1 KARAENG-KARAENG 22:15 - KITTA' MATANGKASA'

¹⁵ Battuna Mikha mange ri dallekanna Karaeng Ahab, akkuta'nammi karaenga angkana, “Maka akkulleja' siagang Karaeng Yosafat mange ambunduki Ramot, yareka tena?” Appialimi Mikha angkana, “Bundukimi! Mattantu lammetaki'. LaNasareki' pammetang Batara.”

1 KARAENG-KARAENG 22:15 ပူးပေါင်းရင်းမြစ်များ

1 KARAENG-KARAENG 18:27

Ri attangnganamo alloa, appakkaramulami Elia ancau-caui ke'nanga angkana, “Pila' lompo-lompoi sa'rannu appala' doang! Sai iami allata'ala? Gassingka sitabangi nia' nanawa-nawa, yareka mangei atta'mea. Yareka sitabangi a'lampa. Yareka attinroi kapang, na parallu nuronrong!”

1 KARAENG-KARAENG 22:12

Situjumi sikontu na'bi maraenga na nakana ngaseng, “Bundukimi Ramot, lammetaki'. LaNasareki' pammetang Batara.”

1 KARAENG-KARAENG 22:16

Appialimi Ahab angkana, “Punna a'bicarako ri nakke lanri arenNa Batara, paui sitojennaya. Pissiapa mako kupakainga' ri anjo passalaka?”

2 KARAENG-KARAENG 3:13

Nakanamo Elisa ri karaeng Israel, “Angngapa nuppala' tulung ri nakke? A'lampamako mange appala' tulung ri na'bi-na'bina tau toanu!” Appialimi Yoram angkana, “Tena! Nasaba' Batara anrancanakangi untu' ampassareangi anne ikambe sipattallu mae ri karaeng Moab.”

2 PATTOTTORANG 18:14

Battuna Mikha mange ri dallekanna Karaeng Ahab, akkuta'nammi Karaeng Ahab angkana, “Maka akkulleja' siagang Karaeng Yosafat a'lampa mange ambunduki Ramot yareka tena?” Appialimi Mikha angkana, “Bundukimi! Tantu lammetata. Batara lassareki' pammetang.”

KATO'BA 11:9

Kasia' baji'mi wattu karungkannu, he ikau tau rungkaya! Rannu mako ilalang lolonu ija. Rupaimi sikamma nakaerokia nyawanu, gaukamma sikontu naniakkanga pa'mai'nu. Mingka u'rangi, Allata'ala niaka ri suruga, langngadeli ngasengi sikontu apa nugaukanga.

YEREMIA 37:17

Nampa Karaeng Zedekia nasuroi taua angngeranga' mange andallekang ri ia ri balla' karaenga. Anjoreng akkuta'nang cokko-cokkomi ri nakke angkana apaka nia' pasang battu ri Batara. Appialima' angkana, “Nia'.” Nampa kupauang pole angkana, “Lanipassareangki' mae ri karaeng Babel.”

YEHEZKIEL 13:6

Sikamma paccini'na ke'nanga sangnging tena nakontutojeng siagang sikamma botona ke'nanga sangnging balle-balle. Naani ke'nanga kalenna angngerang pasang battu ri Nakke, padahala' iNakke tena le'bakai Kusuro ke'nanga. Antekamma lakkulle ke'nanga manrannuang ri botona ke'nanga anjo angkana la'rupai?

MATIUS 26:45

Nampa ammotere' pole ri ana'-ana' gurunNa, na Nakana, “Attinro ngasengijako siagang ammari-mari ngasengijako? Ciniki, narapi'mi wattunna lanialle Ana' Ma'rupataua, nampa nipassareang mae ri sikamma tau ja'dalaka.

HAKING-HAKING 10:14

A'lampamako mange ri anjo rewata-rewata le'baka nupile. Akkio'mako mae ri ke'nanga! Boli'mi kamma naanjo ke'nanga antulungko ri wattu lalannu ri kasukkaranga.”