1 KARAENG-KARAENG 3:15 - KITTA' MATANGKASA'

¹⁵ Ambangunnamo Salomo, nasadarimi angkanaya le'baki a'bicara Allata'ala mae ri ia lalang so'na. Jari ammotere'mi mange ri Yerusalem nampa ammenteng ri dallekanna Patti ParjanjianNa Batara, siagang assaremi koro'bang nitunu kammayatompa koro'bang pappasiamakkang. Nampa appare'mo passua'-suarrang untu' sikontu pagawena.

1 KARAENG-KARAENG 3:15 ပူးပေါင်းရင်းမြစ်များ

PA'JARIANG 28:16

Ambangummi Yakub battu ri tinrona nampa nakana, “Niaki Batara anrinni, ri tampaka. Mingka nampami kuasseng kamma-kamma anne.”

PA'JARIANG 31:54

Anynyamballemi sikayu olo'-olo' nampa napassareang a'jari koro'bang irate ri anjo buluka. Nampa naundammo sikamma taunna untu' angnganre assama-sama. Le'baki angnganre, a'bangngimi ke'nanga irate ri anjo buluka.

PA'JARIANG 40:20

Tallungngalloi pole, narapi'mi allo kalassukanna karaenga. Appare'mi passua'-suarrang untu' sikontu pagawena. Naparentakammi sollanna nipasulu' battu ri tarungkua anjo pangngurusu' inunganga siagang pangngurusu' rotia, nampa nierang mange ri dallekanna sikontu pagawea ri balla' karaenga.

PA'JARIANG 41:7

Nampa nia'lu'mo anjo tujua bulere' gandung bajika assinna ri anjo tujua bulere' gandung opaya. Le'baki anjo ambangummi karaenga siagang angngu'rangimi angkana asso'nai.

1 KARAENG-KARAENG 3:16

Ri se'reang allo, nia' rua baine pasundala' battu andallekang ri Karaeng Salomo.

1 KARAENG-KARAENG 8:63

Untu' koro'bang pappasiamakkang assaremi Salomo 22.000 sapi siagang 120.000 gimbala'. Kammaminjo karaenga siagang sikontu ra'yaka appare'mi pa'gaukang untu' angresmikangi Balla'Na Batara.

1 KARAENG-KARAENG 8:65

Ri Balla'Na Batara anjo, Salomo siagang sikontu umma' Israel appare'mi passua'-suarrang untu' ampakalompoi Allo Lompona Pa'ballakang Leko'-lekoka, lalang tuju allo sallona. Teai sipato' jaina anjo tau a'rappunganga anjoreng. Battui ke'nanga ri daera agang mangea ri Hamat bellana ri bageang wara', sa'genna mange ri pa'baeng-baenna Mesir bageang timboro'.

1 PATTOTTORANG 16:3

nampa nabage-bagei ngaseng kanre ke'nanga. Sikontu tau niaka anjoreng, bura'ne yareka baine, massing anggapai sikere' dageng nitunu, roti, siagang kanrejawa kismis.

2 PATTOTTORANG 7:5

Untu' koro'bang pappasiamakkang assarei Salomo 22.000 sapi siagang 120.000 gimbala'. Kammami anjo batena karaenga siagang sikontu ra'yaka anggaukangi anjo upacara napassareanna anjo balla' panynyombanga mae ri Batara.

ESTER 1:3

Ri makatallun taunna ammarenta, appare'mi acara passua'-suarrang lompo anjo Karaeng Ahasyweros untu' sikamma tumalompona siagang pagawe-pagawena. Hadere' tongi panglima tantarana Persia siagang Media ri anjo passua'-suarranga. Kammayatompa sikamma guburnur siagang pagawe-pagawe tinggi battua ri daera propinsi nia' ngaseng tongi hadere'.

YEREMIA 31:26

Anjo wattua lakkanai taua, ‘Le'bakku tinro jannang, baji'mi pakkasiakku.’

DANIEL 5:1

Ri se'reang allo Karaeng Belsyazar angngundangi sisa'bu tumalompo untu' anghaderi passua'-suarrang lompona, siagang angnginung-nginung anggoro'.

PAMMILANGNGANG 12:6

na Nakanamo Batara, “Pilangngeri anne kana-kanangKu! Punna nia' battu ri kalase'rennu a'jari na'bi, Kupa'nyatai KalengKu mae ri ia lalang ri paccini'na siagang a'bicarA' siagang ia lalang so'na.

MARKUS 6:21

Mingka kale'bakkanna, anggappami kasampatang Herodias ri allo kalassukanna Herodes. Anjo wattua assua'-suaraki Herodes. Nakio' ngasengi tumalompoa lalang pamarentanga, tau tinggi-tinggia pangka'na, kammayatompa sikamma pamimpinga lalang ri Galilea.