Nalangngereki karaeng bainena pa'rasangang Syeba ri passala' kacara'dekanna Salomo. Jari battumi mange ri Yerusalem untu' anso'ri Salomo siagang pakkuta'nang sukkara'-sukkaraka.

1 KARAENG-KARAENG 10:6

Jari nakanamo ri Karaeng Salomo, “Sikontu kabara' kulangngereka ri pa'rasangangku ri sesena ikatte siagang kacara'dekanta, memang kammatojengi!

1 KARAENG-KARAENG 3:12

jari laKuturukiang mako pappala'nu. LaKupa'jariko la'bi cara'dekangngang siagang la'bi bajikangngang pangngassengannu na manna inai-nai, baji' ri jammang allaloa, kammayatompa ri jammang labattua.

1 KARAENG-KARAENG 5:7

Sannang sikali nyawana Hiram nalangngere'na anjo kabaraka. Nakanamo, “Nipujimi Batara anne alloa, lanri Nasarena Daud sitau ana' bura'ne sannaka baji'na pangngassenganna untu' a'jari karaeng mae ri anjo bansa lompoa.”

1 PATTOTTORANG 15:17

Iaminne tau akkarena simbalaka, ia battua ri kaluarga-kaluarga pakelonga: Heman ana'na Yoël siagang sikamma sari'battanna iamintu niarenga Asaf ana'na Berekhya, siagang Etan ana'na Kusaya battu ri bija Merari. Untu' anrurungangi ke'nanga siagang untu' akkarena kacapi tinggia sa'ranna, nipileimi siapa are tu Lewi, iamintu: Zakharia, Yaaziel, Semiramot, Yehiel, Uni, Eliab, Maaseya, siagang Benaya. Untu' akkarena kacapi rawaya sa'ranna nipileimi siapa are tu Lewi, iamintu: Matica, Elifele, Mikneya, Azazya, siagang rua pangawala'na Balla'Na Batara, iamintu Obed-Edom siagang Yeiel.

1 PATTOTTORANG 2:6

Zerah nia' lima ana'na bura'ne, iamintu: Zimri, Etan, Heman, Kalkol, siagang Dara.

1 PATTOTTORANG 6:33

Garisi' pattottoranna sikamma anjo tau nisarea tugasa' iamintu: Battu ri tu Kehat: Heman, ana'na Yoël. Iami ampimpingi kalompo'na pakelong makase'rea. Garisi' pattottoranna battu rawa sa'genna nai' ri Yakub iamintu: Heman, Yoël, Samuel.

2 PATTOTTORANG 9:23

Sikontu karaenga nausahai assicini' siagang Salomo untu' ampilangngeri pangngajarang kacara'dekanna Napassareanga Allata'ala mae ri ia.

PAMMUJI 88:1

Kelong. Pammujina golongan Korah. Untu' pamimping pakelong. Situru' lagu: Mahalat Leanot. Kelong pangngajara' battu ri Heman, tu Ezrahi.

DANIEL 1:20

Sampang nia' napabattu karaenga passala', iamintu parallua nipakasingara' siagang nitangara', naassemmi karaenga angkanaya panggappana siagang pappitangara'na anjo appaka turungka a'lappi sampuloi baji'na nasikamma panggappana siagang pappitangara'na sikontu pacinika siagang sanro cara'deka ri sikontu kakaraenganna.

MATIUS 12:42

Punna Allo Kiama' sallang, lambangungi karaeng baine battu Timboroka siagang taua ri anne jammanga antuntuki ke'nanga. Nasaba' ri wattu ero'na anjo karaeng bainea allangngereki kacara'dekanna Salomo bella sikalimi najappai, battu ri cappa'na buttaya. Mingka kamma-kamma anne, nia' anrinni lompoanganga na Salomo!”

MATIUS 4:24

Tassiara'mi kabara'Na Isa mange ri pa'rasangang Siria, sa'genna pila' jaimi tau ambattui. Massing angngerammi ke'nanga tau garring. A'rupa-rupami tau garring siagang tau susa nierang mae ri Ia. Tau nisosoka ri setang, tau mate-mate jangang, tau peso', na maraengannaya, Naballei ngasemmi Isa sa'genna baji' memang silalonna.

LUKAS 11:31

Ri allo kiamaka sallang, lambangummi nai' Karaeng baine battu Timborang pa'rasanganga siagang taua ri anne jammanga, ansalakangi ke'nanga. Nasaba' ri wattunna ero' anjo Karaeng bainea ampilangngeri pangngajara' mabaji'na Salomo, a'jappami sanna' bellana battu ri cappa'na buttaya. Mingka kamma-kamma anne, siagang anrinni ri tampaka, nia'mi lompoanganga na Salomo!

KOLOSE 2:3

Almasimi ampa'nyatai sikontu apa-apa tenayapa niassengi battu ri kacara'dekanNa siagang pangngassenganNa Allata'ala, ia taccokkoa riolo.