1 KARAENG-KARAENG 3:3 - KITTA' MATANGKASA'

³ Salomo mangngamaseangi ri Batara siagang mannuruki ri pitunju'-pitunju' battua ri manggena. Mingka tuli anynyamballe iji siagang assare iji koro'bang olo'-olo' ri tampa' a'rupa-rupaya.

1 KARAENG-KARAENG 3:3 ပူးပေါင်းရင်းမြစ်များ

1 KARAENG-KARAENG 11:34

Mingka manna nakamma tena nalaKualle ngaseng sikontu anjo kakaraenganga battu ri ia. LaKulappassangi koasa lalang tallasa'na. Kugaukangi anjo kammaya lanri atangKu Daud, le'baka Kupile, siagang mannurukia ri hukkung-hukkungKu siagang parenta-parentaKu.

1 KARAENG-KARAENG 11:38

Punna ikau, sangkamma atangKu Daud, mannuruki tojeng-tojengko ri hukkung-hukkungKu, siagang nupakasannang atingKu, iamintu nugaukangi sikontu apa Kuparentakanga ri kau, tuli laKururungangko. LaKupa'jariko karaeng Israel. LaKutanggongi angkanaya turungannu la'jari karaeng ansambeangko, kamma le'baka Kugaukang mae ri Daud.

1 KARAENG-KARAENG 11:4

sa'genna ri wattu toana akkullemi ninyonyo' ri ke'nanga anynyomba ri rewata-rewata maraenga. Daud, manggena Salomo, majarreki mae ri Batara, Allata'alana. Mingka Salomo tena nasangkamma manggena.

1 KARAENG-KARAENG 11:6

Kammaminjo nadorakamo Salomo mae ri Batara. Daud, manggena Salomo mannuruki ri Batara situlusu' atinna, mingka Salomo tena nakamma.

1 KARAENG-KARAENG 14:23

Irate ri bulu'-buluka siagang irawanganna poko'-poko' kayu lompoa, ambangummi ke'nanga tampa'-tampa' panynyombang mae ri barhalaya, siagang appaentemmi ke'nanga bangunang-bangunang kammayatompa patung-patung rewata baine Asyera untu' nasomba ke'nanga.

1 KARAENG-KARAENG 14:8

Le'ba' mako Kusare kakaraengang le'baka Kurampasa' battu ri turunganna Daud. Mingka tena nusangkamma atangKu Daud. Ia tena tojeng pamminrana ri Nakke siagang mannuruki ri parentaKu. Ia bawang nagaukang apa Kusitujuia.

1 KARAENG-KARAENG 15:11

Sangkamma Daud, boe-boena, Asa napakasannangi atinNa Batara.

1 KARAENG-KARAENG 15:14

Manna natenapa naancuru' ngasengi Asa sikontu tampa' panynyombanna barhalaya, mingka tuli majarreki mae ri Batara lalang tallasa'na.

1 KARAENG-KARAENG 15:3

Sangkamma manggena, Abiam jai dosa nagaukang. Tena natulusu' majarre' pa'mai'na mae ri Karaeng Allata'alana, tasangkammayai siagang Daud, boe-boena.

1 KARAENG-KARAENG 15:5

Kammaminjo Nagaukang Batara lanri nipakasannangi atinNa ri Daud. Tena nale'ba' Daud ambalang parekangi parenta-parentaNa Batara, pantaranganna ri parkarana Uria, anjo tau battua ri Het.

1 KARAENG-KARAENG 22:43

Sangkamma Asa, manggena, nagaukangi apa bajika Yosafat ri dallekanNa Batara. Napa'lanynyaki battu ri kakaraenganna sikamma pasundala' bura'ne bainea, ia tugasaka ri tampa'-tampa' panynyombanga ri barhalaya, ia niakaija tassesa ri jammanna Asa, manggena. Mingka kalenna anjo tampa'-tampa' panynyombanga tena naancuruki. Tuli assareiji ra'yaka koro'bang siagang kamanynyang anjoreng. Yosafat appareki kappala'-kappala' Tarsis untu' angngalle bulaeng battu ri Ofir, mingka anjo kappala'-kappalaka tena nanjari assombala' lanri panraki ri Ezion-Geber. Napalaki Karaeng Ahazia battu ri Israel sollanna ana'-ana' kappala'na a'lampai siagang ana'-ana' kappala'na Yosafat assombala'. Mingka taerokai Yosafat, manna pole nabaji' passisambunganna siagang karaeng Israel. Nampa matemo Yosafat na nitarawang ri jera'na karaeng-karaenga ri Kota Daud. Yoram ana'na ansambeangi a'jari karaeng. Riwaya' maraengannaya ri sesena Yosafat, ri sesena kabaranianna, siagang sikamma pa'bundukang le'baka nagaukang le'ba'mi nicata' lalang ri kitta' Riwaya'na sikamma karaeng Yehuda. Ri anjo jammanga tena karaenna pa'rasangang Edom. Ammarentaya anjoreng iamintu sitau kapala daera.

1 KARAENG-KARAENG 3:14

Na punna ikau, sangkamma Daud manggenu riolo, nuturukiA' siagang nupinawangi hukkung-hukkungKu, laKusareko umuru' sallo.”

1 KARAENG-KARAENG 3:6

Appialimi Salomo angkana, “O Batara, le'ba'mi Kipappicinikang angkanaya sanna' Kikamaseanna manggeku Daud, anjo atanTa. Ia bajiki, lambusuki, kammayatompa tamamminrayai mae ri Katte. Na salaku jaminang, angkanaya latuli Kikamaseanna, Kisaremi sitau ana' bura'ne ia ammarentaya kamma-kamma anne untu' ansambeangi.

1 KARAENG-KARAENG 8:25

Le'ba' tongKi' a'janji mae ri manggeku angkanaya punna mannuruki tojeng-tojeng turunganna mae ri Katte kamma kalenna, tuli lania' turunganna la'jari karaeng ri Israel. Kamma-kamma anne, o Karaeng Allata'alana Israel, kupalaki poro Kirupai ngaseng tommi anjo apa le'baka Kipa'janjiang mae ri manggeku Daud, anjo atanTa.

1 KARAENG-KARAENG 8:61

Paralluko ikau, umma'Na, tuli tamamminraya mae ri Batara, Allata'alata siagang mannuruki ri hukkung-hukkunNa siagang parenta-parentaNa, sangkamma nugaukanga ngaseng anne alloa.”

1 KARAENG-KARAENG 9:4

Punna anynyombako ri Nakke situlusu'na pa'mai'nu siagang malambusu' pa'mai' sangkamma manggenu Daud, siagang nuturuki hukkung-hukkungKu kammayatompa parenta-parentaKu,

2 KARAENG-KARAENG 12:3

Iaji bawang sayanna, lanri tenana naputtai tampa' panynyombanga mae ri rewataya, sa'genna tuli assarena ra'yaka koro'bang siagang attunu dupa anjoreng ri tampaka.

2 KARAENG-KARAENG 12:4

Ri se'reang allo nakioki Yoas sikamma imanga nampa nasuro ke'nanga amboliki doe' nagappaya battu ri passare-passare nipassareanga ri Balla'Na Batara, baji' doe' pa'bayara' nigaukanna koro'banga, kammayatompa doe' battu ri passare rellana taua.

2 KARAENG-KARAENG 14:3

Anjo Amazia nagaukangi apa napakassannanga pa'mai'Na Batara, mingka tenapa nasangkamma Daud boe-boena. Sangkamma todong manggena,

2 KARAENG-KARAENG 14:4

tena todong nanaruntungi tampa'-tampa' panynyombanga ri rewataya, sa'genna tuli assarena koro'bang siagang tuli attununa dupa ra'yaka anjoreng.

2 KARAENG-KARAENG 15:35

Mingka sayanna, katena naputtai tampa'-tampa' panynyombanga mae ri rewataya sa'genna tuli assarena koro'bang siagang attununa dupa ra'yaka anjoreng. Iaminne Yotam ambangungi Pakke'bu' Lompo Bageang Waraka ri Balla'Na Batara.

2 KARAENG-KARAENG 15:4

Mingka sayanna, lanri tenana naputtai tampa'-tampa' panynyombanga ri rewataya, sa'genna tuli assarena koro'bang siagang tuli attununa dupa ra'yaka anjoreng.

2 KARAENG-KARAENG 18:22

Nampa nasambungi bicaranna anjo perwirana tantara Asyur angkana, “Yareka nukana lamanrannuangko mae ri Batara, Allata'alanu? Ri wattunna naparentakang Hizkia sollanna tu Yehuda siagang tu Yerusalem poro ri dallekannaji bawang tampa' pakkoro'bangnganga akkulle anynyomba, sai iatonji anjo tampa' pakkoro'bangnganga siagang tampa'-tampa' panynyombanga ri Batara naancuru'?

2 KARAENG-KARAENG 18:4

Naputtai tampa'-tampa' panynyombanga mae ri rewataya, siagang naruntungi tembo'-tembo' siagang patung-patung Dewi Asyera. Naancuru' tongi ulara' tambagaya bate pare'na Musa niarenga Nehustan. Nasaba', sa'genna anjo wattua tuli attunu iji dupa tu Israel untu' ampakalompoi anjo ulara' tambagaya.

2 PATTOTTORANG 15:17

Manna natenapa naancuru' kabusuki Asa sikontu tampa' panynyombanga mae ri barhalaya ri anjo pa'rasanganga, mingka ia tena pamminrana tappa'na mae ri Batara lalang kabusu'na tallasa'na.

PAMMUJI 145:20

Najagai sikontu tau mangngaia mae ri Ia, mingka tau ja'dalaka napossoki.

PAMMUJI 31:23

Lalang ri kalinguangku kukapangi angkana Napela'ma' Batara battu ri dallekang mala'biri'Na. Mingka Nalangngere'mi pappalakku wattungku akkio' mae ri Ia.

KAIMANGNGANG 17:5

Ia ero'na anjo parentaya iamintu sollanna naerang bansa Israel mange ri KemaNa Batara sikontu olo'-olo' nipassareanga ia biasaya nasamballe ke'nanga ri kokoa. Musti naerangi ke'nanga anjo passarea mange ri imanga ri dallekang pakke'bu' KemaNa Batara nampa nasamballe anjoreng untu' koro'bang passiamakkang.

MATIUS 22:37

Appialimi Isa Nakana, “Kamaseangi Karaeng Allata'alanu siagang sitepu atinnu, sitepu pa'mai'nu kammayatompa sitepu tallasa'nu.

YOHANES 14:15

“Punna nukamaseangA', lanugaukangi sikontu parentaKu.

YOHANES 14:21

Inai-nai antarimai sikamma parentaKu nampa nagaukang, iami angkamaseangA'. Inai-nai angkamaseangA', lanikamaseang tongi ri ManggeKu. LaKukamaseangi anjo taua, siagang laKupa'nyatai KalengKu mae ri ia.”

ROMA 8:28

Niassengi angkanaya Allata'ala ngaseng angngatoroki sikontu apa-apaya, sa'genna a'jari baji' mae ri sikamma tau angkamaseangai, iamintu sikamma tau Nakioka situru' ero' panggaukanNa.

1 KORINTUS 8:3

Mingka inai-nai attojeng-tojeng mangngamaseang mae ri Allata'ala, iami niasseng baji' ri Allata'ala.

PAOLE 10:12

“Kamma-kamma anne sari'battangku ngaseng, parhatikang lalomi apa Natuntuka Karaeng Allata'alanu battu ri kau, angkanaya: Pakala'biriki Karaeng Allata'alanu siagang gaukang laloi sikontu Naparentakanga. Mangngamaseangko mae ri Ia, siagang gaukang laloi ibadanu mae ri Ia ilalang sikontu batangkalennu siagang nyawanu.

PAOLE 10:13

Turuki sikontu parentaNa Batara kupabattua mae ri kau anne alloa, lanri untu' kabajikang kalennu tonji.

PAOLE 11:13

Jari turuki lalomi parenta-parenta kupabattua mae ri kau anne alloa; kamaseangi Karaeng Allata'alanu siagang gaukangi ibadanu mae ri Ia lalang sikontu batangkalennu siagang nyawanu.

PAOLE 30:16

Anne alloa kuparentakangko sollanna nukamaseang Karaeng Allata'alanu, mappilangngeriko ri Ia, kammayatompa gaukangi sikontu hukkung-hukkunNa siagang parentaNa sollana baji' pattallassannu siagang a'jariko bansa lompo. LaNabarakkakiko Karaeng Allata'alanu ri pa'rasangang tenayamo nasallo nanupammantangngi.

PAOLE 30:20

Mangngamaseangko mae ri Karaeng Allata'alanu, mannurukiko mae ri Ia, siagang majarre' pa'maikko mae ri Ia. Na ikau siagang jari-jarinu lattallasakko siagang lala'bui umuru'nu ri pa'rasangang Napa'janjianga Batara mae ri boe-boenu iamintu Abraham, Ishak siagang Yakub.”

PAOLE 30:6

Ikau siagang jari-jarinu lanisareko nyawa sarroa mannuruki, sa'gennu mangngamaseang ri Karaeng Allata'alanu lalang sikontu pa'mai'nu siagang akkulleko tulusu' ammantang ri anjo buttaya.

PAOLE 6:5

Kamaseangi Karaeng Allata'alanu siagang sikontu pa'mai'nu: Pappicinikangi kammaya anjo lalang ampe-ampe tallasa'nu siagang lalang ri panggaukannu.

YAKOBUS 1:12

Maupaki tau sa'baraka ri wattunna nataba paccoba. Nasaba' punna akkullemi attahang lalang ri anjo paccobaya, lanatarimami passawallanna, iamintu katallassang le'baka Napa'janjiang Allata'ala mae ri sikamma tau mangngamaseanga ri Ia.

YAKOBUS 2:5

U'rangi sikamma sari'battangku, sannaka kukarimangnginna! Ia tau nicini' kasi-asia ri anne linoa, iami nipilei ri Allata'ala untu' a'jari tu kalumanynyang lalang ri katappakkanga. Iaminjo tau kammaya la'jari Umma'Na Allata'ala situru' Napa'janjianga Allata'ala mae ri sikamma tau angkamaseangai.

1 SAMUEL 9:12

Appialimi anjo sikamma tuloloa angkana, “Iye', nia', silalonna nia' a'jappa allaloi ikambe. Punna akkaro-karoki', nakulle akkullei kirapi'. Silalonna battu ri kotaya, nasaba' anne alloa irate ri tampa' pakkoro'bangnganga ri buluka, nia' passare koro'banna ra'yaka. Tena nalangnganre tau jaia punna tenapa nabattu, lanri musti nabarakkaki rolong anjo koro'banga. Punna a'lampaki' kamma-kamma anne, lakirapi'mi ri tenanapa nangngambi' ri bontoa untu' mange angnganre.”