1 KARAENG-KARAENG 22:34 - KITTA' MATANGKASA'

³⁴ Sitabangi nia' sitau tantara Siria allappassangi ana' panana, natena nakunjungi angkana nai lanapitabai. Mingka anjo ana' panaya natabai Ahab na natarrusu' baju pa'bundukanna ri bageang sambunna. Ammarrammi Ahab mae ri paerang karetana angkana, “Nitaba'! Putaraki nanueranga' assulu' ri anne tampa' pa'bundukanga!”

1 KARAENG-KARAENG 22:34 ပူးပေါင်းရင်းမြစ်များ

2 SAMUEL 15:11

Nia' ruambilangngang tau anrurungangi Absalom battu ri Yerusalem a'lampa mange ri Hebron. Tena apa-apa naasseng ke'nanga ri passala'na anjo passikongkolanga siagang amminawang turuki a'lampa ke'nanga tena ranggaselana.

1 KARAENG-KARAENG 22:17

Appialimi Mikha angkana, “Kuciniki tantara Israel tassiara' tena silolongang ri moncong-monconga. Sanrapangi ke'nanga gimbala' tenaya pakalawakinna, siagang Nakana Batara ri sesena ke'nanga, ‘Anne taua ngaseng tena pamimpinna. Lappassammi ammotere' ke'nanga siagang salama'.’ ”

1 KARAENG-KARAENG 22:33

sa'genna naassemmo ke'nanga angkanaya teai karaeng Israel. Jari ammarimi ke'nanga ammajui.

1 KARAENG-KARAENG 22:35

Mingka lanri sanna'na ija anjo pa'bundukanga, tuli ammantammi Karaeng Ahab nita'gala' lalang ri karetana andallekangi tantara Siria. Assolommi ceraka battu ri loko'na naung ri dapara'na karetaya. Narapiki karueng, matemi.

2 KARAENG-KARAENG 9:24

Napabantammi otere' panana Yehu sipagassing-gassinna nampa nalio-lio napana anjo Yoram, na nataba dongko'na sitarrusu' mae ri atenna. Anra'bami Yoram, nampa mate lalang ri karetana.

2 PATTOTTORANG 18:30

Anjo wattua le'ba'mi niparentakang sikamma panglimana pasukang kareta bundu'na Siria ri karaenna sollanna karaeng Israelmo bawang nabunduki ke'nanga.

2 PATTOTTORANG 35:23

Lalang anjo pa'bundukanga nitabami ri pana Karaeng Yosia. Nampa naparentakang ata-atanna sollanna nierang assulu' battu ri pa'bundukanga lanri sanna'na loko'na.

PIRAUNG 3:37

Punna tena Nakaerokangi Batara apa-apaya mattantu tenana nakkulle rupataua anggaukangi apa-apaya.

MIKHA 6:13

Kamma-kamma anne appakkaramulaMa' annunrung siagang angngancuru' lanri dosa-dosanu ngaseng.

PAPPICINI' 9:9

Barambanna ke'nanga nilapakki apa-apa sangkammaya baju bassi. Sa'ra ka'nyi'na sangkammai sa'ra kareta nibesoka ri jarang, sannaka jaina maju lalang ri pa'bundukanga.

1 SAMUEL 17:49

Nakocci'mi kocikanna Daud, angngalle silisere' batu nampa napapatte' mange ri Goliat. Anjo batua nalappassangngimi antama' abanna Goliat, sa'genna reppe' ka'daro ulunna, nampa tattappasa' a'dalle' naung rupanna ri buttaya.