1 KARAENG-KARAENG 3:21 - KITTA' MATANGKASA'

²¹ Ammukona bari'basa', ri wattungku ambangung naero' kupasusu anjo ana' loloku, angngapa namatemo kurapikang. Le'ba'na kuparessa baji'-baji', a'nassami angkanaya teai ana' loloku anjo.”

1 KARAENG-KARAENG 3:21 ပူးပေါင်းရင်းမြစ်များ

PA'JARIANG 21:7

Nampa nakana pole, “Inai le'ba' angkana ri bura'nengku angkanaya lakkullea' lappasusu ana'? Mingka kamma-kamma anne ammana'ma', manna pole nasanna'mo toana bura'nengku.”

1 KARAENG-KARAENG 3:20

Ri tangngana bangngia, lalang attinroku, ambangummi nampa naalle ana' loloku battu ri sa'ringku. Nampa naboli' anjo ana' loloku ri katinroanna, nampa anjo ana' lolona mateamo naboli'mi ri katinroangku.

1 KARAENG-KARAENG 3:22

Nakanamo anjo baine se'reanga, “A'balle-ballei! Anne attallasaka ana' loloku, na anjo matea ana' lolona!” Appialimi anjo bainea rioloa sumpaeng, “Tena! Anne matea ana' lolonu, naanjo attallasaka ana' loloku!” Kammaminjo batena ke'nanga a'gea' ri dallekanna karaenga.

1 SAMUEL 1:23

Appialimi Elkana angkana, “Baji'mi, gaukammi apa nukanaya baji' ri pikkirannu. Ammantang mako ri balla' sa'genna narapi' wattunna nusa'la' anynyusu anatta. Siagang tapporo Napa'rupa laloi Batara janjinnu.” Jari ammantammi Hana ri balla' sa'genna narapi' wattunna akkulle nisa'la' anynyusu ana'na.