1 KARAENG-KARAENG 21:11 - KITTA' MATANGKASA'

¹¹ Nigaukammi anjo parentana Izebel ri sikamma pamimpinna siagang tutoa-toana masarakaka ri Yizreel.

1 KARAENG-KARAENG 21:11 ပူးပေါင်းရင်းမြစ်များ

1 KARAENG-KARAENG 21:10

Suroi rua tau ja'dala' andallekangi siagang natudui angkanaya le'baki natunrai Allata'ala siagang karaenga. Nampa erangi assulu' ri pantaranganna kotaya, siagang sambilai batu sa'genna mate!”

1 KARAENG-KARAENG 21:12

Napa'la'bammi sollanna appuasa ra'yaka. Nampa nasuro ke'nanga a'rappungang, nampa nisare Nabot tampa' kaminang mala'biri'.

2 PATTOTTORANG 24:21

Mingka assikongkolo'mi ra'yaka untu' angngewai Zakharia, siagang Karaeng Yoas amminawang tongi lalang ri anjo passikongkolanga. Tenamo nau'rangi jasa-jasana siagang pa'mai' tamamminrana Yoyada, manggena Zakharia. Naparentakangi karaenga sollanna nisambilai batu Zakharia sa'genna mate ri paranglakkeng Balla'Na Batara. Ri wattunna lamatemo Zakharia, akkio'mi angkana, “Dasi-dasi naNacini' Batara anne panggaukannu nampa Nabalasa' mae ri kau!”

KALAPPASSANG 1:17

Mingka anjo ruaya sanro pamana', tau malla' ngaseng mae ri Allata'ala. Taerokai ke'nanga anggaukangi anjo apa naparentakanga karaenga; nalappassanji attallasa' sikamma ana' lolo bura'nea.

PANGNGEBARANG 29:12

Punna naparhatikang pamarentaya kabara' balle-ballea, la'jari ja'dala' ngasengi sikontu pagawena.

PANGNGEBARANG 29:26

Jai tau nangai a'boya-boya pa'mai' ri tukoasaya, mingka assarea kaadelang, Bataraji bawang.

YESAYA 59:14

Nipakabellami hukkung adeleka, siagang nipalilimi kaadelanga. Nibawang-bawangngammi kalambusanga ri tampa'-tampa' tujaia, siagang nipasa'rimi pa'mai' maci'nonga.

HOSEA 5:11

Nijallakkangi Israel; nialleangi buttana, lanri terasa'na nyawana untu' appala' tulung mae ri apa-apa tenaya nakkulle antulungi.

KAIMANGNGANG 19:15

Musti lambusukko punna angngadeliko; teako battala' mangei ri tu kasi-asia siagang teako mallakki mae ri tau kalumanynyanga.

MIKHA 6:16

Yangasenna anjo kammaya kajariangi lanri nuturukinna panggaukang-panggaukang ja'dala'na Karaeng Omri siagang ana'na, iamintu Karaeng Ahab. Nupinawangi cara-carana ke'nanga. Lanri kammana anjo laKuancuru' ngasengko, siagang lanicau-cauko kammayatompa lanihinako ri sikontu bansaya.”

MATIUS 2:12

Ri lammotere'na ke'nanga, nipauammi ri Allata'ala lalang so'na, sollanna tea ammoteri ke'nanga mange ri Herodes. Jari oloang maraemmi naolo ke'nanga ammotere' mange ri pa'rasanganna.

MATIUS 2:16

Naassenna Herodes angkanaya nitipui ri anjo tucara'deka accini' bintoeng niaka battu raya, tamakami larrona. Appasulu'mi parenta, assuro buno ngasengi sikontu ana'-ana' bura'ne niaka lalang ri Betlehem siagang ri ampi'-ampi'na, ia umuru' ruan taunga siagang irawangannaya. Anjo umuruka appakkaramulai nirekeng ri wattu pammumbana anjo bintoenga, situru' le'baka napau anjo tucara'deka accini' bintoeng.

LAMPA-LAMPANA 4:19

Mingka appialimi Petrus siagang Yohanes angkana, “Pikkiri'mi ri kalennu ngaseng, angkanaya kereanga annaba ri dallekanNa Allata'ala: parentanu nituruki, yareka parentaNa Allata'ala.

LAMPA-LAMPANA 5:29

Appialimi Petrus siagang agang-aganna, angkana, “Musti ero'Na Allata'ala naturuki ikambe, teai ero'na rupataua.

1 SAMUEL 22:17

Nampa naparentakammo mae ri sikamma pangawala'na niaka ammenteng ri ampi'na, nakana, “Buno ngasengi anjo imang-imanNa Batara! Assikongkolo'mi ke'nanga siagang Daud. Naassengi ke'nanga angkanaya lari Daud battu ri nakke, mingka tena naero' ke'nanga ampauanga'.” Mingka taerokai anjo sikamma pangawalaka ambunoi anjo imang-imanNa Batara.

1 SAMUEL 23:20

Niassengi anne angkanaya ero' duduki' anjakkalaki. Jari battu maki' mae ri daerana ikambe. Najamingi ikambe angkanaya attantui akkullena kijakkala'.”