1 KARAENG-KARAENG 4:1 - KITTA' MATANGKASA'

¹ A'jari karaemmi Salomo mae ri sikontu pa'rasangang Israel.

1 KARAENG-KARAENG 4:1 ပူးပေါင်းရင်းမြစ်များ

2 SAMUEL 20:23

Iaminne pagawe-pagawe tinggina Daud: Panglimana sikontu tantarana Israel: Yoab. Kapala pasukang pangawala' kalenna Daud: Benaya ana'na Yoyada.

2 SAMUEL 5:5

Tuju sitangnga taung ammarenta ri Hebron mae ri Yehuda, siagang tallumpulo antallu taung ammarenta ri Yerusalem mae ri sikontu Israel siagang Yehuda.

2 SAMUEL 8:15

Kammaminjo batena Daud ammarenta ri sikontu Israel siagang najagai sollanna nigau' adele' siagang baji' ra'yaka.

1 KARAENG-KARAENG 11:13

Mingka tena nasikontu anjo kakaraenganga laKurampasa' battu ri ia. Lanri atangKu Daud, siagang lanri Yerusalem anjo kotaKu le'baka Kubangung, nia' se're suku laKupatassesa untu' ana' bura'nenu.”

1 KARAENG-KARAENG 12:6

Nampa appala' tangara'mo Rehabeam mae ri tau toa-toaya ia le'baka a'jari tumappakainga'na Salomo, manggena Rehabeam. Akkuta'nangi Rehabeam angkana, “Antekamma musti pappialingku mae ri anjo taua? Antekamma pikkiranta ngaseng?”

1 KARAENG-KARAENG 3:28

Nalangngere'na bansa Israel anjo kaputusang le'baka natantukang lalang ri anjo parkaraya, lannasa'mi siagang angngali'mi ke'nanga ri ia. Nasaba' a'nassami angkanaya nisaremi pangngassengang mabaji' ri Allata'ala untu' a'gau' adele'.

1 KARAENG-KARAENG 4:2

Iaminne sikamma pajaba' tinggi naangkaka Salomo: Imang-imang: Zadok, Azarya ana'na Zadok, Abyatar. Jurutulisi'na pa'rasanganga: Elihoref siagang Ahia, ana'-ana'na Sisia. Bendaharana pa'rasanganga: Yosafat ana'na Ahilud Panglimana tantaraya: Benaya, ana'na Yoyada Pangawasa' Bupati: Azarya, ana'na Natan Tumappakainga'na karaenga: Imang Zabud, ana'na Natan Kapala ruma tanggana balla' karaenga: Ahisar Kapala pajama aganga: Adoniram, ana'na Abda

1 PATTOTTORANG 12:38

Sikontu anjo pejuanga a'lampai mange ri Hebron, sadia untu' a'bundu' siagang eroka angngangkaki Daud a'jari karaeng untu' sikontu bansa Israel. Na sikontu tu Israel maraengannaya a'julu ati ngaseng tommi untu' anggaukangi anjo passalaka.

2 PATTOTTORANG 1:13

Nampa nabokoi Salomo anjo tampa' panynyombanga ri Gibeon napammantangia KemaNa Batara, nampa ammotere' mange ri Yerusalem. Battu anjoremmi napajappa pamarentahanna mae ri tu Israel.

2 PATTOTTORANG 9:30

Sallona ammarenta Karaeng Salomo iamintu 40 taung; anjorengi ri Yerusalem ammarenta mae ri sikontu Israel.

NEHEMIA 13:26

Kukana, “Sai iatommi anne dosa kammaya nagaukang Karaeng Salomo? Tena karaeng lompoangngang naia ri anne linoa. Nikamaseangi ri Allata'ala siagang nipa'jari karaeng ri sikontu bansa Israel. Mingka manna nakamma, ninyonyo'mi ri bai'-baine bansa maraeng untu' a'gau' dosa.

KATO'BA 1:12

Inakke, Tau Assarea Pangngajarang, ammarenta' a'jari karaeng ri Yerusalem mae ri tu Israel.