1 KARAENG-KARAENG 21:25 - KITTA' MATANGKASA'

²⁵ Tena niakka tau lompo pattujunna anggaukangi kaja'dallanga ri dallekanNa Batara sangkamma nagaukanga Ahab. Yangaseng anjo kaja'dallanga nagaukangi lanri nipangarui ri Izebel, bainenna.

1 KARAENG-KARAENG 21:25 ပူးပေါင်းရင်းမြစ်များ

1 KARAENG-KARAENG 16:25

Omri jai panggaukang dosa lompoangngang nanagaukanga karaeng-karaeng ammarentaya rioloanganna.

1 KARAENG-KARAENG 18:18

Appialimi Elia angkana, “Teai inakke tau apparicua, mingka kalenna karaenga. Ikattemi siagang kaluargata apparicu. Lanri anynyombata ri barhala-barhala Baal, kidakkaimi parenta-parentaNa Batara.

1 KARAENG-KARAENG 18:4

Ri wattunna nabuno Izebel na'bi-na'biNa Batara, nia' 100 tau na'bi natulung Obaja na nacokko ke'nanga lalang ri kali'bong batua – 50 tau lalang se're kali'bong – kammayatompa nasare kanre siagang je'ne' inung ke'nanga.)

1 KARAENG-KARAENG 19:2

Jari akkirimmi kabara' Izebel mae ri Elia angkana, “Poro nahukkunga' rewataya, ba'lalo nabunoa', punna ammuko ri wattu kamma-kammaya anne, natena nakupakamma tongko anjo apa le'baka nugaukang mae ri anjo na'bi-na'bi Baal.”

1 KARAENG-KARAENG 21:20

Nacini'na Ahab anjo Elia, nakanamo, “E musu, kale'bakkanna nugappa tonja'!” Appialimi Elia angkana, “Kammatojengi, nasaba' sanna' lompona pattujunta anggaukangi apa ja'dalaka ri dallekanNa Batara,

1 KARAENG-KARAENG 21:7

Appialimi Izebel angkana, “Sai ikau karaeng Israel! Ambangung mako nungnganre kamma-kamma anne. Pakasannangi nyawanu, nasaba' lakusareko anjo koko anggoro'na Nabot!”

1 KARAENG-KARAENG 22:52

Ri taung makasampulo antuju pamarentahanna Karaeng Yosafat battu ri Yehuda, Ahazia ana'na Ahab a'jari karaeng Israel, nampa ammarenta ri Israel ruan taung sallona.

1 KARAENG-KARAENG 22:53

Dorakai mae ri Batara siagang naturuki panggaukanna manggena siagang amma'na, kammayatompa panggaukanna Yerobeam a'jari passabakkanga na'gau' dosa tu Israel.

2 KARAENG-KARAENG 17:17

Napassareangi ana'na ke'nanga a'jari koro'bang nitunu mae ri rewataya. Ammakei ke'nanga pangngissengang siagang appalaki pangngunju' battu ri sanro-sanroa ia akkullea sipa'bicara siagang roh-roh tenaya naniciniki. Teai sipato' batena anggaukang ngasengi anjo apa-apa tenaya Nangai Batara,

2 KARAENG-KARAENG 23:25

Tena le'bakai nia' karaeng sangkamma Yosia, attojeng-tojenga ri pa'mai'na anynyomba mae ri Batara, siagang napa'nyatami anjo lalang ri carana attallasa' siagang appanggaukang, situru' sikontu hukkung niaka tattulisi' lalang ri kitta'na Musa. Manna ri tenanamo Yosia, tena tommo karaeng sangkammanna.

2 KARAENG-KARAENG 9:22

Akkuta'nammi Yoram ri Yehu angkana, “Apaka anne kabattuannu salaku agang?” Appialimi Yehu angkana, “Antekamma olona salaku agang punna anrinni nia' ija sanro, siagang nia' ija tau anynyomba ri barhala appakkaramulaya nagaukang anjo amma'nu?”

2 KARAENG-KARAENG 9:34

Le'baki anjo antama'mi Yehu ri balla' karaenga nampa angnganre. Nampa nakana, “Anjo bainea tau nitunrai. Mingka manna nakamma mamo, tarawang tonji ia maya'na, lanri ia ana' bainenai karaenga.”

NEHEMIA 13:26

Kukana, “Sai iatommi anne dosa kammaya nagaukang Karaeng Salomo? Tena karaeng lompoangngang naia ri anne linoa. Nikamaseangi ri Allata'ala siagang nipa'jari karaeng ri sikontu bansa Israel. Mingka manna nakamma, ninyonyo'mi ri bai'-baine bansa maraeng untu' a'gau' dosa.

KALAPPASSANG 34:16

Punna a'bunting ana'-ana'nu siagang bai'-baine bansa maraeng, laninyonyoki ke'nanga ri anjo bai'-bainea untu' ambokoiA' nampa anynyomba ri rewata-rewatana ke'nanga.

PANGNGEBARANG 22:14

Panynyonyo'na baine salaya sangkammai sikko'; tau nikalarroia ri Batara loposoki antama'.

KATO'BA 7:26

Kupahammi angkanaya anjo bainea paikangngangi na matea. Pangngaina bainea rapang jala siagang sikko', sadiai ero' anjakkala'. Tau anggaukangai ero'Na Allata'ala, nipalili battu ri anjo sikko'na, mingka tau dorakaya mattantu laniallena.

YESAYA 50:1

Nakana Batara ri Israel, “He ummakKu, nukapangi angkana Kubongkako rapang se'rea bura'ne ambongkai bainenna? Punna kamma, kemae sura' talla'na? Nukapangi angkana Kubalukangko, rapang sitau mangge ambalukangi ana'na mae ri tau assingaraka pappiinrang? Tena! Nitahangko siagang nipelakko, lanri dosanu siagang kaja'dallang kalennu!

YESAYA 52:3

Nakana Batara mae ri umma'Na, “Nibalukang bawang-bawangko riolo, jari kamma-kamma anne nilappassang bawang-bawang tongko.

LAMPA-LAMPANA 14:2

Mingka tu Yahudi tenaya naero' tappa' nakompa-kompa salami bansa maraenga, sa'genna birisi'mo ke'nanga mae ri tu tappaka ri Isa.

LAMPA-LAMPANA 6:12

Kammaminjo batena ke'nanga angkompa-kompa salai sa'genna nassu tau jaia, pamimping-pamimpinna tu Yahudia, kammayatompa guru-guru agamaya. Mangemi ke'nanga anjakkalaki Stefanus, nampa naerang mange andallekang ri pangadelang agamaya.

ROMA 6:19

Nasaba' sukkara' sikali nupahang, ammakema' pangngebarang mae ri nikanaya a'jari ata sollanna gampang nupahang. Riolo nupassareangi sikontu batangkalennu a'jari ata mae ri apa-apa ra'masaka siagang panggaukang ja'dalaka untu' kaja'dallanga. Kamma tomminjo ri kamma-kammaya anne, musti nupassareangi sikontu batangkalennu a'jari ata mae ri ero'Na Allata'ala, untu' anggaukangi ero'Na bawang Allata'ala.

ROMA 7:14

Niassemmi angkanaya anjo hukkung-hukkung agama Yahudia battu ri Allata'ala assala'na; mingka inakke anne lammai batangkalengku. Le'ba'ma' nibalukang untu' a'jari ata mae ri dosa-dosaya.

PAPPICINI' 2:20

Mingka nia' Kukabattallang mae ri kau ngaseng: Nusarei pa'mai' Izebel, anjo baine nakanaya kalenna tunisuro ri Allata'ala. Jaimi atangKu le'ba' natipu siagang naajara' untu' a'gau' bawang siagang angkanrei kanre le'baka nipassareang mae ri barhalaya.