1 KARAENG-KARAENG 21:4 - KITTA' MATANGKASA'

⁴ Lussa'mi siagang larromi pa'mai'na karaenga nalangngere'na anjo kananna Nabot ri ia. Ammotere'mi nampa anra'ba ri katinroanna taeroka assaile siagang taerokai angnganre napakamma.

1 KARAENG-KARAENG 21:4 ပူးပေါင်းရင်းမြစ်များ

2 SAMUEL 13:2

siagang eroki angngagangi sikatinroang. Mingka anjo kammaya tena olona lakkulle lanri anjo Tamar tenapa nale'ba' a'bunting siagang takkulleai sileporang siagang bura'-bura'ne. Tulusu' nanawa-nawana Amnon anjo passalaka sa'genna tu'guru' garring.

2 SAMUEL 13:4

Nakanamo Yonadab mae ri Amnon, “O, Karaeng lolo, angngapa naallo-allota kucini' si'na kamma? Apa saba'na kutadeng?” Appialimi Amnon angkana, “Erokka' ri Tamar, andi'na anjo sari'battangku Absalom.”

1 KARAENG-KARAENG 20:43

Ammotere'mi karaenga mange ri Samaria. Sanna' lussa'na siagang sanna' larrona pa'mai'na.

1 KARAENG-KARAENG 21:1

Ri ampi'na balla' kakaraenganna Ahab ri Yizreel, nia' se're koko anggoro', niarenga Nabot patanna.

1 KARAENG-KARAENG 21:3

Appialimi Nabot angkana, “Anne koko anggoroka sossorang battu ri boe-boeku. Lanri Allata'ala, tena kukkulle ampassareangi ri katte”.

1 KARAENG-KARAENG 21:5

Izebel, bainenna, battumi akkuta'nang ri ia angkana, “Angngapa nulussa' kamma? Angngapa nutaeroka angnganre?”

ESTER 5:13

Mingka yangasenna anjo tena matu-matunna punna kucini' ija Mordekhai, anjo tu Yahudi niaka ammempo ri pakke'bu' lompona balla' karaenga.”

AYUB 5:2

Tau toloaji bawang matea lanri pa'risi' nyawana.

KATO'BA 6:9

Yangasenna anjo poro sia-siaji bawang, sanrapang usaha untu' angngondang anging. La'bi bajikangngangi sukkukamo ri apa niaka ri katte naia tuli eroka la'bi jaiangngang.

YUNUS 4:1

Tena sikali nasannang nyawana Yunus ri anjo passalaka; ba'lalo a'jari larromi.

YUNUS 4:4

Appialimi Batara angkana, “Tena alasannu untu' a'jari larro kamma antu.”

YUNUS 4:8

Ri wattunna ammumbamo alloa, appabattumi Allata'ala anging bambang ammirika battu iraya. Sike'de' mami natenamo nangngu'rangi Yunus lanri nitujuna ri singara'na alloa, sangkammai angkanaya natunui ulunna. Tappu' panrannuammi siagang ero'mi mate. Nakana, “Bajikangngangi matea nattallasaka!”

YUNUS 4:9

Mingka Nakana Allata'ala ri ia, “Tena nusiratang si'na kamma anjo passabakkang anjo lamung-lamunga!” Appialimi Yunus angkana, “Angngapa natena? Siratanga' larro sikali sa'gengku mate.”

EFESUS 4:27

Teako sarei kasampatang Billisika.

YAKOBUS 1:14

Mingka iapa nata'goda se'rea tau punna nipagio' siagang nikai' ri kaerokang ja'dala'na.

1 SAMUEL 28:23

Taerokami Saul na nakana taerokai angnganre. Mingka nipassanamo ri sikamma pagawena, amminawang turu'mi. Ammentemmi nai' battu ri buttaya nampa ammempo ri balla'-ballaka.