1 KARAENG-KARAENG 3:1 - KITTA' MATANGKASA'

¹ Karaeng Salomo napa'jari agammi kalenna siagang Mesir na nabuntingi ana' tulolonna karaeng Mesir. Naerammi Salomo anjo bainea mange ri Kota Daud untu' ammantang anjoreng sa'genna le'ba' balla' karaenga siagang Balla'Na Batara kammayatompa tembo' pattahangngang akkuliling kota Yerusalem nibangungi.

1 KARAENG-KARAENG 3:1 ပူးပေါင်းရင်းမြစ်များ

2 SAMUEL 5:7

Nakanamo Daud mae ri ana' buana, “Niakka anrinni tau angkabirisi tu Yebus sangkamma bateku angkabirisi ke'nanga? Maka birisi' tojengi sa'genna cinna dudu ambunoi ke'nanga? Punna kamma, antama' mako battu ri passolongang je'neka nampa bunduki anjo tu butaya siagang tu tempanga kukabirisia.” (Iaminjo saba'na nanakana taua, “Tu butaya siagang tu tempanga takkulleai antama' ri Balla'Na Batara.”) Akkullemi naalle Daud anjo pattahanganna Sion siagang naempoi. Naaremmi “Kota Daud”. Nabangummi anjo kotaya ri tammulilina anjo pattahangnganga, appakkaramula battu ri rayanganna bonto nipakatinggia siagang butta.

1 KARAENG-KARAENG 11:1

Karaeng Salomo jai baine battu pantara' nangai. Pantaranganna ana' bainena karaeng Mesir, a'nikka tongi Salomo siagang baine-baine battua ri Het, Moab, Amon, Edom, siagang Sidon.

1 KARAENG-KARAENG 2:10

Nampa matemo Daud, na nitarawang ri Kota Daud.

1 KARAENG-KARAENG 6:1

Napakaramulai Salomo ambangungi Balla'Na Batara ri bulang Ziw, iamintu bulang makarua, lalang taung makaappa'na ammarenta, yareka 480 taung le'ba'na bansa Israel ambokoi Mesir.

1 KARAENG-KARAENG 7:1

Ambangung tommi Salomo balla' kakaraengang untu' kalenna. Anjo balla' kakaraenganga sampulo antallu taung wattu nipake untu' ambangungi.

1 KARAENG-KARAENG 7:8

Ia pammantanganna Salomo nipare' kamma tongi bangunang maraeng siagang niaki ri paranglakkeng ri bokona Kamara' Lompo Pangadelanga. Untu' bainenna, iamintu ana' bainena karaeng Mesir ambangung tommi balla' kammaya anjo tanja'na.

1 KARAENG-KARAENG 9:1

Le'baki nabangung Salomo Balla'Na Batara siagang balla' kakaraenganga kammayatompa sikontu apa le'baka narancana,

1 KARAENG-KARAENG 9:10

Ruampulo taungi wattu napake Salomo ambangungi Balla'Na Batara siagang balla' kakaraenganga.

1 KARAENG-KARAENG 9:24

Butta niaka ri bageang timboranna Balla'Na Batara nasuro tambungi Salomo ri wattunna a'lette'mo bainenna, iamintu ana' bainena karaeng Mesir, battu ri Kota Daud mange ri balla' kakaraengang nabangunga Salomo untu' ia.

2 PATTOTTORANG 18:1

Ri wattunna akkalumanynyammo siagang masahoro'mo arenna Yosafat a'jari karaeng ri Yehuda, napa'buntimmi kalase'renna anggota kaluargana siagang kalase'renna anggota kaluargana Ahab karaeng Israel.

2 PATTOTTORANG 8:11

Napaletteki bainenna Salomo, iamintu ana' bainena karaeng Mesir, battu ri Kota Daud mange ri balla' le'baka nabangungangi. Nasaba' nakana pikkiranna Salomo, “Tena nakkulle ammantang bainengku ri balla' kakaraenganna Daud, karaeng Israel, lanri sikontu tampa' le'baka napammantangngi Patti Parjanjianga matangkasa' kabusuki.”

EZRA 5:11

Appialimi ke'nanga angkana, ‘Ikambe anne atannaki' Allata'ala makoasaya ri sikontu linoa. Nabangungi ikambe ammotere' Balla'Na Batara le'baka nibangung siagang nipa'langka' appulo-pulo taung allaloa ri sitaua karaeng Israel malompo.

EZRA 9:14

Jari, antekamma lakkulle ija ikambe lambalang parekang iji sikamma anjo parentaTa, siagang la'buntinga pole siagang sikamma anjo tu ja'dalaka? Punna nagaukang ija ikambe anjo sikammaya, mattantu lateai sipato' larroTa, sa'genna Kiancuru' taba sikalimo ikambe siagang talaniakkamo manna sitau laKilappassang attallasa'.

PAOLE 23:8

Appakkaramula ri lapisi' makatallua siagang jari-jarina ke'nanga akkullei a'jari anggota umma'Na Batara.”