1 KARAENG-KARAENG 21:29 - KITTA' MATANGKASA'

²⁹ “Le'ba'mi nucini' antekamma batena Ahab ampakatunai kalenna ri dallekangKu? Lanri kammana anjo, tena nalaKupabattu balaya ri tallasa'na ija. Ri wattu ana'napi nampa Kupabattu anjo balaya mae ri kaluargana.”

1 KARAENG-KARAENG 21:29 ပူးပေါင်းရင်းမြစ်များ

1 KARAENG-KARAENG 11:12

Mingka manna nakamma, lanri manggenu Daud, tena nalaKugaukang anjo kammaya lalang attallasa'nu ija. Ri wattu pamarentahanna ana' bura'nenu, nampami Kugaukang.

1 KARAENG-KARAENG 21:28

Nakanamo Batara ri Na'bi Elia,

1 KARAENG-KARAENG 22:1

Lalang ruan taung sallona tena pa'bundukang ri Israel siagang Siria.

2 KARAENG-KARAENG 10:1

Nia' tujupulo tau ana' cucunna Ahab ammantang ri kota Samaria. Lanri kammana anjo akkirimmi sura' Yehu mange ri Samaria, iamintu mae ri sikamma tau a'jari tutoaya mae ri ana' cucunna Ahab, kammayatompa mae ri sikamma tau anna'galaka pamarentahang siagang tutoa-toana tau jaia ri anjo kotaya. Kammaminne bonena anjo suraka,

2 KARAENG-KARAENG 10:11

Nampa nabuno Yehu sikontu bija pammanakanna Ahab maraenga niaka ammantang ri Yizreel, kammayatompa sikontu pagawena, agang-agang baji'na, siagang imang-imanna; tena manna sitau nalappassang attallasa'.

2 KARAENG-KARAENG 22:19

assesse'lalang mako siagang nupakatunami kalennu ri dallekangKu. Le'ba'mi Kugammara' Yerusalem siagang pandudu'na angkanaya eroki Kuhukkung. Eroki Kupa'jari anjo kotaya sanna' appakamalla'na nicini', siagang laKupa'jari anjo arenna Yerusalem kana pattunra. Mingka ri wattunna nulangngere' anjo kana panggammarakKu, angngarru' mako siagang nukae-kaemi pakeannu napakamma si'na pa'mai'nu. Kulangngere'mi pappala' doannu,

2 KARAENG-KARAENG 9:24

Napabantammi otere' panana Yehu sipagassing-gassinna nampa nalio-lio napana anjo Yoram, na nataba dongko'na sitarrusu' mae ri atenna. Anra'bami Yoram, nampa mate lalang ri karetana.

2 KARAENG-KARAENG 9:33

Nakanamo Yehu mae ri ke'nanga, “Pasambilai naung mae antu bainea!” Na nipasambilamo Izebel ri ke'nanga naung battu ri tontonganga, nampa nilissarrang ri kareta sa'genna ta'racci' cera'na mae ri temboka siagang mae ri sikamma jaranna anjo karetaya.

2 PATTOTTORANG 12:7

Ri wattunna Nacini' Batara angkanaya napa'jari tunami kalenna ke'nanga, a'bicarami mae ri Semaya, Nakana, “Lanri namangakuimi dosana ke'nanga, jari tenamo nalaKupanraki ke'nanga. LaKupasalamaki linta' ke'nanga; tena nalaancuru' Yerusalem. Mingka manna nakamma,

PAMMUJI 18:44

Kilappassanga' battu ri tu dorakaya, nampa Kipa'jaria' tukoasa ri bansa-bansaya; bansa tenaya kuassengi a'jari atangku.

PAMMUJI 66:3

Angkana mako ri Allata'ala, “Tojeng, appakalannasaki panggaukanTa! Tunduki musua mae ri Katte napakamma malla', saba' teai sipato' lompona koasaTa.

PAMMUJI 86:15

Mingka iKatte, o, Batara, Allata'ala mangngamaseang siagang manynyayang, sa'bara', la'bi pangngamaseang siagang majarre'.

KALAPPASSANG 10:3

Nampa a'lampami Musa siagang Harun mange andallekang ri karaenga na nakana ri ia, “Batara, Allata'alana bansa Ibrani, appasangi angkana, ‘Siapapi sallonu taeroka tundu' mae ri Nakke? Lappassammi ummakKu a'lampa, sollanna akkulle ke'nanga nagaukang ibadana mae ri Nakke.

KALAPPASSANG 20:5

Teako anynyombai ri patung kammaya anjo, nasaba' iNakkeji Karaeng Allata'alanu, siagang taerokA' nipasangkamma manna apa-apa mamo. Sikamma tau mangngabirissia mae ri Nakke Kuhukkungi sa'genna jari-jari lapisi' makatalluna siagang makaappa'na.

YESAYA 66:2

Sikontu linoa sangnging bate pare' limangKu, jari yangasenna anjo apa nipa'jari. Mingka ia Kungaia iamintu tau tuna pa'maika, assesse' lalanga lanri dosa-dosana, ia mallaka siagang mannurukia mae ri Nakke.

YESAYA 66:5

Pilangngeri apa Napaua Batara, he ikau mallaka siagang mannurukia mae ri Ia, “Lanri tamamminranu mae ri Nakke, nia' ri bansanu angkabirisiko, na taeroka ansileporangko. Nacau-cauko ke'nanga na nakana, ‘Lappassammi Napappicinikang Batara kala'biranNa, sollanna nacini' ikambe karannuannu.’ Mingka kalenna tonji ke'nanga anggappa siri'-siri'.

YEREMIA 7:17

Nucini'mi kalennu apa nagaukanga ke'nanga ri kota-kota Yehuda siagang ri agang-aganga ri Yerusalem!

DANIEL 4:27

Lanri kammana anjo, kupalaki nakipilangngeri anne pappakainga'na atanta. Tea' maki' dorakai pole karaeng, mingka gaukammi apa bajika siagang adeleka, kammayatompa kamaseangi tu kasi-asia. Lanri kammana anjo nalatulusu' mate'ne karaengku.”

YUNUS 3:10

Nacini'mi Allata'ala panggaukanna ke'nanga; Naciniki angkanaya nabokoimi ke'nanga panggaukang ja'dala'na. Jari Napinrami kaputusanNa, siagang tanjariami Nahukkung ke'nanga.

MIKHA 7:18

Tena Allata'ala sangkammanTa, o Batara, ampammopporangai dosana umma' nipileNa niaka tassesa. Tena Kituli lalarro; kabalekanna, sannangi nyawaTa ampappicinikangi pangngainTa tenaya sanggana.

LUKAS 7:44

Nacinikimi Isa anjo bainea, nampa Nakana ri Simon, “Nuciniki anne bainea? BattuA' anrinni ri balla'nu, natena nupasadiangA' je'ne' pa'bissa bangkeng; mingka anne bainea natangkasi bangkengKu siagang je'ne' matanna, nampa nalu'lu' siagang uu'na.

ROMA 2:4

Yareka nucapaki pangngamaseanNa siagang kabajikanNa kammayatompa kalompoanNa Allata'ala? Mattantu nuassengi angkanaya iaji naNapappicinikang kabajikang pa'mai'Na Allata'ala, lanri nakellainu ngaseng toba' ri dosa-dosanu.

2 PETRUS 3:9

Tena nasallo Batara nampa Napassareang apa Napa'janjianga, manna pole nania' tau sala pahang kamma anjo. Mingka sa'baraki mae ri kau, nasaba' taNapa'biangako nia' panra' manna pole sitau. Eroki sollanna toba' ngaseng taua battu ri dosa-dosaya.