1 KARAENG-KARAENG 3:16 - KITTA' MATANGKASA'

¹⁶ Ri se'reang allo, nia' rua baine pasundala' battu andallekang ri Karaeng Salomo.

1 KARAENG-KARAENG 3:16 ပူးပေါင်းရင်းမြစ်များ

1 KARAENG-KARAENG 3:15

Ambangunnamo Salomo, nasadarimi angkanaya le'baki a'bicara Allata'ala mae ri ia lalang so'na. Jari ammotere'mi mange ri Yerusalem nampa ammenteng ri dallekanna Patti ParjanjianNa Batara, siagang assaremi koro'bang nitunu kammayatompa koro'bang pappasiamakkang. Nampa appare'mo passua'-suarrang untu' sikontu pagawena.

1 KARAENG-KARAENG 3:17

Kalase'renna ri ke'nanga angkana, “Karaeng mala'biri', inakke siagang anjo bainea siballakka'. Tena tumaraeng naagang ikambe ammantang. Siapa are allo allaloa, allassukanga' sitau ana' bura'ne. Ruangallo ribokoangannaya allassukang tommi anne bainea sitau ana' bura'ne.

KALAPPASSANG 18:13

Ammukona bari'basa' naadelimi Musa siapa are passisala-salang niaka ri tu Israel. Anjo jama-jamang kammaya angngallei wattu appakkaramula battu ri bari'basa' sa'genna bangngi.

KALAPPASSANG 18:16

Punna nia' passisala-salanna ke'nanga, battui ke'nanga mae ri nakke sollanna kutappuki parkarana ke'nanga, siagang kupauangi ke'nanga sikamma parentaNa siagang hukkung-hukkunNa Allata'ala.”

PANGNGEBARANG 25:2

Nipakala'biriki Allata'ala lanri apa-apa Narahasiakanga; karaenga nipakalompoi lanri apa akkullea napakasingara'.

KAIMANGNGANG 19:29

Teako pakatunai anggaranna ana'nu bainea siagang teako lappassangngi a'jari baine sala ri balla'-balla' passambayangang rewataya. Lanri appakammanu anjo nanura'massi pa'rasangannu, siagang la'la'bangi anjo panggaukang sala kammaya anjoreng.

PAMMILANGNGANG 27:2

Anjo limaya ana'na Zelafehad a'lampai mange andallekang ri Musa, siagang Imang Eleazar, kammayatompa sikamma pamimpinga siagang sikontu umma' niaka sitabang asse're ri ampi'na pakke'bu' KemaNa Batara. Nakana ke'nanga,

PAOLE 23:17

Se'rea tu Israel, baji' bura'ne kammayatompa baine, takkulleai a'jari pagau' bawang ri balla'-balla' panynyombanga.

YOSUA 2:1

Nampa battu ri pakkemaanga ri Sitim, nasuromi Yosua rua mata-mata a'lampa mange ri Kanaan. Naparentakangi anjo ruaya tau untu' accokko-cokko ansalidiki Kanaan, lomoro' se'rea iamintu kota Yerikho. Jari a'lampami ke'nanga mange ri anjo kotaya, nampa a'bangngi ri se'reang balla' baine pagau' bawang, niarenga Rahab.

HAKING-HAKING 11:1

Anjo Yefta iami tantara sanna' baranina. Anjorengi ri Gilead ammantang. Manggena niarenga Gilead. Mingka anjo amma'na baine pagau' sala.