1 KARAENG-KARAENG 21:19 - KITTA' MATANGKASA'

¹⁹ pabattui mae ri ia angkana iNakke, Batara akkana kammA' anne, ‘Le'bakko ammuno, anrampasakko pole! Lanri kammana anjo, cera'nu lanilepaki ri kongkong, ri tampa'na kongkong-kongkonga allepaki cera'na Nabot!’ ”

1 KARAENG-KARAENG 21:19 ပူးပေါင်းရင်းမြစ်များ

PA'JARIANG 3:11

Akkuta'nammi Allata'ala angkana, “Inai angkana ri kau angkana assolarakko? Apaka nukanrei anjo rappo kayu Kupappisangkanga angkana teako kanrei?”

2 SAMUEL 12:11

Assumpa' angkanaya laKupitujuiko bala, iamintu battua ri kaluarga kalennu. LaKuallei sikamma bainennu ri dallekang matannu siagang Kupassareangi mae ri tau maraenga assikatinroanga siagang ke'nanga ri tangngana alloa.

2 SAMUEL 12:9

Angngapa natena nujampangi parenta-parentaKu? Angngapa nanugaukang anjo kaja'dallang kammaya? Nusuro bunoi Uria lalang pa'bundukang; nulappassangi nibuno ri tu Amon, siagang nualleangi bainenna!

1 KARAENG-KARAENG 22:38

Ri wattunna nitangkasi karetana ri kollang Samaria, sitabangi nia' sikamma bai'-baine pasundala' anjoreng a'je'ne', siagang konkonga allepaki ceraka ri anjo karetaya, coco' le'baki siagang apa le'baka Napau Batara.

2 KARAENG-KARAENG 10:10

Iaminne buttina angkanaya sikontu apa le'baka Napau Batara ri passala'na ana' cucunna Ahab lakajariang kabusuki. Nagaukammi Batara apa le'baka Napau tete ri atanNa iamintu Elia.”

2 KARAENG-KARAENG 10:7

Le'baki natarima ke'nanga anjo sura'na Yehu, nibunomi ri tutoa-toana tau jaia ri kota Samaria anjo tujupuloa ana' cucunna Ahab, nampa nipantama' ulunna ke'nanga ri karanjenga, nampa nikiring mange ri Yehu ri Yizreel.

2 KARAENG-KARAENG 6:32

Nampa nasuromo karaenga se're tau a'jappa riolo mange ri balla'na Elisa. Anjo wattua niaki Elisa ri balla', siagang siapa are tau toa-toana pa'rasanganga sitabang a'manaikang anjoreng. Lalang tenanapa nabattu anjo surona karaenga, nakanamo Elisa mae ri anjo sikamma tau toa-toana pa'rasanganga, “Parhatikangi! Anjo pabuno-bunoa assuroi tau battu mae untu' ambunoa'. Punna battu sinampe' anjo taua, tongkoki pakke'buka siagang teako pa'biangi antama'. Ri bokona laniaki kalenna karaenga.”

ESTER 7:10

Kammaminjo nanigentummo Haman ri panggentungang le'baka napare' untu' anggentungi Mordekhai. Le'bappi anjo nampa naung larrona karaenga.

AYUB 31:39

ebara' angkana la'busuki wassele'na kukanre, na kubalang parekang cipuru' pamarri allamungai,

PAMMUJI 68:23

Nakana Batara, “He umakKu, Kuerangi musunnu battu ri Basan Kuerangi ke'nanga ammotere' battu ri dapara'na tamparanga,

PAMMUJI 9:13

Nasaba' Nau'rangi tau pa'risika taNakaluppaiyai piraunna ke'nanga; Nahukkungi tu pallaka panggaukanna.

PAMMUJI 9:16

Bansa-bansa tenaya naassengKi' tu'guru' antama' ri kali'bong nakekea kalenna ke'nanga; nialle ri sikko' napare' kalenna ke'nanga.

YEREMIA 34:6

Jari kupabattumi anjo pasanNa Batara mae ri Karaeng Zedekia ri Yerusalem,

YEHEZKIEL 46:18

Patugasa' pamarentaya takkulleai naalle manna sike'de' dudu barang pisakana ra'ya'na. Butta kalennaji bawang akkulle napassareang mae ri ana'-ana' bura'nena, sa'genna tena manna sitau battu ri ummakKu akkulle nipasisa'la' battu ri barang-baranna.”

HABAKUK 2:12

Nitunraiko ikau! Appaentengko kota irate ri kaja'dallannu siagang nubangungi lalang pammunoang.

HABAKUK 2:9

Nitunraiko ikau! Nupa'jari kalumanynyangi kaluarganu battu ri passawallang nugappaya lanri gau' palla'nu, sollanna balla' kalennu a'jari amang siagang bellai battu ri kasusaanga siagang balaya.

MATIUS 7:2

Nasaba' antekamma batenu mangngadeli ri parannu tau, kamma tomminjo batenu laniadeli ri Allata'ala. Siagang pa'baku' apa nupake ambakuki parannu tau, ia tomminjo sallang pa'bakuka laNapake Allata'ala ambakukko.

HAKING-HAKING 1:7

Angkanami Adoni-Bezek, “Riolo nia' tujupulo karaeng le'ba' kupolong anrong limanna siagang anrong bangkenna; nampa kusare ke'nanga angkanrei sesa-sesa kanre tu'guruka battu ri mejangku. Kamma-kamma anne Nagau'ma' Allata'ala sangkamma apa le'baka kugaukang mae ri ke'nanga.” Nierammi Adoni-Bezek mange ri Yerusalem. Nanjoremmo mate.