1 KARAENG-KARAENG 21:13 - KITTA' MATANGKASA'

¹³ Nia'mo rua pajaba' ammempo assidallekang siagang Nabot. Na ri dallekanna tujaia nitudumi angkanaya natunrai Allata'ala siagang karaenga. Lanri kammana anjo nierammi assulu' ri pantaranganna kotaya nampa nisambila batu sa'genna mate.

1 KARAENG-KARAENG 21:13 ပူးပေါင်းရင်းမြစ်များ

1 KARAENG-KARAENG 21:14

Nampa nipabattumo anjo kabara' nibunona Nabot mange ri Izebel.

2 KARAENG-KARAENG 6:32

Nampa nasuromo karaenga se're tau a'jappa riolo mange ri balla'na Elisa. Anjo wattua niaki Elisa ri balla', siagang siapa are tau toa-toana pa'rasanganga sitabang a'manaikang anjoreng. Lalang tenanapa nabattu anjo surona karaenga, nakanamo Elisa mae ri anjo sikamma tau toa-toana pa'rasanganga, “Parhatikangi! Anjo pabuno-bunoa assuroi tau battu mae untu' ambunoa'. Punna battu sinampe' anjo taua, tongkoki pakke'buka siagang teako pa'biangi antama'. Ri bokona laniaki kalenna karaenga.”

2 PATTOTTORANG 24:21

Mingka assikongkolo'mi ra'yaka untu' angngewai Zakharia, siagang Karaeng Yoas amminawang tongi lalang ri anjo passikongkolanga. Tenamo nau'rangi jasa-jasana siagang pa'mai' tamamminrana Yoyada, manggena Zakharia. Naparentakangi karaenga sollanna nisambilai batu Zakharia sa'genna mate ri paranglakkeng Balla'Na Batara. Ri wattunna lamatemo Zakharia, akkio'mi angkana, “Dasi-dasi naNacini' Batara anne panggaukannu nampa Nabalasa' mae ri kau!”

AYUB 1:11

Mingka ebara' angkana Kialle ngasengi anjo sikontu kakalumanynyanganna mattantu lanatunrai memang maKi' lalang silalonna.”

AYUB 1:5

Punna le'ba' anjo massing pa'gaukanga, tuli ambangung bari'basaki Ayub nampa assare koro'bang untu' tungga'-tunggala' ana'na sollanna nipammopporang ke'nanga ri Batara. Saba' nakana pikkiranna Ayub, gassingka dorakami anjo ana'-ana'na siagang nahinai Allata'ala natanaassenga kalenna.

AYUB 2:9

Nakanamo bainenna mae ri ia, “Antekamma batenu tuli lajarre' ija tappa'nu mae ri Allata'ala? Tunrai lalomi, nunampa mate!”

AYUB 31:39

ebara' angkana la'busuki wassele'na kukanre, na kubalang parekang cipuru' pamarri allamungai,

PAMMUJI 27:12

TeaKi' passareangia' mae ri hawa napasuna balingku, ambakkaia' siagang balle-balle na panggaratta'.

PAMMUJI 35:11

Sa'bi-sa'bi ja'dalaka ambangungi ambalianga', siagang natudua' anggaukangi apa-apa tenaya kuassengi.

KALAPPASSANG 20:16

Teako assarei kasa'biang takontutojeng mae ri parannu tau.

PANGNGEBARANG 19:28

A'jari sa'bi balle-balle, sangkammai nibawangngang hukkunga; ambalai taua, bajiki kasia'na ri tau ja'dalaka.

PANGNGEBARANG 19:5

Tau a'balle-ballea ri pangadelanga, takkulleai naliliang hukkunganga.

PANGNGEBARANG 19:9

Tau a'balle-ballea ri pangadelang mattantu lanihukkungi siagang nipanraki.

PANGNGEBARANG 25:18

Tuduhang nipare'-pareka akkullei angngerang kamateang, sanrapang pa'dang, palu-palu, yareka ana' pana cidu'.

KATO'BA 10:20

Teako callai karaenga, manna pole lalang pa'mai'. Teako pakkanai tu kalumanynyanga, manna ri katinroang kalennu. Akkullei nalangngere' jangang-jangang apa nupaua, nampa napabattu mae ri anjo tau natujua.

KATO'BA 4:1

Nampa kuparhatikang pole sikamma apa tenaya naadele', ia kajarianga ri anne linoa. Angngarruki tau nijallakkanga, natena tau ero' antulungi ke'nanga. Tena manna sitau ero' ambantui, lanri lompona koasana anjo sikamma tau anjallakkangai ke'nanga.

YESAYA 8:21

Sikamma tau cilakaya siagang tau cipuruka a'dete'mi ri anjo pa'rasanganga. Lanri cipuru'na, a'larro-larromi ke'nanga sa'genna natunrai karaenga siagang Allata'alana ke'nanga. Manna accini' kemae ke'nanga, nai'

AMOS 7:10

Amazia, iamintu imang ri Betel, akkiringi laporang kamma anne mae ri Yerobeam karaeng Israel, “Assikongkoloki Amos siagang ra'yaka untu' angngewaki' karaeng. Kana-kananna nakompa-kompai ra'yaka untu' angngancuruki anne pa'rasanganga.

MALEAKHI 3:5

Nakana Batara Kaminang Koasaya, “LabattuA' mae ri kau ngaseng untu' angngadeli. LabattuA' linta' anjari sa'bi mae ri pabale'-bale' mataya, sikamma tau a'gau' bawanga, pasa'bi balle-ballea, a'gau' jekkonga ansarei gajina tau angnganre gajia, tau anjallakkangai sikamma jandaya, ana'-ana' kukanga, siagang bansa maraeng battua annompang, mae ri sikontu tau tenaya napakala'birikKa'.”

MATIUS 9:3

Anjo wattua nia' todong siapa are guru-guru agama anjoreng. Nakanamo lalang nyawana anjo guru-guru agamaya, “Anne taua nahinai Allata'ala!”

LUKAS 23:2

Anjoreng ri dallekanna Pilatus, nitudumi Isa ri ke'nanga. Nakana ke'nanga, “Anne taua nirapikangi Napasala oloangi ra'yaka. Naajara' salai taua sollanna tena naero' taua a'bayara' sima ri Karaenga, lanri Nakanana KalenNa Iami Almasi, Karaenga.”

YOHANES 19:12

Nalangngere'na Pilatus akkana kamma Isa, a'boyami cara antekamma nakkulle nalappassang Isa. Mingka ammarrang-marrammi tu Yahudia, angkana, “Punna kilappassangi antu Taua, teaiki' aganna Karaenga! Inai-nai nakana kalenna karaeng, iami musunna Karaenga!”

LAMPA-LAMPANA 24:5

Anne taua pangacoi siagang akkullei angngerang bahaya. Kemae-kemae appa'nia' karicuang ri alla'na tu Yahudia. Siagang iami a'jari pamimpinna tu Nazaretka.

LAMPA-LAMPANA 6:11

Lanri kammana, nia'mo siapa are tau nasare doe' ke'nanga, nampa nasuro appau angkana, “Le'baki anjo taua a'bicara anghina-hinai Musa siagang Allata'ala!”

PAOLE 21:21

Nampa tu bura'ne niaka ri anjo kotaya musti nasambilai anjo anaka siagang batu sa'genna mate. Kammaminjo caranu ampaccappuki kaja'dallang kammaya anjo. Sikamma tu Israelka lanalangngereki kabara'na anjo kajarianga siagang a'jari malla'mi.”

PAOLE 22:21

anjo bainea musti nierangi mange ri pakke'bu' balla'na tau toana. Anjoreng ri tampaka musti nisambilai siagang batu anjo bainea ri tubura'-bura'nea ri anjo kotaya sa'genna mate. Anjo bainea le'baki ampanggaukang appakasirika mae ri bansata lanri nagaukanna assikatinroanga siagang bura'ne ri tenanapa na'bunting, ri wattu ammantanna ija ri balla'na manggena. Lanri nihukkunna anjo bainea nupaccappu'mi anjo kaja'dallang kammaya.

PAOLE 22:24

Punna kamma anjo passalaka, musti nierangi anjo ke'nanga assulukang ri pantaranna kotaya nampa nisambila batu sa'genna mate. Anjo tuloloa musti nibunoi lanri tenana nakkio' appala' tulung, nasaba' anjo passalaka lalangi ri kotaya kajariang, jari akkullei nilangngere' sa'ranna punna akkioki. Nampa anjo bura'nea musti nibunoi lanri assikatinroanna siagang tulolo le'bakamo nipa'bayuang siagang bura'ne maraeng. Lanri nihukkunna anjo tau ruaya, nupaccappu'mi anjo kaja'dallanga.

PAOLE 5:20

Teako assarei kasa'biang balle-balle ri passala'na parannu tau.

IBRANI 11:37

Nia' nisambilai batu sa'genna mate, nia' nisamballe siagang garagaji, kammayatompa nibuno siagang pa'dang. Mange-mangei a'lampa ke'nanga ammakeang kukkulu' gimbala' yareka kukkulu' bembe; kasi-asi tallasa'na ke'nanga, nigau' takamma-kammai siagang nisessai.