1 KARAENG-KARAENG 22:17 - KITTA' MATANGKASA'

¹⁷ Appialimi Mikha angkana, “Kuciniki tantara Israel tassiara' tena silolongang ri moncong-monconga. Sanrapangi ke'nanga gimbala' tenaya pakalawakinna, siagang Nakana Batara ri sesena ke'nanga, ‘Anne taua ngaseng tena pamimpinna. Lappassammi ammotere' ke'nanga siagang salama'.’ ”

1 KARAENG-KARAENG 22:17 ပူးပေါင်းရင်းမြစ်များ

1 KARAENG-KARAENG 22:16

Appialimi Ahab angkana, “Punna a'bicarako ri nakke lanri arenNa Batara, paui sitojennaya. Pissiapa mako kupakainga' ri anjo passalaka?”

YESAYA 13:14

Bansa maraeng ammantanga ri Babel lasisa'la'-sa'laki siagang massing lari mange ri pa'rasanganna. Rapangi ke'nanga jonga lari battu ri pammuranga, yareka rapang gimbala' tenayamo pakalawakinna.

YEREMIA 28:8

Na'bi-na'bi rioloanganta le'ba'mi naboto angkanaya pa'bundukang, bala lompo, siagang garring labattu antujui jaia bansa siagang kakaraengang kassaka.

YEREMIA 50:17

Nakana Batara, “Tu Israel rapangi pa'rappungang gimbala' niondanga siagang nipasimbung-simbunga ri singa. Uru-uruna nibunduki ke'nanga ri karaeng Asyur, nampa Nebukadnezar Karaeng Babel angngallei buku-bukunna ke'nanga.

YEREMIA 50:6

UmmakKu rapangi gimbala' le'baka nilappassang lingu ri monconga ri pakalawakinna. Pitilampa-lampaimi ke'nanga battu ri moncong se'rea mange ri moncong maraenga siagang tanaassengami angkana kemae balla'na ke'nanga.

YEHEZKIEL 1:4

Acconga' nai', nakucini'mo angnging lompoa ammiri' battu wara'. Kuciniki kilaka a'lepa'-lepa' battu ri sigompoang rammang ia sannaka lompona; nampa langika ri tammulilina teai sipato' singara'na. Lalang ri anjo kila' a'lepa'-lepaka nia' kucini' apa-apa accila'-cilla' sangkamma tambaga.

NAHUM 3:18

He karaenna pa'rasangang Asyur! Matemi sikamma guburnurnu, siagang sikamma bupatinu tinro tulusu'mi satunggu-tungguna. Ra'ya'nu tassia'-siara'mi ri moncong-monconga, natena manna sitau akkulle angngerangi ke'nanga ammotere'.

ZAKHARIA 10:2

Appalaki pangngunju' sikamma taua mae ri barhala-barhalaya siagang ri sikamma pacinika, mingka sikamma anjo pangngunju' nagappaya ke'nanga sangnging balle-balle siagang bicara kosonji bawang. Nia' ambattuangngi so'naya, mingka anjo battuang napakasingaraka ke'nanga poro lanapakalingu ngaseng jako; siagang anjo panynyaleori napassareanga tena battuanna. Lanri kammana anjo natassimbung-simbung ra'yaka sanrapang gimbalaka. Tenamo nasilolongang ke'nanga lanri tena pamimpinna.

ZAKHARIA 13:7

Nakana Batara Kaminang Koasaya, “Ammentengko nai' he pa'dang, nampa nubuccu' pakalawaki anjamaya untu' iNakke! Bunoi, natassimbung-simbung sikamma gimbalaka. LaKubunduki ummakKu,

PAMMILANGNGANG 24:3

siagang napaumi anne boto kammaya, “Iaminne pasanna Bileam, ana'na Beor, kana-kananna sitaua pacini'

PAMMILANGNGANG 24:4

le'baka allangngereki kana-kananNa Allata'ala siagang ancinikai apa Napappicinikanga Kaminang Koasaya, anra'bai, mingka tassungkei matanna.

PAMMILANGNGANG 27:17

Sitau akkullea a'jari panglima punna a'bundu' ke'nanga. Teaki' lappassangngi anne ummatTa sanrapang gimbala' tenaya pakalawakinna.”

MATIUS 9:36

Na ri wattunna Nacini' ngaseng Isa anjo tau jaia, tu'guru'mi pangngamaseanNa. Lanri sanrapangi ke'nanga gimbala' tappelaka siagang dodonga lanri tenana pakalawakinna.

MARKUS 6:34

Wattunna naung Isa battu ri biseanga, Nacini'mi anjo tau jaia. Tu'guru'mi pangngamaseanNa anciniki ke'nanga, lanri sanrapangi ke'nanga gimbala' tenaya pakalawakinna. Jari appakkaramulami Naajara' ke'nanga a'rupa-rupa pangngajarang.

1 SAMUEL 9:9

Appialimi Saul angkana, “Baji'mi! Umba ki'lampa.” Jari a'lampami ke'nanga mange ri kotaya, ri tampa'na anjo atanNa Allata'ala. Ri wattu angngambi'na ke'nanga ri bonto angngoloa mange ri anjo kotaya, assibuntulu'mi ke'nanga siagang siapa are tulolo, eroka anynye'ro' je'ne' ri bungunga. Akkuta'nammi ke'nanga mae ri anjo tuloloa angkana, “Apaka nia' pacini' anrinni ri kotaya?” (Anjo wattua se'rea na'bi nikanai pacini'; jari punna nia' tau ero' akkuta'nang se'reang apa-apa mae ri Allata'ala, kammaminne kananna, “Umba ki'lampa mange ri pacinika.”)