1 KARAENG-KARAENG 3:6 - KITTA' MATANGKASA'

⁶ Appialimi Salomo angkana, “O Batara, le'ba'mi Kipappicinikang angkanaya sanna' Kikamaseanna manggeku Daud, anjo atanTa. Ia bajiki, lambusuki, kammayatompa tamamminrayai mae ri Katte. Na salaku jaminang, angkanaya latuli Kikamaseanna, Kisaremi sitau ana' bura'ne ia ammarentaya kamma-kamma anne untu' ansambeangi.

1 KARAENG-KARAENG 3:6 ပူးပေါင်းရင်းမြစ်များ

PA'JARIANG 24:40

Appialimi angkana, ‘Batara sangnging kuturukia, Iami lassuroi battu malaeka'Na untu' antulungko sollanna akkulle a'jari tugasa'nu. Lanugappai sitau baine untu' la'jari bainenna anakku, ia battua ri alla'na bija pammanakang kalengku, iamintu battua ri bijanna manggeku.

2 SAMUEL 22:21

Nabalasaki Batara gau' katojengangku; Nabarakkakia' lanri tenana kusala.

2 SAMUEL 22:25

Na Nabalasa' Batara gau' tojengku lanri naassenNa angkana tena kusala.

2 SAMUEL 7:5

“A'lampako siagang pabattui mae ri atangKu Daud anne pasangKu angkanaya, ‘Angngapa naikau ambangung balla' untu' iNakke.

1 KARAENG-KARAENG 1:48

appala' doang angkana, ‘Nipujiki', o Batara, Allata'ala nasombaya umma' Israel. Anne alloa kalase'renna turungangku le'ba'mi Kiangka' a'jari karaeng untu' ansambeanga'. Siagang iKattemi ansarea' kasampatang attallasa' untu' ansa'bi!’ ”

1 KARAENG-KARAENG 15:5

Kammaminjo Nagaukang Batara lanri nipakasannangi atinNa ri Daud. Tena nale'ba' Daud ambalang parekangi parenta-parentaNa Batara, pantaranganna ri parkarana Uria, anjo tau battua ri Het.

1 KARAENG-KARAENG 2:4

Punna mannurukiko ri Batara, laNarupai janjinNa angkanaya turungangku lammarenta ri Israel, assala' tuli majarreki mannuruki ri sikontu parenta-parentaNa siagang situlusu'na atinna siagang nyawana ke'nanga.

1 KARAENG-KARAENG 3:14

Na punna ikau, sangkamma Daud manggenu riolo, nuturukiA' siagang nupinawangi hukkung-hukkungKu, laKusareko umuru' sallo.”

1 KARAENG-KARAENG 9:4

Punna anynyombako ri Nakke situlusu'na pa'mai'nu siagang malambusu' pa'mai' sangkamma manggenu Daud, siagang nuturuki hukkung-hukkungKu kammayatompa parenta-parentaKu,

2 KARAENG-KARAENG 20:3

“O Batara, Kiu'rangi laloi angkanaya le'ba'mi kupare' ata kalengku mae ri Katte, majarreka' siagang tulusuki pa'maikku mae ri Katte. Tuli kuusahai anggaukangi apa Kikaerokia.” Nampa angngarru' Hizkia sanna' si'nana nasa'ring nyawana.

2 PATTOTTORANG 1:8

Appialimi Salomo angkana, “O Allata'ala, le'ba'mi Kipa'nyata angkanaya sanna' Kikamaseanna manggeku Daud, siagang le'ba'ma' Kiangka' a'jari karaeng untu' ansambeangi.

PAMMUJI 116:7

Kupakasannangi pa'maikku, saba' bajiki Batara mae ri nakke.

PAMMUJI 119:17

Poro lammoro' pa'maikKi' mae ri anne atanTa, sollangku tuli attallasa' na kumannuruki ri ajaranTa.

PAMMUJI 13:6

Nasaba' pangngamaseanTa kupattoang, jari larannua' lanri iKatte ampasalamaka'. Erokka' makkelong untu' Batara, nasaba' le'ba'na a'gau' baji' mae ri nakke!

PAMMUJI 15:2

Tau tenaya callanna siagang anggaukangi bajika ri tallasa'na, siagang tau lambusuka ampaui tojenga;

PAMMILANGNGANG 12:7

Mingka tena nakamma anjo mae ri atangKu Musa. Iami tau majarre' pa'maika ri alla'na ummakKu.

2 KORINTUS 9:11

Lanri kammana, laganna' mako ri sikontu kaparalluannu, sa'gennu tuli akkulle malammoro' assare. Na anjo passarenu ngaseng, napa'bage-bageanga ikambe, la'jari passabakkammi najai tau lappala' sukkuru' mae ri Allata'ala.

2 KORINTUS 9:5

Iaminjo saba'na naparallu kusuro a'lampa riolo anjo ke'nanga mae ri kau, angngurusuki anjo sumbangang le'baka nupa'janjiang. Kammami anjo kugaukang sollanna punna battua' sallang, sadiami anjo sumbangannu. Lanri kammana, a'nassami angkanaya tena nabattala' passangalinna te'nei pa'mai'nu ampassareangi anjo sumbanganga.